TITA 1:16 - Pathien Lekhabu Inthieng (BSI)

¹⁶ “Pathien kan hriet,” tiin an ṭhang hlak a; nisienlakhawm, tirdak- um dâm, thu awi naw dâm, thil ṭha tinrêng thaw kawnga Pathien dit naw zâwnghai an nih, an thilthawin an inphatsan hlak sih a.

TITA 1:16 ပူးပေါင်းရင်းမြစ်များ

JOB LEKHABU (THE BOOK OF JOB) 15:16

Mî, khawhlona tui anga dâwntu chu, Tirdak a va umin a va pawrche zuol âwm de!

THUVARHAI 30:12

Thla pakhat anni mithmua inthieng chu an um a, Anni chu an tirdakumnaa inthawka lân sâwpfai lo an nih.

ISAI 29:13

Chun, LALPA chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

ISAI 48:1

Aw Jakob sûng, Israel hming inṭâwmpuia, Juda tuihaia inthawk suok a, thutakah ni si loa, felnaa khawm ni bawk si lo, LALPA hming sâla ṭawng inkhâma, Israelhai Pathien hming lam hlaktuhai, hi hi lo ngai ro.

ISAI 58:2

Anni chun zawng chu ni tin el an mi zawng hlak a, ka lampui thuhai hriet chu an inhâwk hlak; feltaka thaw le an Pathien rorêlna bânsan ngai naw hnam angin, ka kuomah rorêlna feltak an mi hni hlak a. Pathien hung hnai khawm an inhâwk hlak a nih.

ISAI 59:13

kan bawsiet dâm, LALPA kan inphatsan dâm, kan Pathien zui pei loa kan nghatsan dâm, nêksâwr thu le hel thu kan hril dâm, khêl thu kan vawng a, lungrila inthawka kan hril suok hlak hi.

JEREMIA 12:2

Nang chun anni chu i phun tah a, anih, zung khawm an kei a; an hung inṭhang a, ra khawm an hung ra tah a; an baua chun nang chu i hla naw hleh a, an sûnga ruok chu i hla a nih.

JEREMIA 5:2

“LALPA chu a hring zing angin,” an ti dea chu, inkhêl letdêra inkhâm el an nih.

JEREMIA 6:30

Mihai chun anni chu tangkaruo hnâwla umhai tîng an ta, LALPA chun anni chu a lo hnâwl tâk lei khan.

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si loin; an bau chun nasatakin hmangaina an inlangtir a, amiruok- chu, an lungrilhai chun an hlâwkna chu a hnawt sih a.

NAMBAR 24:16

Pathien thuhai hreh a, Achunghnungtak hrietna hreh a, Iengkimthawthei inlârna hmuh a, Tlu bawkkhupa mit hung var ta chun:

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan tah a;

EPHESI 5:6

Tûkhawmin thu teplo mei meiin hlêm naw raw se cheu, chuong thil lei chun Pathien lunginsenna chu ringnaw nauhai chungah a tlung hlak sih a.

1 TIMOTHE 1:9

Hieng hi hre hai sienla, “Dân hi mi feltak ta dinga siem a ni nawh a, dân pawisa nawhai le dân bawsiehai ta ding dâm, mi inthieng nawhai le Pathien inzâ nawhai ta ding dâm, pahai thattuhai le nuhai thattuhai ta ding dâmin,

1 TIMOTHE 5:8

Nisienlakhawm, tûkhawmin mâ- ni mihai ta ding a ngaituo lâwk naw a, mâni insûnga mihai ta ding hman a ngaituo lâwk naw chun, ringna chu ân phat san a, awi naw mi nêkin a suol lem a nih.

2 TIMOTHE 3:17

Pathien mi chu, sin ṭha tinrêng thaw dinga kimtaka inthuomin, a famkim theina dingin.

TITA 3:1

Lalhai le thuneituhai kuoma intuklût ding dâm, thu awi ding dâm, thil ṭha tinrêng thawa inzo ding dâm,

TITA 3:3

Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni sih a.

1 JOHAN 2:4

A thupêkhai pawm si loin, “Ama ka hriet,” titu chu mi khêlhlip a nih, thutak amaah a um nawh.

JUDA 1:4

Mi tuhai amanih inrûka lût an um sih a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa nei- sun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.

THUPUONGSUO 21:27

Nisienlakhawm, thil inthieng- naw hrim lût dêr naw nih a, thil tirdakum thawhai le khêlinhlip khawm lût naw bawk an tih; Berâmte Hringna Bua hming an ziekhai chau lût an tih.

THUPUONGSUO 21:8

Amiruokchu, mi dawi dâm, awi- naw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

1 SAMUEL 15:22

Chun, Samuel chun, “LALPA chun LALPA thu zâwm chu a lâwm angin pumrawhmang thilinhlânhai le inthâwinahai hi a lâwm am a nih? Ngai ta, inthâwina nêkin thuawi chu a ṭha lem a, berâmchal thau nêkin a thu pawm chu a ṭha lem a nih.

1 SAMUEL 15:24

Chun, Saula chun Samuel kuoma chun, “Thil ka suksuol dêr a ni chu, LALPA thupêk le i thu chu ka lo bawsiet a ni zing chu tie; mipuihai ka ṭia an râwl ka lo ngai leiin.