TITA 3:11 - Pathien Lekhabu Inthieng (BSI)

¹¹ chuong ang mi chu a fe pêtin a suol a ni ti in hriet deh; ama le ama thiemnaw inchangtir a ni sih a.

TITA 3:11 ပူးပေါင်းရင်းမြစ်များ

LUKA 19:22

“Chun, ama chun a kuomah, ‘Suok suol, i ṭawngbau suok ngeiin kân thiem naw che. Mi vîntak ka na, ka sie naw khawm ka lâk a, ka tu naw khawm ka sîk hlak ti i hriet maw?

LUKA 7:30

Pharisaihai le dânhretuhai ruok chu a kuoma baptisma lo chang tah an ni ve nawh a, anni ta dinga Pathienin rem a iruotpêk chu an pawm nawh.

JOHAN 3:18

“Tûkhawm ama ring chu inthiemloin um naw ni hai, tukhawm a ring naw chu tuta inthawkin in- thiemloin an um nghâl a nih, Pathien Naupa khât nei hming an ring naw leiin.

THILTHAWHAI 13:46

Chun, Paula le Barnaba chun huoitakin an hril dawk a, “Pathien thu hi nangni kuoma hril hmasak hrim ding a nih; nisienlakhawm, in lo dang kîr a, chatuona hring tlâk loa in inruot ta hnung chu, hre ro, Jentailhai kuom tieng ngha ta vêng kan tih.

THILTHAWHAI 15:24

“Kan pâwl laia mi tuhai amaniin thu hrilin an sukbuoi cheu a, in lungril an suklungzîng ti kan hriet a, an kuomah thu iengkhawm kan pêk si nawh.

THILTHAWHAI 23:25

Chun, hieng ang hin lekha a ziek a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:19

Dânin iengkhawm a hril taphawt chu Dân thu thua umhai kuomah a hril a nih ti ei hriet a, bau tinrêng hupa a um theina ding le, khawvêla mi po po Pathien rorêla an um theina dingin.

2 TIMOTHE 2:14

Chuong thu chu inhriet thartir zing la, thu mei meiah an insêl nawna dingin Lalpa mithmuah ṭhahnem- ngaitakin inhriettir rawh, chu chu iengkhawm a ṭhahnem nawh a, a ngaituhai ta dingin bohmangna a ni lem hlak.

TITA 1:11

Chuonghai bau chu huppêk ding a nih, hlêpna inthieng naw dit leia thu inchûktir naw ding inchûk- tirin, mihai a sûng sûngin an chawk khawhlo hlak sih a.

TITA 1:14

Judahai tienami thu le, thutak nghatsantuhai thupêkhai chu an ngaisak nawna dingin.

HEBRAIHAI 10:26

Thutak hrietna famkim chu ei chang hnunga thil ei suksuol ṭâl chun, suolhai dingin inthâwina um ta dêr naw ni a,