THUVARHAI 7:10 - Pathien Lekhabu Inthieng (BSI)

¹⁰ Chun, ngai ta, chutaka chun nuhmei, Nawchizawr inthuoma inthuom, lungril inlêktak ân tuokpui a.

THUVARHAI 7:10 ပူးပေါင်းရင်းမြစ်များ

INṬANNA 3:1

Chun, LALPA Pathienin ramsa a siem po poa chun rûl a var vervêk tak a. Ama chun nuhmei kuoma chun, “Pathienin ‘Huona thei ra hrim hrim hi in fâk ding a ni nawh,’ a ti am a nih?” a ta.

2 LALHAI 9:22

Chun, Joramin Jehu a hei hmu chun, “Ṭha tieng thu am a nih, Jehu?” a hei tih a. Chun, ama chun a lo dawn a, “I nu Jezebel hin uiret le dâwi a chîng sûng chu ṭha tieng thu ieng am um thei a ta?” a ta.

2 LALHAI 9:30

Chun, Jehu chu Jezreel khuo a va lût chun Jezebel chun a lo hriet a; chuongchun, a mithai a lo nâl a, a sam dâm a lo chei a, tukvera hin a lo dâk a.

THUVARHAI 23:28

Anih, inru angin ân chân a, Mihai laia chun bawsietna chu a sukpung tah a.

ISAI 23:16

“Nang nawchizawr mihai theinghil ta hnung! ṭingṭang la la, tuol fang rawh, ṭingṭang kei la, hla tamtak sak rawh, hrieta i um nâwk theina dingin.”

JEREMIA 4:30

Chun, nang suksieta um, ieng am thâwng i ta? Sen inlârin inthuom la khawm, rângkachak thuomhnaw- haiin inchei la khawm, i mithai khawm chu rawnga nâlin suklien la khawm; nang le nang în sukhmêlṭha thlâwn el nîng a tih; i hmangaihai chun an hnâwl cheh a, i hringna lâk an tum a nih.

1 TIMOTHE 2:9

Chuong ang bawkin, nuhmeihai khawm silfên mâwl tak leh, inchei taluo loin, thuom inchawi tâwkin inthuom hai sienla, sam phierin amanih, rângkachakin amanih, lung- hluin amanih, puon man tamtakhaiin amanih inchei loin.