THUVARHAI 22:23 - Pathien Lekhabu Inthieng (BSI)

²³ An chungthu chu LALPA chun a ṭan ding a ni sih a, Anni suksetuhai hringna chu sukse vêng a tih.

THUVARHAI 22:23 ပူးပေါင်းရင်းမြစ်များ

INPÂKNA HLABU 103:6

LALPA chun nêksâwrna tuorhai po po ta dingin, Thil felhai thawpêkin, rohai a rêlpêk hlak.

INPÂKNA HLABU 12:5

LALPA chun, “Rimsihai an nêksâwr lei le, pasiehai inrûm lei chun, Tho nghâl el ka ta, An innuisan chu himtakin inumtir ka tih,” a tih a.

INPÂKNA HLABU 12:6

LALPA thuhai hi thu inthieng- tak a na, Tangka hnuoi chunga rawtuina meia fieh a, Vawi sari sukthieng ta hnung ang hi a nih.

INPÂKNA HLABU 140:12

LALPA chun rinum tuorhai chu an thuah ṭan a tih ti ka hriet, Pasiehai chu an ta dinga âwm hrima leh.

INPÂKNA HLABU 140:13

Matheiloin mi felhai chun i hming inpâk an ta, Mi indikhai chu i hmaah um an tih.

INPÂKNA HLABU 35:1

Aw LALPA, a mi thawtuhai chu nangin thaw la, A mi dotuhai chu nangin do rawh.

INPÂKNA HLABU 35:10

Ka ru po po hin, “LALPA, mi rimsi, a khing zo ruolloa inthawka sanhimtu, Anih, rimsi le pasie, ama inram hlaktua inthawka sanhimtu, Nang ang hrim tu am um?” tîng a tih.

INPÂKNA HLABU 43:1

Aw Pathien ro mi rêlpêk la, Pathien ngaisak naw hnam chunga hin ka thu mi hrilpêk rawh; Aw, mi hlêmhmang mi indik nawa inthawk hin mi sanhim rawh.

INPÂKNA HLABU 68:5

Pathien a umna inthienga um chu, Pa nei lohai pa le hmeithaihai ngaituotu a nih.

FESUOKNA 22:22

Hmeithai amanih, fahra chu i sukrimsi ding a ni nawh.

FESUOKNA 22:23

Ieng kawnga khawm i suk- rimsih a, kei an mi hung ko phawt chun, an mi kona lo hre ngei ngei ka ta;

THUVARHAI 21:7

Mi khawhlo hrângsietna chun anni chu hrût hmang a tih, Rorêlna indik thaw an nuom naw leiin.

THUVARHAI 23:11

Anni intlantu chu a hrât sih a, An chungthu chu nanga chungah phût rawi a tih.

ISAI 33:1

Nang rawk tuok ngai si loa, rawktu, vervêktaka thaw tuok ngai si loa, vervêktaka thawtu, i chung a rik ie! Mi rawk i bân phaleh, rawk la tuok vêng i ta; vervêktaka i thaw zo phaleh i chungah vervêk- takin thâwng an tih.

JEREMIA 30:16

Chuong lei chun nangma fazotu po pohai chu fâkzoin um an ta; i hmêlmahai po po chu, anni mi tin el chu salah intâng an tih; chun, nang- ma suksetu che chu suksietin um a ta; râllâka latu che po po chu râllâkah pe bawk ka tih.

JEREMIA 50:34

Anni sanhimtu chu a hrât a, a hming khawm, sipaihai LALPA a nih, ama chun an chungthu chu ṭan tlat a ta; hnuoi chunga chun châwlna a pêk thei a, Babulon hluotuhai ruok chu a sukto ṭawkṭawk nawna dingin.

JEREMIA 51:36

Chuleiin, LALPA chun hieng hin a ti sih a: “Ngai ta u, in thua chun ṭan ka ti cheu a, in ta dingin phuba lapêk ka ti cheu; chun, a tuisuoriet chu sukkang ka ta, a tuikhur khawm chu sukhul ka tih.

MIKA 7:9

LALPA chunga chun thil ka suksuol ta leiin, a lungninawna nasa- tak chu phur ka tih, ka chungthu a mi hrilpui a, ka ta dinga rorêlna chu a muolsuo hmakhat chun: vara chun mi ṭhuoi suok a ta, a felna chu hmûng ka tih.

HABAKKUK 2:8

Hnam tamtak i suksiet ta leiin, mihriem thisen le Ram le khawpui le a sûnga chênghai chunga Mihriem thisen le inpâwngnêk- na thil lo thaw ta po po lei khan, Nang khawm chi a la um sun- hai po po chun sukse vêng an ti che.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlin- hliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai LALPA chun a tih.

1 SAMUEL 24:12

LALPA chun nang le keia chungthu hi rêl raw se; chun, LALPA chun i chungah phuba mi lapêk raw se; nisienlakhawm, kei chun chu i chungah kut thlâk naw hrim hrim ka tih.

1 SAMUEL 24:15

Chuleiin, LALPA chu rorêltu ni sienla, nang le keia chungthu hi sukthlu sienla, mi ngaituopêkin mi hrilpui sien la, i kuta inthawk hin mi sansuok raw se,” a ta.

1 SAMUEL 25:39

Chun, Davidin Nabal chu a thi ti a hang hriet chun, “Ka hming sietna dingin Nabal thilthawa mi hrilpuia, a siehlaw chu thil ṭha naw chu thaw lo dinga mi khaptu LALPA chu inpâkin um raw se; Nabal thil ṭha naw thaw chu LALPAIN ama chung ngeiah ân tlâktir tah a nih,” a ta. Chun, David chun Abigail chu nu- hmei dinga va be dingin mi a tir a.