THUVARHAI 27:10 - Pathien Lekhabu Inthieng (BSI)

¹⁰ Nangma ruol ngei ngei le, i pa ruolpa chu nghatsan naw, I lunginzîng nia chun i unaupa ina chun fe bawk naw rawh. Unau inhlatpui tak nêkin, tuolbâwm inhnaipui tak chu a ṭha lem.

THUVARHAI 27:10 ပူးပေါင်းရင်းမြစ်များ

2 SAMUEL 19:24

Chun, Saula naupa Mephi- boseth chu lal tuok dingin a hung thlah a; lal a fe suoka râlmuonga a hung kîr nâwk ni chen chun a kehai chu a chei nawh a, a khâkhmul chu a chep ruol bawk nawh a, a puonhai khawm chu a sâwp nawh a.

2 SAMUEL 19:28

Ka pa sûnghai po po chu lalpa ka pu hmaa chun sukhlum vawng âwm an na, nisienlakhawm, i siehlaw hi i buthlêng awtpuituhai lai ân ṭhangtir a. Chuleichun, lal kuoma hin thil dang phût ngam âwm khawm am ka ni ta?” a ta.

2 SAMUEL 21:7

Nisienlakhawm, lal chun LALPA kuomah David le Saula naupa Jonathan kâra, an pahni inkâra ṭawng inkhâmna leiin Saula naupa Jonathan naupa Mephiboseth chu a hum a.

2 CHANCHIN SUINA 24:22

Chuongchun, lal Joas chun ama chunga a pa Jehoiada ngilneizie kha a hriet zing ta nawh a, a naupa chu a that tah a. Chun, a thi chun, “LALPAIN hung en sienla, phuba la raw se,” a ta.

THUVARHAI 17:17

Ṭhien chun ieng lai khawmin a hmangai a, Unau chu lunginzîng ni dinga pieng a nih.

THUVARHAI 18:24

Ruolhai tamtak siemtu chun ama sietna ding el a thaw a nih, Amiruokchu, ruol unau nêka hnai lema kawp tlat chu a um a nih.

THUVARHAI 19:7

Mi pasie chu a unauhai po poin an theida a, A ruolhai lem chun ieng ang khieua hla am an fe san ding chu! Thuhaiin anni a hnawt pei a; nisienlakhawm, an fe hmang tah.

JEREMIA 2:5

LALPA chun hieng hin a tih: “In thlatuhai khan keimaa hin ieng fel nawna am an hmu a, keimaa in- thawka hlataka khan an fe hmang a, teplo khata chun an fe a, teplo an hung chang el a nih a?

THILTHAWHAI 23:12

Chun, nisa a suok chun Judahai an ṭhang ruol a, Paula an that hmakhat chu iengkhawm faa dâwn lo dingin an inkhâm a.

DÂN PAHNINA 22:1

“In unauhai bâwngchal ama- nih, an berâm amanih in- hmang chu in hmuin in tosan el ding a ni nawh a, in unauhai ina chun in ṭhuoipêk ngei ding a nih.