ZEKARIA 10:4 - Pathien Lekhabu Inthieng (BSI)

⁴ Amaa inthawkin a kiha lung dâm, amaa inthawkin a kilna dâm, amaa inthawkin indona thalngul dâm, amaa inthawkin rorêltu dâm an hung suok tlâng vawng ding a ni sih a.

ZEKARIA 10:4 ပူးပေါင်းရင်းမြစ်များ

INṬANNA 49:24

Nisienlakhawm, ama thalngul chu ngartakin a um zing a, A kut thahai chu sukhrâtin a um a, Jakob Mihrât kut chun, (Chutaka inthawk chun berâm vêngtu, Israel lungpui chu a hung um a.)

EZRA 9:8

Tuhin mitkhapkâr tawitea ding- in kan Pathien LALPA zângaina chu hla bîkhai mi la mâksanpêk ding le, a hmun inthienga um zingna mi pe dingin kan Pathien chun kan mithai a hung sukvar a, kan sal intângnaa hin sukharna tlâwmte bêk a mi pêk theina dingin inlangtirin a um a.

INPÂKNA HLABU 118:22

In bâwltuhai lung dit naw kha, A kila lung ṭhangkaitak a lo ni tah.

ISAI 19:13

Zoan khuoa mi lienhai chu mi invêt an hung ni tah a, Noph khuoa mi lienhai chu hlêmin an um tah: Aigupta hnamhai kia lunghai chun Aiguptahai chu an invâkhmangtir tah.

ISAI 28:16

chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lung- phûm dingin ka rem hi; ama ringtu chu inhmaw naw nih.

ISAI 49:2

ka bau hi kâwlhnâm ngeitak angin a siem a, a kuta chun a mi thuphmang a, thal nâwt tle varah a mi siem a, a thal bâwma chun a mi khum tlat a;

ISAI 54:16

Ngai ta, kei chun thirsu pûm zâpa a sinthawna ding hriem sut hlaktu chu ka siem a; keima bawkin sukse dingin suksetu ka siem a nih.

JEREMIA 1:18

Ngai ta, vawisûn hin ram po po hmaah, Juda lalhai chunga le, chu- taka rorêltuhai chunga le, thiempu- hai chunga le, chu rama mipuihai po po chunga chun dârsen banghai, thîr sûtpuihai le khawpui kul neiah ka siem che hi.

JEREMIA 51:20

“Nang chu ka indona hrei le, ka hriemhrei i nih; nangma chu hmang- in hnamhai chu suknawi vawng ka tih; nangma chu hmangin lalramhai chu suksieng ka ta;

ZEKARIA 9:10

Ephraima inthawkin tawlailîr chu sât thlâng ka ta, sakawr chu Jerusalema inthawkin; chun, indona thalngul chu sât thliek ni tâng a tih; chun, ama chun hnamhai kuoma chun inremna thu hril a ta; a ramawp chu tuisuorieta inthawka tuisuoriet chen, Vadungpuia inthawka leihnuoi tâwp chen nîng a tih.

ZEKARIA 9:8

Chun, sipai râl vêng pâwl angin ka in vêla chun umnghâng ka ta, tukhawm fe thlengin kîr naw ni hai a; nêksâwrtuhai khawm fe thleng nâwk ta ngai hrim hrim naw ni hai, tuhin keia mit ngeiin ka hmu ta sih a.

NAMBAR 24:17

‘Ama chu ka hmuh a, tuta a um ang ni lo hi, Ka thlîr a, hnaitea mi ang ni loin; Jakoba inthawk chun arasi hung suok a ta, Israela inthawk chun lalhmawl hung suok a ta, Moab ram tluonin sun thleng a ta, Buoina nauhai po po suktlâwm a tih.

MATTHAI 9:38

Chuleiin, a bu sîk dinga sin- thawtu dinghai tir dingin bu Neitupa kuoma chun ngên ro,” a ta.

LUKA 20:17

Nisienlakhawm, ama chun anni chu a en a, “Hi thu an ziek hi ieng am a na? ‘In bâwltuhai lung dit naw kha, Chu ngei chu a kia lung ṭhangkai tak a lo ni tah,’ ti hi.

EPHESI 2:20

Isu Krista ngei chu a kia lung pawimawtak niin, tirkohai le zâwlneihai lungphûm chunga bâwl in nih.

2 TIMOTHE 2:4

Sipaia um dinga thlangtu chu a suklâwm theina dingin, sipai tû- khawm indo laiin hi dam sûng khawsakna hin ân sukhnawk ngai nawh a.

1 PETER 2:6

Chuleiin, Pathien Lekha Thua chun, “Ngai ta u, Ziona chun a kia lung pawimaw tak, thlang le hlutak ka rem a nih, Ama ringtu chu muolpho naw ni,” ti a chuong a nih.

THUPUONGSUO 17:14

Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, ko- hai, thlanghai, ringumhai chun hne bawk an tih,” a tih a.

1 SAMUEL 14:38

Chun, Saula chun, “Nangni mipui hotuhai po po kha hung hnai ta u khai, vawisûn hin a ieng tak am ei thaw suol a na ti hriet tum ei tiu khai.