THUVARHAI 2:3 - Pathien Lekhabu Inthieng (BSI)

³ Anih, ngairuotdikna chu i ko a, Hrietthiemna koa i râwl în suo bawk a,

THUVARHAI 2:3 ပူးပေါင်းရင်းမြစ်များ

1 CHANCHIN SUINA 22:12

LALPA chun hrietthiem theina le thlierthiem theina pe sienla che; Israel chunga thuneina pe raw se che; chuongchun, LALPA i Pathien dân chu i kawl zing theina dingin,

INPÂKNA HLABU 119:125

I siehlaw ka na, hrietthiemna mi pe la, I thuinhriettirhai chu ka hriet theina dingin.

INPÂKNA HLABU 119:169

Aw LALPA, ka khêkri hi i hmaah hung hnai raw se, I thu ang peiin hrietthiemna mi pe rawh.

INPÂKNA HLABU 119:34

Hrietthiemna mi pe la, chuongchun, i dân chu ka vawng ṭha ding annâwm, Anih, ka lungril po po hin zâwm ka tih.

INPÂKNA HLABU 119:73

I kutin i mi siemin, i mîn din a nih, I thupêkhai chu kân chûk thiem theina dingin hrietthiemna mi pe rawh.

THUVARHAI 2:2

Chuonga varna tienga i na chu i sit a, Hrietthiemna tienga i lungril chu i hmang chun;

THUVARHAI 2:4

Tangka anga i zawng a, Ro phûm rûkhai anga i zawng suok chun;

THUVARHAI 3:6

I lampuihai po poa chun ama hre zing la, Amân i lampuihai chu suktluong a tih.

THUVARHAI 4:1

Ka naupasalhai, pa inchûktirna hi lo ngai unla, Hrietthiemna hre dingin ngaisak ro.

THUVARHAI 8:17

A mi hmangaituhai chu ka hmangai veh a, Chun, nguntaka a mi zawngtuhai chun mi hmu suok bawk an tih.

LUKA 11:13

Chuongchun, nangni mi suol hmanin in nauhai thil ṭha pêk na- châng in hriet chun, in Pa vâna mi chun a hnituhai chu Thlarau Inthieng a va pêk âwm ngei deh e!” a ta.

JAKOB 1:5

Nangni laia tûkhawmin varna a tlasam chun, mi po po kuoma hal lo le inro loa pe hlaktu Pathien chu hni raw se; chuongchun, a kuomah pêk nîng a tih.