THUVARHAI 23:7 - Pathien Lekhabu Inthieng (BSI)

⁷ Ama chu ân ngaituona ang peia um mi a ni si a, I kuoma chun, “Dâwn la, fa rawh,” a ti dea chu, A lungril ruok chu i kuomah a um nawh.

THUVARHAI 23:7 ပူးပေါင်းရင်းမြစ်များ

INPÂKNA HLABU 12:2

Mi tin chun an vênghai kuomah thu teplo mei mei an hril hlak sih a; Mi inpâk tehlêmna hmûr le, hlêmna lungril putin thu an hril hlak a;

INPÂKNA HLABU 55:21

A bau chu nênetui kîng angin a tlawr a, A lungril ruok chu indona a ni sih a; A thuhai chu hriek nêkin ân nâl a, Nisienlakhawm, kawlhnâm phawisahai a ni sih a.

THUVARHAI 19:22

Mihriem nuom zâwng chu a lunginsietna inkhina a na, Mi pasie chu mi khêlhlip nêkin a ṭha lem.

THUVARHAI 26:23

Hmûr zumlezuor intuo le lungril suol chu, Pil bêl rângkachak êka inluon ang a nih.

THUVARHAI 26:24

Theidatu chun a hmûrhai chun ân tlip a, Amiruokchu, ama sûnga chun hmusitna a siekhâwl.

THUVARHAI 26:25

Thu a hril ṭha hle khawm a, ama chu ring naw la, A lungrila chun tirdakumna pasari a um sih a.

DANIEL 11:27

Chun, hi lal hai ve ve hi chu; an lungrilhai chu thil suol thawna lung- ril nîng a ta; dawkân hmunkhata chun thukhêlhai hril an tih; nisien- lakhawm, hlawtling naw nih a, a tâwpna chu hun ruota chun a la ni ding a ni sih a.

LUKA 7:39

Chun, a fieltu Pharisai chun a hmu chun, a lungrilin, “Hi mipa hi zâwlnei a ni chun a themtu nuhmei hi tu am a ni, mi ieng ang am a ni hre âwm tak, mi suol a ni sih a,” a ta.

RORELTUHAI 16:15

Chun, a kuomah, “I lungril hi i mi pêk hlek si nawh a, iengtizieha, ‘Ka hmangai che,’ ti thei am i ni leh? Hi ṭum thum rau i mi hlêmna i suklang tah a nih a, i hrât vieuna san hi i mi la hril dêr da el a” a tih a.