THUVARHAI 3:6 - Pathien Lekhabu Inthieng (BSI)

⁶ I lampuihai po poa chun ama hre zing la, Amân i lampuihai chu suktluong a tih.

THUVARHAI 3:6 ပူးပေါင်းရင်းမြစ်များ

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; LALPA chun lungril sûng po po chu a zawng suok hlak a, lungrila tumhai khawm chu a hriet hlak sih a; ama chu i zawng chun, i hmuah um ngei a ta; amiruok- chu, ama chu i nghatsan chun, ama khawmin kumkhuoa dingin pei thla vêng a ti che.

EZRA 7:27

Jerusalema LALPA in cheimawi dinga lal lungrila thil hienga sietu ei thlatuhai Pathien LALPA chu inpâk- in um raw se;

NEHEMIA 1:11

Aw LALPA, lunginsiettakin i siehlaw ṭawngṭaina le i hming ṭi lâwm zâwnga nei, i siehlawhai ṭawngṭainaa hin i na lo sit ta; chun, vawisûn hin i siehlaw hi mîn hlawtlingtir la, hi mi mithmua hin lunginsiettakin zângaina indawngtir rawh,” ka tih a. Kei chu lal no inhlântu ka ni sih a.

NEHEMIA 2:4

Chuongchun, lal chun ka kuom- ah, “Ieng am a na i hni chu?” a tih a. Chuongchun, vân Pathien kuoma chun ka ṭawngṭai tah a.

NEHEMIA 7:5

Chun, ka Pathien chun ka lung- rilah, mi ṭhahai, rorêltuhai, mipuihai ko khâwm vawnga an thlatuhai dungzuia tiem dingin a mîn hriettir a. Chun, a phut taka hang fehai thla- tuhai hming ziekna bu chu ka hmu suok a; chutaka chun hieng anga ziek hi ka hmuh a:

INPÂKNA HLABU 32:8

I fena ding lampui chu inchûk- tirin, kâwkhmûng ka ti cheh a, Ka mita en zing pum chein rem ruotpêk ka ti che.

THUVARHAI 11:5

Mi fel famkim chu a felna chun a lampui kâwkhmûng a ta, Mi khawhlo ruok chu a khawhlonaa ngei chun tlu lem a tih.

THUVARHAI 16:3

I sinthawhai chu LALPA kuomah inkawltir la, I ngaituohai chu sukdet nîng a tih.

THUVARHAI 16:9

Mihriem lungril chun a lampui chu a riruong hlak a, A kalchawihai ruok chu LALPA chun a kâwkhmu hlak.

THUVARHAI 23:17

I lungril chun misuolhai inhnar naw raw se, Sûnnithlâkin LALPA ṭînaa chun um zing lem rawh.

ISAI 26:7

Mi fel lampui chu indikna a na, nang lungril indiktak put chun mi fel lampui chu i sukruol hlak.

ISAI 30:21

chun, changtienga kal in chawi- in amanih, vawitienga kal in chawiin amanih, hnungtienga thu, in nain, “Hi hi lampui a nih, hitaka hin fe ro,” ti hre pei a tih.

ISAI 45:13

Kura chu felna neiin ka keihar a, a lampuihai po po chu suktlûn ka tih; ama chun ka khawpui chu siem nâwk a ta, an intlanna man dit lei ni loin, lâwmman dit lei ni loin, ka salhai chu insuoktir a tih, sipaihai LALPAIN a tih,” tiin.

ISAI 48:17

LALPA, nangni intlantu, Israel- hai Mi Inthieng chun hieng ang hin a tih, “Kei hi LALPA in Pathien, in ṭhatna dinga nangni inchûktirtu, in fena lampuia ṭhuoitu ding cheu chu ka nih.

JEREMIA 10:23

Aw LALPA, mihriem lampui chu amaa chun a um nawh ti ka hriet a; a kepênhai sukdik dingin mihriem- a chun infetirtu chu a um nawh.

JEREMIA 42:3

LALPA i Pathien chun thil kan thaw ding le, lampui kan hraw ding chu a mîn hriettir theina dingin,” tiin.

NAMBAR 9:20

A châng chun sûm chu biekbûk chunga chun sâwt nawtê chau a um hlak a; chuongchun, LALPA thupêk angin an fe hlak.

1 KORINTH 10:31

Chuongchun, in fâk khawmin, in dâwn khawmin, in thaw taphawta chun Pathien ropuina ding ruokin thaw ro.

2 KORINTH 8:16

Chun, in chunga ka ṭhahnem- ngaina ang Tita lungrila pe hlaktu Pathien kuoma chun lâwmthu um raw se.

PHILIPPI 4:6

Iengkimah ṭawngṭai le hniin lâwmthu hrilsa peiin in dithai chu Pathien kuomah inhriettirin um lem raw se.

KOLOSSA 3:17

Chun, in thaw taphawt chu, thu hril amanih, thil thaw amanih, ama zârah Pa Pathien kuomah lâwmthu hril pumin Lalpa Isu hmingin thaw vawng ro.

KOLOSSA 3:23

Iengkim in thaw taphawt chu mihriem ta ding anga thaw loin, Lalpa ta ding anga thaw lemin, inhâwktakin thaw ro;

JAKOB 1:5

Nangni laia tûkhawmin varna a tlasam chun, mi po po kuoma hal lo le inro loa pe hlaktu Pathien chu hni raw se; chuongchun, a kuomah pêk nîng a tih.

1 SAMUEL 30:8

Chun, David chun, “Chuonghai chu hnawt lang, la hnawt phâk ka ti?” tiin LALPA ân dawn a. Ama chun a hung dawn a, “Hnawt rawh, hnawt phâk ngei ngei i ta, sansuok vawng ngei ngei i tih,” a ta.