ZEKARIA 1:5 - Pathien Lekhabu Inthieng (BSI)

⁵ In thlatuhai chu khâw lai am an um tah a? Zâwlneihai khawm chu an dam zing am a nih?

ZEKARIA 1:5 ပူးပေါင်းရင်းမြစ်များ

2 LALHAI 13:14

Chun, Elisa chu a thipui ding natnain a hung na tah a, chuongchun, Israel lal Joas chu a kuomah a zu feh a, a ṭah a, “Pa, Pa, Israelhai tawlailîr le sakawr chung chuong mihai,” a ta;

2 LALHAI 13:20

Chun, Elisa chu a thih a, an phûm tah a. Chun, kum a hung invawi po hin, Moab mihai chun an ram hi an hung rûn hlak a.

INPÂKNA HLABU 90:10

Kan dam sûng kumhai chu kum sâwmsari a na, Hrâtna leiin kum sâwmriet khawm a ni thei. Nisienlakhawm, a sâwtna chu sininrimna le lungngaina chau a nih; A bo vak a, keini khawm kan vuong hmang hlak a ni hi.

THUHRILTU 1:4

Suon khat a fe liem a, suon dang a hung suok a; Leihnuoi ruok hi chu a um ngaiin a um zing a.

THUHRILTU 12:5

anni chun ân sâng chu an ṭih a, lampuia chun ṭitna a hung um a, almond thing chu a hung kumûm a, khâuṭhikṭhihai chu buoipuium an hung ni a, nuom zâwng dâm chun a hung hlawsam a, mi chu a chatuon ina chun a fe ta leiin le, lusûnhai chun kawtthlêrhai chu an fang leiin le;

THUHRILTU 12:7

pilvut chu a nina anga hnuoia a kîr nâwk hmain le thlarau chu ama petu Pathien kuoma a kîr nâwk hmain.

JEREMIA 36:28

“Lekhabu zuol dang la nâwk la, Juda ram lal Jehoiakimin a raw tah, lekhabu zuol hmasaa um thu hma- sahai po po kha ziek rawh.

ṬAP HLA 5:7

Kan thlatuhai chu an lo suol tah a, an um ta nawh a, Keiniin an khawhlona chu kan phur a nih.

JOHAN 8:52

Judahaiin a kuomah, “Khawhri zâwl i nih ti tuhin kan hriet tah. Abraham a thi tah, zâwlneihai leh, nangin, ‘Miin ka thu a zâwm chun, kumkhuoin thina intem naw nih,’ i ti sih a.

THILTHAWHAI 13:36

David chu, Pathien rorêlpêk angin a dam ruolpuihai rawng a bâwl zo khan, a in innghil a, a thlatuhai kuomah an inzâl a, a hmawn hmang tah a nih.

HEBRAIHAI 9:27

Chun, mihriem ta dingin vawi khat thi ruot a nih, chu hnunga chun rorêlna um a tih;

1 SAMUEL 25:1

Chun, Samuel chu a thi tah a; chun, Israel mihai po po chu an inko khâwm a, an ṭah a; Rama khuoa a ina chun an phûm tah a. Chun, David chu a tho a, Paran thlalêrah a zu feh a.