ZEKARIA 10:9 - Pathien Lekhabu Inthieng (BSI)

⁹ Chun, anni chu mipuihai laia chun tûng ka ta; ram hlataka khawm mi hre zing an tih; chun, an nau le têhai leh um an ta, hung kîr nâwk an tih.

ZEKARIA 10:9 ပူးပေါင်းရင်းမြစ်များ

NEHEMIA 1:9

amiruokchu, keia tieng in hung ngha nâwk a, ka thupêkhai in pawm a, in zâwm chun, nangni laia mi kâwlkawdawng chena hnawt suoka um khawm um hai sienla, chutaka inthawk khawm chun kei khâwm nâwk ka ti cheu a, ka hming ka înumtirna ding hmuna ka ruota chun ṭhuoi nâwk ka tih,’ tiha thu i pêk kha lunginsiettakin hre zing rawh.

ESTHER 8:17

Chun, rambung tin le khaw tinah, lal thupêk a tlungna taphawta chun, Judahai chun lâwmna le hlimna an nei a, ni ṭha le ruoiṭhena dâm an nei ta bawk a. Chun, chu rama chi tamtakhai laia mi chu Juda an hung ni ve tah a; an chunga chun Juda mihai ṭitna chu a tlung ta sih a.

ISAI 44:21

Aw Jakobhai, chuong thilhai chu hre zing ro, Israelhai, hre zing bawk ro; ka siehlawhai in ni sih a; keiin kân ngîr cheu a; ka siehlawhai in nih; aw Israelhai, ka theinghilin um naw ti niu.

ISAI 64:4

Tienlaia inthawk tah mihaiin, nangma chau naw chu, anni nghâktuhai ta ding thawpêk hlaktu Pathien an hriet ngai si nawh a, nain an hriet ngai nawh a, mit khawma an hmu ngai bawk nawh.

ISAI 65:23

A thlâwnin sin inrim naw ni hai a, vângduoina el dingin nau nei bawk naw ni hai a, LALPA malsâwm mi thlahai an ni sih a, an nauhai chu an kuomah um zing an tih.

ISAI 65:9

Chun, Jakoba inthawkin chi pa- khat suksuok ka ta, Judaa inthawkin ka tlânghai hluotu ding chu suksuok bawk ka tih; chuongchun, ka mi thlanghai chun chu chu hluong an ta, ka siehlawhai chu chutaka chun um an tih.

JEREMIA 31:27

Ngai ta u, nihai chu a hung tlung, LALPA chun a tih: Juda sûng- kuo le Israel sûngkuo chu ramsa chi le mihriem chiin tûng ka ta.

JEREMIA 51:50

“Nangni kâwlhnâma inthawka suokthlenghai, fe unla, ngîr ṭawk ṭawk naw ro, hlataka inthawk chun LALPA chu hre zing unla, Jerusalem chu in lungrilah in hungtir hlak ro.

EZEKIEL 6:9

Chun, nangni laia chuonga suok- hai chun, hnamhai sala ṭhuoia an umnahai laia an um lai chun mi hre zing an ta, an lungril keimaa in- thawka ṭhea um tah, châkna chu ka lo sukkawi ta zie hai le, an mithai an milimhai châktaka an enna le chun; chun, anni an tirdakumna po poa an lo thaw tah, thil ṭha naw ta ding chun an mithmu ngeia chun intirdak an tih.

HOSEA 2:23

Chun, ama chu ka ta dingin hnuoia hin chîng ka ta, Lo-ruhama chu lainat ka ta, Ka mi nilo chu “Ka mi i nih” tîng ka ta, Chun, ama chun, “Ka Pathien i nih,” tîng a tih.

AMOS 9:9

“Ngai ta u, thu ka pêk ding a ni sih a, chun, sihria bu an rel angin, Israel sûngkuohai chu hnam po po lai chun rel ka tih; nisienlakhawm, a mal chîn tak khawm hnuoi chungah tla naw ni.

MIKA 5:7

Jakob mi la um sun chu chi tamtakhai laia LALPAA inthawka daidaw tla ang le, hlobet chunga raw sûr angin um a tih, chu chun mihriem a nghâk nawh a, mihriem naupasal a nghâk bawk nawh.

THILTHAWHAI 8:1

Chu ni chun, kohran Jerusalema umhai chu miin nasatakin an suknawmna phut tah a; chuongchun, tirkohai bak naw chu Judai le Samari ram khaw tinah an indar ta vawng a.

THILTHAWHAI 8:4

Chun, ân darhai chu khaw tinah an feh a, thu chu an hril pei a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:24

Nang oliv puopa hrima in- thawka sât thlâk hman, pieng dân naw anga oliv thing ṭhaa zawma i um chun, chuong a kâu tak takhai chu an bulpui, oliv thing pângngaia chun zawm an va ni nasa âwm de!