THUVARHAI 19:2 - Pathien Lekhabu Inthieng (BSI)

² Lungril hrietthiemna bo khawm chu a ṭha chuong nawh a, Chun, a kehai tir inhmâwtu chun a suksuol hlak.

THUVARHAI 19:2 ပူးပေါင်းရင်းမြစ်များ

2 LALHAI 4:39

Chun, mi pakhat chu ramah anhna zawng dingin a va feh a; grêp suok hrui hi a va hmuh a; chutaka ûmzâm chu a pawm khawp ṭeuin a hung inkhâwm bawk a, a hung a, a channawi a, hmepawk bêla chun a thlâk tah a; an hriet si nawh a.

JOB LEKHABU (THE BOOK OF JOB) 31:5

“Chapotaka kal ka chawi a, Ka ke chun hlêmna tieng a pên inhmaw chun;

THUVARHAI 1:16

An kehai chu rîtlona tieng a tlân a, Thisen insuo dingin an inhmaw sih a.

THUVARHAI 10:21

Mi fel hmûrhai chun mi tamtak a châwm a, Invêt ruok chu hrietthiemna tlasamin a thi.

THUVARHAI 14:29

Mi lunginsen intaktak chu hrietthiemna nasatak nei a nih, Lungril ṭuonrang ruok chun invêtna chu a chawimawi a nih.

THUVARHAI 21:5

Mi taima ngaituonahai chun hau hnawkna a âwn a, Amiruokchu, mi tin inhmaw ta hrim hrim chu tlasam ding chaua inhmaw a nih.

THUVARHAI 25:8

Inkhing dingin inhmawtakin suok naw rawh, A tâwpa thaw dân ding hre si loin, I tuolbâwm chun sukzak hlau rawi a ti che.

THUVARHAI 28:20

Mi ringum chun malsâwmnahai a hau a, Mi hausa dinga hmawsaruma thilthaw ruok chu hrem lo ni naw nih.

THUVARHAI 28:22

Mit rilo neitu chun hausakna- hai a bawin a bawh a, Tlâksamna a chungah a hung tlung ding a nih ti a hriet nawh.

THUVARHAI 29:20

A thuhaia inhmaw mi i hmu hlak am? Ama nêk chun mi invêta khawm beiseina a tam lem a nih.

THUHRILTU 12:9

Chu bâka chun, Thuhriltu hi a var leiin, mihai chu hrietthiemna ân chûktir hlak a, anih, a ngaituoh a, a zawngsuok a, thuvar tamtakhai chu indawt peiin a sieh a.

THUHRILTU 7:9

Lunginsen dingin i lungrilah inhmaw naw rawh, Lunginsenna chu mi invêthai ângsûnga um a ni sih a.

ISAI 27:11

A kauhai chu a vuoi pha chun thliekin um a ta, nuhmeihai hung an ta, raw el an tih; hriet theina hrim hrim nei naw mihai an ni sih a; chuleiin, anni siemtu chun anni chu lunginsiet naw nih a, anni inngîrtu chun anni chu a ditin ditsak hrim hrim bawk naw nih.

ISAI 28:16

chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lung- phûm dingin ka rem hi; ama ringtu chu inhmaw naw nih.

HOSEA 4:6

Ka mihai chu hrietna tlâksam leiin sukbohmang an na, Hrietna chu i dit naw leiin kei khawma ka thiempu i ninaa inthawk chun dit naw ve tâng ka ti che. I Pathien dân chu i theinghil vei a, Kei khawmin i nauhai theinghil vêng ka tih.

JOHAN 16:3

Chuong thil chu thâwng an tih, Pa le kei an mi hriet naw leiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:2

Pathien tieng ṭhahnem an ngai ti ka hrietpui a nih, hrietna indiktak leia ṭhahnemngaina ruok chu a ni nawh.

PHILIPPI 1:9

In hmangaina chun hriet fam- kimna le bengvârna tinrêng a hau nâwk zuolna dingin ka ṭawngṭai hlak hi;