THUVARHAI 9:10 - Pathien Lekhabu Inthieng (BSI)

¹⁰ LALPA ṭi chu varna bul a nih, Mi Inthieng hrietna chu hrietthiemna bul a ni bawk.

THUVARHAI 9:10 ပူးပေါင်းရင်းမြစ်များ

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; LALPA chun lungril sûng po po chu a zawng suok hlak a, lungrila tumhai khawm chu a hriet hlak sih a; ama chu i zawng chun, i hmuah um ngei a ta; amiruok- chu, ama chu i nghatsan chun, ama khawmin kumkhuoa dingin pei thla vêng a ti che.

JOB LEKHABU (THE BOOK OF JOB) 28:28

Chun, mihriem kuoma chun, ‘Ngai ta, Lalpa ṭi chu, varna a nih; Suola inthawka fe hmang chu hrietthiemna a ni bawk a,’ a ta,” tiin

INPÂKNA HLABU 111:10

LALPA ṭina chu varna bul a na, Chuong anga thaw taphawthai chun hrietthiemna ṭha an nei a. Ama inpâkna chu kumkhaw- tluonga um ding a nih.

INPÂKNA HLABU 34:12

Thilṭha a hmu theina dinga hringna dita, Dam sâwt ngaina mi chu tu am a na?

THUVARHAI 1:7

LALPA ṭina chu hrietna bul a nih: Amiruokchu, invêt chun varna le inchûktirna chu an hmu- sit a.

THUVARHAI 2:5

LALPA ṭitna chu hung hre tâng i ta, Pathien hrietna chu hmu suok tâng i tih.

THUVARHAI 30:3

Chun, varna khawm chu kân chûk nawh a, Mi Inthieng hrietna khawm chu ka nei bawk nawh.

THUHRILTU 12:13

Hi hi thil tâwp chu a nih; thil po po chu hriet a ni tah a; Pathien ṭî la, a thupêkhai chu zâwm rawh; hi hi mi- hriem thilthaw ding pumpui chu a nih.

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a phuong nuom- nahai chau naw chun tukhawmin Pa chu an hriet bawk nawh.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.