THUVARHAI 26:25 - Pathien Lekhabu Inthieng (BSI)

²⁵ Thu a hril ṭha hle khawm a, ama chu ring naw la, A lungrila chun tirdakumna pasari a um sih a.

THUVARHAI 26:25 ပူးပေါင်းရင်းမြစ်များ

JEREMIA 12:6

I unauhai le i pa sûngkuo ngei chun, i chungah khawhlotakin an lo thaw tah a; i hnunga chun an hung khêk rak rak a; anni chu ring naw rawh, i kuoma chun thu ṭhatakhai hril hai sien khawm.

INPÂKNA HLABU 28:3

Mi rilohai le thil suksuolhai laia chun, Mi hnûkhmang sa naw rawh. Chuonghai chun an vênghai kuomah inremnna thu an hril hlak a, Nisienlakhawm, an lungrilhaia chun thil suksuolna a um zing sih a.

MATTHAI 24:23

“Chu phâ chun, tukhawmin in kuomah, ‘En ta, Krista chu hitaka hi a um,’ amanih, ‘Hiva hi,’ amanih an ti chun awi naw ro;

INPÂKNA HLABU 12:2

Mi tin chun an vênghai kuomah thu teplo mei mei an hril hlak sih a; Mi inpâk tehlêmna hmûr le, hlêmna lungril putin thu an hril hlak a;

MIKA 7:5

Ruol chu ring naw unla, ṭhuoitua chun ringna innghat naw ro; i âng- sûnga umnu kuom ngeia khawm chun i bau kawtkhârhai chu vêng ṭha rawh.

THUVARHAI 23:7

Ama chu ân ngaituona ang peia um mi a ni si a, I kuoma chun, “Dâwn la, fa rawh,” a ti dea chu, A lungril ruok chu i kuomah a um nawh.

THUVARHAI 26:23

Hmûr zumlezuor intuo le lungril suol chu, Pil bêl rângkachak êka inluon ang a nih.

1 SAMUEL 18:17

Chun, Saula chun David kuom- ah, “Ngai ta, ka naunuhmei upa lem Merab hi nuhmeiah inneitir ka ti che, huoitakin mi ṭan phawt el la. LALPA indonahai chu do rawh,” a ta. Saula chun, “Kei chun chu a chunga hin kutthlâk loin, Philistin mihaiin thlâk lem raw se,” a ti a nih.

NEHEMIA 6:2

Sanballat le Gesem chun, “Hung la, Ono phaia khuo pakhatah intuok khâwm ei tiu,” tiin thu an mi hung inphur a. Nisienlakhawm, ka chunga thil ṭha naw thaw tum an lo ni zing a.