THUVARHAI 31:9 - Pathien Lekhabu Inthieng (BSI)

⁹ I bau chu ka la, feltakin ro chu rêl la, Chun, tlasamhai le pasiehai ta ding chun rorêlna rawng chu bâwl rawh.

THUVARHAI 31:9 ပူးပေါင်းရင်းမြစ်များ

ISAI 1:17

rorêlna fel zawng unla, nêk- sâwrna tuorhai chu ṭhangpui unla, pa bohai chu ro rêlpêk unla, hmeithaihai chu hrilpui ro,” ti hi.

LEVI DÂN 19:15

“Rorêlnaa chun fellotakin in rêl ding a ni nawh, mi rimsi chu i thlier ding a ni nawh a, mi thilthawthei în za chuong ding a ni bawk nawh, feltakin i tuolbâwm ro chu i rêlpêk ding a nih.

DÂN PAHNINA 1:16

Chuong lai chun in rorêltuhai kuoma chun, ‘In unauhai kâra thu chu ngaipêk unla, unau le unau kâra le ram danga mi, a umpui le inkâra khawm feltakin rêl ro.

JEREMIA 22:3

LALPA chun hieng hin a tih: Felna le rorêlna chu tirsuok unla, nêksâwrtu kuta inthawk suksieta um chu sansuok ro; thil dik naw chu thaw naw unla, thawluina chu thaw naw unla, hmeithaihai le, mikhuolhai le pa neilohai chunga chun; hi hmuna hin mi thiem thisen chu insuo bawk naw ro.

DANIEL 4:27

Chuleiin, aw lalpa, ka thurâwn hi i kuoma chun pawmtlâka ngai ni raw se; i suolnahai chu felnain thleng la, i khawhlonahai chu mi rimsihai chunga lunginsietna inentir bawk rawh; i sukdik nawnahai hi sukdama a um ding chun chu,” a ta.

JEREMIA 23:5

Ngai ta, nihai chu a hung tlung mêk; LALPA chun a tih: David-a hin kau feltak chu hung inṭotir ka ta, ama chun lal angin rorêl a ta, vartak- in thâwng a ta; rama chun rorêlna le felna chu suksuok a tih.

JEREMIA 5:28

An hung thâu a, an tlawr a, anih, khawhlona thilthawhai chu an thiem zâk a, a chungthu angin, pa neilohai chungthua chun an ṭan nawh a, an hlawtlingna dingin; mi tlasamhai thuneina chu an ngaisak nawh a.

ISAI 1:23

I mi lienhai chu mi hel hmang, inru hmanghai ruolhai an nih, mi tinin tham an nuom a, lâwmman an hnawt hlak; pa bohai ro an rêlpêk ngai nawh a, hmeithai thu hlak an kuom a tlung ngai nawh.

THUVARHAI 16:12

Khawhlona thaw chu lalhai ta dingin tirdakum a nih, Lalṭhungpha chu felnaa tungding a ni sih a.

JOB LEKHABU (THE BOOK OF JOB) 29:12

Mi rimsi khêk chu ka sansuokin, Fahra ama ṭhangpuitu ding neilo khawm chu ka sansuok hlak leiin,

THUPUONGSUO 19:11

Chun, vân inhawng ka hmuh a; chun, ngai ta, sakawr vâr le a chunga chuong Ringum le Indiktak, an iti chu ka hmu bawk a; ama chun feltakin ro a rêl a, mi a do hlak.

JOHAN 7:24

ân lang angin ngaituo naw unla, feltakin ngaituo lem ro,” a ta.

ZEKARIA 7:9

Rorêlna ṭha chu suksuok un- la, mi tinin mâni unau chungah zângaina le lunginsietna inlangtir raw se;

THUVARHAI 20:8

Rorêlna lalṭhungphaa lal ṭhung chun, A mithaiin thil ṭha naw po po a hnawt dar.

2 SAMUEL 8:15

Chuongchun, David chun Israel mi po pohai chungah ro a rêl a; chun, David chun a mihai po po chunga chun feltakin ro a rêl a.

HEBRAIHAI 1:9

Felna chu i ngaina a, Bawsietna chu i theida kha; Chuleiin, Pathien, i Pathien chun, I ruolhai nêk chun, Hlimna hriek a nâl nasa lem che hi,” ti le,

ISAI 11:4

rimsihai chu feltakin ro rêlpêk lem a ta, hnuoia mi thuhnuoirawlhai ta ding chun thlierbîk nei loin kâwkpêk bawk a tih; a bau hembâwk chun hnuoi hi vuong a ta, a hmûra thuok chun mi rilohai chu that a tih.

ZEKARIA 9:9

Aw Zion naunu, nasatakin hlim rawh; aw Jerusalem naunu, inring- takin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngai- tlâwmtakin, sabengtung chungah, sabengtungtê chung ngeia hung chuongin.

1 SAMUEL 19:4

Chun, Jonathan chun a pa Saula hmaa chun David chu ân pâk a, a kuomah, “Lal chun a siehlaw chung- ah, David chunga hin thil suol thaw lul naw raw se, i chungah iengkhawm a suksuol si nawh a, a thilthawhai chu i ta dinga ṭhatak a ni sih a;

1 SAMUEL 20:32

Chun, Jonathan chun a pa Saula chu a dawn a, a kuomah, “Ieng- dingin am sukhlum ding nîng a ta? Ieng am a thaw hrim leh?” a ta.

THUVARHAI 29:7

Mi fel chun mi pasie chungthu chu a hrietpui hlak a, Mi khawhlo chun hre dingin hrietthiemna a nei nawh.

INPÂKNA HLABU 82:3

Rimsihai le pa nei nawhai ro chu rêl unla, Rinum tuorhai le pasiehai chunga chun sukdik ro.

JEREMIA 21:12

Aw David sûngkuo, LALPA chun hieng hin a tih: Zîngtieng chun rorêlna chu tirsuok la, nêksâwrtu kuta inthawk chun suksieta um chu sansuok la; chuong naw chun, in thil- thawhai rîtlo leiin, mei angin ka lunginsenna chu fe suok a ta, tukhawm ṭhel ruol loin chawk a tih.