THUVARHAI 21:2 - Pathien Lekhabu Inthieng (BSI)

² Mihriem lampui tin el chu ama mithmua chun ân dik a, Amiruokchu, LALPA chun lungril chu ân khi hlak a nih.

THUVARHAI 21:2 ပူးပေါင်းရင်းမြစ်များ

JOB LEKHABU (THE BOOK OF JOB) 31:6

(Bûkna indiktaka bûkin mîn umtir sienla, Pathien chun ka ringumna chu a hriet theina dingin)

INPÂKNA HLABU 36:2

“Ka khawhlona hmu suok naw ni hai a, theida hliek naw ni hai,” tiin. Mâni mithmuah mâni vêk ân pâk fâwm hlak a,

THUVARHAI 12:15

Ama mithaia chun mi invêt lampui chu ân dik a, Mi var ruok chun thurâwn chu a ngai hlak.

THUVARHAI 16:2

Mihriem lampuihai po po chu ama mithmuahai chun ân thieng a, LALPA ruok chun lungrilhai chu ân khi hlak.

THUVARHAI 16:25

Mihriem kuoma indik âwmtaka inlang lampui chu a um a, Chu tâwpna ruok chu thina lampuihai a nih.

THUVARHAI 17:3

Rawtuina bêl chu tangkaruo ta ding a na, pûm mei chu rângkachak ta ding a nih, LALPA ruok chun lungril a fie hlak.

THUVARHAI 20:6

Mi tamtak chun mâni ṭhatna hril seng an ta, Mi ringum ruok chu tuin am hmu suok thei a ta?

THUVARHAI 24:12

“Ngai ta u, hi mi hi kan hriet nawh,” in ti chun, Lungrilhai ngaituo bûktu chun a ngaituo naw ding am a nih? I lungril vawng ṭhatu chun a hriet naw ding am a nih? Mi tin kuomah a sinthaw ang peiin a pêk ding a ni naw am a nih?

THUVARHAI 30:12

Thla pakhat anni mithmua inthieng chu an um a, Anni chu an tirdakumnaa inthawka lân sâwpfai lo an nih.

JEREMIA 17:10

Kei LALPA hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

DANIEL 5:27

TEKEL chu ‘Bûknahaia chun bûkin i um a, tling loa hmu i nih,’ tina a nih.

LUKA 16:15

Chuongchun, ama chun an kuomah, “Mi mithmua insukfel el in nih, nisienlakhawm, Pathienin in lungril a hriet sih a; mihriem laia an ichawimawi chu Pathien mithmua chun tirdakumtak a nih.

GALATI 6:3

Mi iengkhawm ni si loin, mi lien deua ân ngai chun, ân hlêm fâwm el a ni sih a.

JAKOB 1:22

Nisienlakhawm, mâni inhlêm a, thu ngaituhai chau ni loin, thu zâwmtuhai lo ni lem ro.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.

1 SAMUEL 16:7

Nisienlakhawm, LALPA chun Samuel kuoma chun, “A hmêl tieng amanih, ân sang tieng amanih en naw rawh, ama hi chu ka dit naw a nih, LALPA chun mihriem en dân angin a en ve si nawh a, mihriem chun puotienga inlang dân an en hlak a, LALPA ruok chun lungril tieng a en lem hlak a nih,” a ta.