TITA 3:3 - Pathien Lekhabu Inthieng (BSI)

³ Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni sih a.

TITA 3:3 ပူးပေါင်းရင်းမြစ်များ

INṬANNA 38:9

Nisienlakhawm, Onan chun chithla ding chu ama thla a ni naw ding a nih ti a hriet a; chuongchun, a u nuhmei a pâwl po leh a u ta dinga chi thlapêk lo dingin a chi chu hnuoiah a sukthlâk hlak a.

INṬANNA 39:16

Chun, Josef pu a hung hmakhat chu a silfên chu a kâwlah a lo sie zing a.

INPÂKNA HLABU 36:2

“Ka khawhlona hmu suok naw ni hai a, theida hliek naw ni hai,” tiin. Mâni mithmuah mâni vêk ân pâk fâwm hlak a,

THUVARHAI 8:5

Aw nang mi mâwl, varna hung hrethiem ta la, Chun, nangni invêthai, hriet- thiemna lungril hung nei ro.

THUVARHAI 9:6

Nang mi mâwl, mâwlna chu mâksanin khawsa la, Hrietthiemna lampui chu hung hraw rawh,” tiin.

ISAI 44:20

Vut chau a fâk hlak a; a lungril hlêma um chun, a hringna ân sanhim thei nawna ding le, ‘Ka kut chang- tieng hin khêl a um naw am a nih?’ a ti thei nawna dingin ama chu ân pêttir tah.

OBADIA 1:3

Aw nang, lungpui kak kâra chêng a; hmun insâng hluotu, “Tuin am hnuoiah mi sukthlâng a ta?” ti lung- riltu, i lungril chapona hin a hlêm ta che a nih.

MATTHAI 21:29

Ama chun, ‘Ka nuom nawh,’ a ta, a dawn a; nisienlakhawm, a nakie chun a lungril ân thleng a, a fe tah a.

LUKA 21:8

Chun, ama chun, “An hlêm nawna ding cheuin fîmkhur ro. Mi tamtakin, ‘Krista chu ka nih,’ ‘Ahun a tlung ding a ni tah,’ tiin keia hming sâlin an hung ding a nih; chuonghai chu zui naw ro.

JOHAN 8:34

Isûn an kuomah, “Titakzetin, titakzetin ka hril cheu hi, tûkhawm thil suksuol taphawt chu suol suok a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:30

Inhma khan Pathien thu in awi nawh a, nisienlakhawm, tuhin chu an awi naw leiin lunginsietna in chang sih a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:12

Chuleiin, in taksa nuom zâwng ang in zâwmna dingin, in taksa thi theia chun suolnain ro rêl naw raw se.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:17

Amiruokchu, Pathien kuomah lâwmthu um raw se! suol suok ni unla khawm inchûktir dân,a kuoma in inpêkna chu lungril tak zetin in lo awi a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:22

Tu ruok hin chu suola inthawka sukfihlîma um a, Pathien suokhai in hung ni hin, inthiengna hmu khawpin ra in nei in sawnnaw; chu chu tâwpna kumkhuoa hringna leh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:6

Hieng hi ei hriet; ei mihriem hlui chu a kuoma hemdein a um ve tah, suol taksa chu sukboa a um theina dinga, tuta chen chu suol suoka ei um ta nawna dingin.

2 KORINTH 12:20

Ka hung phaa ieng amani tiin ka dit angin hung hmu naw rawi ka ti cheu a, kei khawm in dit angin mi hmu naw rawi in tih, ti le, ieng amani tiin, inhalnahai, inthîknahai, lung- sennahai, inkhingnahai, inrêlnahai, inberua thu lâknahai, inngaihlut taluotnahai, buoinahai hung um rawi a tih ti le;

GALATI 6:3

Mi iengkhawm ni si loin, mi lien deua ân ngai chun, ân hlêm fâwm el a ni sih a.

KOLOSSA 1:21

Chun, nangni inhmaa in thil suksuolnaa khan amaa inthawka ṭhein in lo um a, in lungrila chun hmêlma in lo ni bawk kha.

KOLOSSA 3:7

Nangni khawm inhmaa chuong ang thilhaia in hring lai khan, chuonghaia chun in um hlak kha.

2 TIMOTHE 3:13

Mi suol le hlêmtuhai ruok chu mihai hlêmin le hlêma umin suol zuol deu deu an tih.

2 TIMOTHE 3:6

Chuong ang laia mihai chu inahai lûta, suol rikphur nuhmei invêt deuhai sala man hlaktuhai kha an ni sih a;

TITA 1:16

“Pathien kan hriet,” tiin an ṭhang hlak a; nisienlakhawm, tirdak- um dâm, thu awi naw dâm, thil ṭha tinrêng thaw kawnga Pathien dit naw zâwnghai an nih, an thilthawin an inphatsan hlak sih a.

TITA 2:12

Pathien ngaisak nawna le, khawvêl châknahai bânsanin, tulai khawvêla hin insûm le feltak le Pathien ngaisakin ei um ding a nih ti mîn chûktirin,

JAKOB 1:26

Tûkhawm sakhaw ngaisak nia inringa, a lei vêng ṭha si loa, mâni lungrila inhlêm lemtu chu, chu mi sakhaw biek dân chu iengkhawm a ni nawh.

1 PETER 1:14

nau tiawihai angin, in hriet naw laia in tienlai châknahai anga um loin;

THUPUONGSUO 12:9

Chun, drakon lientak, Rûlpui tar, Diebol le Setan an ti, khawvêl po po hlêmtu chu, an pei thlâk tah a; hnuoiah an pei a, a tirkohai khawm an pei thlâk sa veh a.

THUPUONGSUO 13:14

Hnuoia umhai kuomah, Sa- hrâng kâwlhnâma hliem hnung la dam chawimawina dingin ama lim an siem ding a ni ti hrilin, Sahrâng mithmua thilmak thaw dinga thu a ihmu, chuong thilmak lei chun hnuoia umhai chu a hlêm bawk a.

THUPUONGSUO 18:2

Chun, ama chun rawl inring- takin, “Babulon khaw ropui chu a tlâwm tah, a tlâwm tah! khawhrihai umna le, thlarau inthiengnaw tin- rêng kulbîng le, vate inthiengnaw le tirdakum tinrêng kulbîng a hung ni tah.