THUVARHAI 30:2 - Pathien Lekhabu Inthieng (BSI)

² Mi dang hrim hrim nêkin ka ngawng bîk a ni ngei âwm, Mihriem hrietthiemna khawm hi ka nei nawh.

THUVARHAI 30:2 ပူးပေါင်းရင်းမြစ်များ

INPÂKNA HLABU 49:10

Mi varhai khawm an thih a, Mi invêt le mi ngawnghai khawm an bohmang ve veh a, An sum mi danghai an mâksanpêk hlakhai chu an hriet sih a.

INPÂKNA HLABU 73:22

Mi mâwl le iengkhawm hre lo ka na, I kuoma chun sa ang el ka ni hiel hlak kha.

INPÂKNA HLABU 92:6

Mi mâwl chun hi hi a hriet nawh a; Mi invêtin a hrietthiem bawk nawh:

THUVARHAI 12:1

Inchûktirna ngainatu chun hrietna a ngaina a, Kâwkna theidatu ruok chu intlaw a nih.

THUVARHAI 30:1

Jake naupa Agur thuhai chu: thuvar chu. Mi chun Ithiel kuomah a hril a, Ithiel le Ukal kuoma chun: “Aw Pathien, kei le kei kân nghawk a,

THUVARHAI 5:12

Chun, “Iengtiziea inchûktirna kha ka lo theida a, Ka lungrilin kâwkna kha a lo ngainêp am a ni aw!

ISAI 6:5

Chu phingleh kei chun, “Hmûr tirdakum put mi ka na, hmûr tirdak- um put mihai laia um ka ni leiin ka chung a va rik de! Ka bohmang a ni hi, ka mitin, Lal, sipaihai LALPA chu a hmu ta sih a,” ka tih a.

JEREMIA 10:14

Mi tin el chu ngawngtak, hriet- na nei lo an na; rângkachak suttu tinhai khawm chu a milim kera siem lei chun sukzakin a um a; a milim sunghai chu khêlthu ngawt a na, an- nia chun inthuokna a um si nawh a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:25

Unauhai, hi thurûk hi in hriet naw ka nuom nghâl si nawh a, chuong naw chun intivar in tih; Jentail famkimna a hung tlung hma chun Israel mi ṭhenkhat chungah ngawngna a hung tlung hri phawt a nih, ti hi.

1 KORINTH 3:18

Tûkhawmin ama le ama inhlêm naw raw se. Nangni laia tûkhawm hi khawvêla vara inngai chu a hung var theina dingin mi invêtah hung inchang phawt raw se.

1 KORINTH 8:2

Tûkhawmin thil ieng amani hrea ân ngai chun, a hriet ding ang chu a la hriet nawh a;

JAKOB 1:5

Nangni laia tûkhawmin varna a tlasam chun, mi po po kuoma hal lo le inro loa pe hlaktu Pathien chu hni raw se; chuongchun, a kuomah pêk nîng a tih.