THUVARHAI 27:22 - Pathien Lekhabu Inthieng (BSI)

²² Bu lai fahrelin sumah invêt chu suk rak la khawm, Ân vêtna chu amaa inthawk chun inkieng chuong naw nih.

THUVARHAI 27:22 ပူးပေါင်းရင်းမြစ်များ

JEREMIA 5:3

Aw LALPA, i mit chun thudik chu a hmu a ni naw am a nih? Anni chu i vuok a, amiruokchu, an lungngai nawh a; anni chu i fâk zo a, anachu, sukdikna chu an dangkîr sih a, an hmêlhai chu lungpui nêka ngarin an siem a, hungkîr chu an nuom naw a nih.

THUVARHAI 23:35

“Annin an mi vuok a, suknatin ka um nawh a, Annin an mi zêp a, ka hriet nawh a, Iengtik âm ka har ding a na? la zawng nâwk rawp ka tih,” i ti ding am a nih?

ISAI 1:5

Iengdinga hel zuol deu deu a, vuoka la um rawp ding am in nih a? Lu chu a pumin a nah a, lungril khawm chu a pumin a châu tah.

FESUOKNA 12:30

Zâna chun Pharao le a sie- hlawhai le Aigupta mi po pohai chu an tho a, Aiguptaa chun ṭap nasatak el chu a um tah a: in tin el chu mithi um nawna hrim a um si nawh a.

FESUOKNA 14:5

Mipui chu an tlân suok tah ti Aigupta lal chu hrila a um chun, mipui chungthua Pharao le a siehlawhai lungril chu ân let ta thut a, “Hi thil ei thaw hi ieng am a nih a, Israel mihai ei rawng an bâwlnaa inthawk ei insuoktir el hi?” an tih a.

FESUOKNA 15:9

Hmêlma chun, ‘Hnawt ka ta, hnawtphâk ka ta, râllâk thil chu sem ka tih; Ka dittâwkin annia inthawk lâng ka ta, Ka kâwlhnâm phawi ka ta, ka kutin anni sukbohmang ka tih,’ a tih a.

THUVARHAI 26:11

Mi invêt ân vêtna thu hril hriltu chu, Ui ama luok bawka kîr nâwk ang chu a nih.

JEREMIA 13:23

Ethiopia mi chun a vun chu a thlengin, keitê khawma a zie chu a thleng thei am a nih? Thil ṭha naw thaw ngaia hmanghai hin thil ṭha chu in thaw ding am a nih?

1 SAMUEL 19:21

Chu chu Saula an hang hril chun, mi dang a tir nâwk a, anni khawm chun thu an va hril ve ta duol duol el a.

1 LALHAI 13:33

Chuong thil hnunga khawm chun Jeroboam chun a umdân indik- naw chu a la bân chuong nawh a, vântlâng laia mihai bâwlhmun thiempu dingin a la siem ta rawp a; bâwlhmun thiempuhai an um theina dingin a nuom taphawthai chu a la suktum ta rawp a.

THUVARHAI 14:24

An hausaknahai chu mi var ta ding chun an lallukhum a na, Invêthai invêtna ruok chu invêtna ringawt el a nih.