THUVARHAI 3:4 - Pathien Lekhabu Inthieng (BSI)

⁴ Chuongchun, mihriem le Pathien mithmuah, Hrietthiemna ṭha le ditsakna hmûng i tih.

THUVARHAI 3:4 ပူးပေါင်းရင်းမြစ်များ

INṬANNA 39:21

Nisienlakhawm, LALPA chu Josef kuomah a um pei a, a chungah za a ngai a, intângna in vêngtu khawm ân lunginsiettir a.

INPÂKNA HLABU 111:10

LALPA ṭina chu varna bul a na, Chuong anga thaw taphawthai chun hrietthiemna ṭha an nei a. Ama inpâkna chu kumkhaw- tluonga um ding a nih.

THUVARHAI 12:2

Mi ṭha chun LALPA ditsakna hmûng a ta, Thiltum khawhlo nei mi ruok chu thiemnaw inchangtir a tih.

THUVARHAI 13:15

Hrietthiemna ṭha chun ditsakna a chang a, Mi ringum naw lampui ruok chu a kherinkhâwng.

THUVARHAI 8:35

Tukhawm a mi hmu suoktu chun hringna chu a hmu suok a, LALPA ditsakna chu chang a tih.

DANIEL 1:9

Chun, Pathien chun Daniel chu mitillâkhai hotu mithmua lungin- sietna le ditsakna hlaw thei dingin a siem a.

LUKA 2:52

Chun, Isu chu a var deu deu a, a hung lien deu deu a, Pathien le mihriem ditsakin a um deu deu a.

THILTHAWHAI 2:47

Pathien an inpâk a, mi po po lâwmzâwngin an um hlak. Chun, sandama hung um pei taphawthai chu, Lalpain ni tin an kuomah ân ṭhangsatir pei hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:18

Tûkhawm, chuong thua Krista rawng bâwl chu, Pathien lâwm zâwng le mihriem inpâkin a um hlak.

2 KORINTH 8:21

Lalpa ngai chau ni loin, mihriem ngai khawma thil mawi kan ngaituo bawk hlak a nih.

1 SAMUEL 2:21

Chun, LALPA chun Hanna chu a hung sir a, nau a vawn a, naupasal pathum le naunuhmei pahni a nei a. Chun, naupang Samuel chu LALPA hmaa chun a hung inṭhanglien tah a.

1 SAMUEL 2:26

Chun, naupang Samuel chu ân ṭhanglien deu deu a, Pathien le mihriemhai dit zâwngin a um tah a.