THUVARHAI 4:18 - Pathien Lekhabu Inthieng (BSI)

¹⁸ Mi fel lampui ruok chu zîng khawvar ang a na, Sûn chang lai chena var deu deu ang chu.

THUVARHAI 4:18 ပူးပေါင်းရင်းမြစ်များ

2 SAMUEL 23:4

Nisa a hung suok a, sûm um dêr lo, Zîng khawvar ang hi nîng a ta; Raw sûr zoa khuo hung inthienga, Hnuoia hlohna inder no hlap ang hi nîng a tih.

JOB LEKHABU (THE BOOK OF JOB) 11:17

Chun, i hringna chu sûnchang lai nêkin hung fie lem a ta, Inthimna um sien khawm, zîngkâr ang ni tâng a tih.

JOB LEKHABU (THE BOOK OF JOB) 17:9

Mi fel chun a lampui chu chel zing a ta, Kut faihai neitu chu hung hrât deu deu a tih.

JOB LEKHABU (THE BOOK OF JOB) 23:10

Amiruokchu, ama chun lampui ka hraw chu a hriet a, Amain a mi fie pha chun, rângkachak angin hung suok ka tih.

INPÂKNA HLABU 84:7

Hrâtnaa inthawkin, hrât nâwk zuolnaah an fe hlak a, Ziona Pathien hmaa chun an inlang seng hlak.

INPÂKNA HLABU 97:11

Mi fel ta ding chun var hi thêpêk a ni hlak, Lungril indiktak puttu ta ding chun lâwmna thêpêk a ni bawk hlak.

THUVARHAI 13:9

Mi fel varna chu a hlim a, Mi khawhlo khâwnvar ruok chu herhlum nîng a tih.

THUVARHAI 15:24

Mi var lampui chu hringnaah a tungin a kai, Hnuoi tienga Seol chu a mâksan theina dingin.

THUVARHAI 2:20

Mi ṭhahai lampui chu i hraw theina ding le, Mi fel lampuihai chu i hraw theina dingin.

THUVARHAI 2:9

Chun, rorêlna le felna chu hung hrethiem tâng i ta, Thlierbîk nei nawna chu, anih, lampui ṭha tinrêng el le chun.

ISAI 26:7

Mi fel lampui chu indikna a na, nang lungril indiktak put chun mi fel lampui chu i sukruol hlak.

DANIEL 12:3

Chun, mi varhai chu vâna var ang khin var tâng an ta; chun, mihai felna tienga lo ṭhuoi lûttuhai chu chatuonin arasihai angin var tâng an tih.

HOSEA 6:3

LALPA hrietna chu hnawt pei ei tiu khai, hrieng ei tiu; Zîng khawvar anga inkhêl ruol loin ân thawk suok ngei hlak; Ei kuomah ruo angin, ruo nuhnung, hnuoi sukhutu ang elin hung tlung a tih,” tiin.

MATTHAI 5:14

“Khawvêl var in nih. Tlâng sîpa khaw um chu thuphmang thei a ni nawh.

MATTHAI 5:16

Chuong ang bawkin in var chu mi mithmuah var raw se; chuong- chun, in thilthaw ṭhathai hmûng an ta, in Pa vâna mi chawimawi thei an tih.

MATTHAI 5:45

in Pa vâna mi nauhai in ni theina dingin; ama chun mi suolhai le mi ṭhahai chunga chun a nisa ân suoktir a, mi fel le mi fel nawhai chunga khawm ruo ân sûrtir hlak a nih.

JOHAN 8:12

Chun, Isûn an kuomah thu a hril nâwk a, “Kei khawvêl êntu ka nih, tûkhawm a mi zui chu inthimah lêng tawp naw ni; hringna var nei lem a tih,” a ta.

2 KORINTH 3:18

Chuongchun, keini chu kan rêngin hmai inkhum loin, hlimen anga Lalpa ropuina sunvarin, ropui- naa inthawka ropui peiin, chu angpui ngeia um dingin, sukdanglamin kan um hlak, Lalpaa (Thlaraua) inthawk- a kan hmu ang peiin.

PHILIPPI 2:15

suon rilo le kâwmawhai laiah, demkâilo le pawitâwklo, Pathien nau sawisêlbohai in ni theina dingin.Annirawi laia hringna thu in inhlan pha chun, khawvêla hin sukvartu dingin insuklang ro.

2 PETER 1:19

Chun, hrillâwkna thu det nâwkzuol chu kan nei a nih, khuo a hung var a, sikhawvar chu in lungrila a hung suok hmakhat, hmun inthima khâwnvar var ngaisak anga in ngaisak chun thaw ṭhang in tih.

2 PETER 3:18

Amiruokchu, ei Lalpa le San- damtu Isu Krista lunginsietna le hrietnaa chun inṭhang lien ro. Tuta le chatuon chenin ama kuoma chun ropuina um raw se. Amen.

THUPUONGSUO 21:23

Chu khuo chun a ên dingin nisa a ngai nawh a, thla khawm a ngai bawk nawh; Pathien ropuina chun a ên a, an khâwnvar chu Berâmte a ni sih a.

THUPUONGSUO 22:5

Chun, zân um nâwk ta naw nih a; khâwnvar le nisa var ngai naw ni hai a; Lalpa Pathien chun anni a ên ding a ni sih a; chuongchun, chatuonin ro rêl an tih.

RORELTUHAI 5:31

Chuong ang chun aw LALPA,i hmêlmahai po po chu bohmang vawng hai sien, Nangma hmangaituhai ruok chu hrâttaka fe nisa ang hi ni raw hai se,” tiin. Chun, ram chu kum sâwmli sûng râlmuongin a um a.