THUVARHAI 17:22 - Pathien Lekhabu Inthieng (BSI)

²² Lungril hlim chu damdawi ṭha a na, Lungril serawp ruok chun ruhai a sukṭâwl.

THUVARHAI 17:22 ပူးပေါင်းရင်းမြစ်များ

INPÂKNA HLABU 22:15

Ka tha hi bekawihâr angin a ṭâwl zo vawng a, Ka lei khawm hi ka dangah a kawp ta tlat a; Nangin thina pilvuta hin i mi ṭhuoi lût tah a ni hi.

THUVARHAI 12:25

Mihriem lungrila inlung- khamna chun a sukkûn a, Thu ṭha ruok chun a suklâwm hlak.

THUVARHAI 15:13

Lungril hlim chun hmêl hlimtak a siem a, Lungril lungngai ruok chun lungvar a suksiet hlak.

THUVARHAI 16:24

Thu lâwmumhai chu khuoithlâr ang a na, Lungril ta dingin a thlum a, ruhai ta dingin hrisêlna a nih.

THUVARHAI 18:14

Mihriem lungril chun a hrât nawna chu chelngîr a ta, Lungril kawise ruok chu tuin am tuor thei a ta?

THUHRILTU 2:2

Innui ngawt el chu “Invêtna”, a nih a, Nunkhuo phâm hlak ienga ṭhangkai a ni nawh ti ka hriet suok tah a.

2 KORINTH 2:7

Chuongchun, hrem nâwkzuol nêk hmanin in ngaidamin, in thla- muon lem ding a nih; chuong naw chun, iengamanih tiin chuong ang mi chu lungngai taluotnain lem zo rawi a tih.

2 KORINTH 7:10

Pathien dit zâwng anga lung- ngaina chun, sandamna dingin, insîrna um ta lo simna chu a siem si hlak a; khawvêl lungngaina ruok chun thina a siem lem hlak.