THUVARHAI 15:8 - Pathien Lekhabu Inthieng (BSI)

⁸ Mi khawhlo inthawina chu LALPA ta dingin tirdakum a na, Mi tluong ṭawngṭâina ruok chu a lâwm zâwng a nih.

THUVARHAI 15:8 ပူးပေါင်းရင်းမြစ်များ

2 SAMUEL 15:12

Chun, Absalom chun inthâwi- nahai chu ân hlân laiin, Gilon mi Ahithophel, David rorêlpui chu, a khuo Gilo a inthawkin ân chah a, an thu phierrûuk chu a nasa hle el a. Absalom tieng chun mipui chu an pung tul tul el sih a.

1 LALHAI 3:10

Chun, Solomonin chu thil chu a hni leiin, chu thuhril chun LALPA a suklâwm hleh a.

1 CHANCHIN SUINA 29:17

Ka Pathien, nang chun lungril chu i fie hlak a, felnaa chun lâwmna i nei ti khawm ka hriet a. Keia ngai chun, keia lungril tluongtakin hieng thilhai po po hi ka lo inhlân tah a; tuhin, i mihai hitaka umhai hin phaltaka i kuoma inhlân dingin anni chu hlimtakin ka hmu a nih.

INPÂKNA HLABU 141:2

Ka ṭawngṭâina hi thil riminhniktak angin i hmaah suksuokin um sienla, Ka kut phar hi zântienga inthawina angin um raw se.

INPÂKNA HLABU 17:1

Aw LALPA, ka felna thu hi hre la, ka khêk ri hi ngâi bawk la, Ka ṭawngṭâina, khêl hril hmang hmûra inthawka suok ni loa hin na lo sit la.

THUVARHAI 10:24

Mi khawhlo ṭitna chu ama chung ngeiah hung tlung a ta, Mi fel ditna chu inhlawtlingtir nîng a tih.

THUVARHAI 15:29

Mi khawhloa inthawkin LALPA chu a hla a, Mi fel ṭawngṭâina ruok chu a hriet hlak.

THUVARHAI 15:7

Mi var hmûrhai chun hrietna a the dar a, Invêt lungril ruok chun chuong angin a thaw ve nawh.

THUVARHAI 21:27

Mi khawlo inthawina chu tirdakum a na, Lungril suola a hung lâk pha lem chun a va ni nasa âwm de!

THUVARHAI 21:3

Rorêlna le thil fel thaw hi, Inthâwina nêkin LALPA ta dingin pawmtlâk a ni lem dai.

THUVARHAI 28:9

Dân chu ngai dinga a na sit nawtu chu, A ṭawngṭâina khawm chu tirdakum a nih.

THUHRILTU 5:1

Pathien ina i fe pha chun i ke vêng ṭha rawh, invêthai inthâwina inhlân nêk chun ngai dinga va hnai chu a ṭha lem sih a; thil ṭha naw an thaw ti an hriet si nawh a.

HLAHAI HLA 2:14

Aw ka vaṭhu, lungpui kawi kârahai chun chêng a, Ṭênbaram kuokârhaia um, I hmêl mîn hmutir la, i râwl mîn hriettir rawh; I râwl chu ân nêm a, i hmêl hlak ngaino a bei sih a.

ISAI 61:8

Kei LALPA hin rorêlna fel ka ngaina hlak sih a, khawhlotaka inram el hi ka theida hlak a, chuong- chun, anni ka thungna chu titak- meuin an kuomah pêng ka tih, an kuomah kumkhaw thu thlung bawk ka tih.

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang tah a, an thil tirdakumahai chun an lungril a lâwm hlak.

JEREMIA 6:20

Ram hlataka inthawka mafuhai le, Seba-a inthawka berawhai chu ieng kawngroa ka kuoma hung am an ni leh? In pumrawhmang thilinhlân- hai chu pawm a ni nawh a, in in- thâwinahai khawm chu ka ta dingin lâwmum a ni nawh.

DANIEL 9:23

I hninahai în tlun tîra inthawk khan thu chu a hung suok a, chun, hril ding chein ka hung tah a; nasataka ditsak i ni sih a; chuleiin, thil chu ngaituo la, thilhmulâwk thu chu a ngaina lo hre rawh.

LEVI DÂN 7:18

A inremna thilinhlân inthâwina sa chu ni thum ni chena an fâk chun pawmpêk ni naw nih a, ân hlântu khawm chu inhlâna ngai ni naw bawk a tih; thil tirdakum nîng a ta, tukhawm a fa taphawt chun an khawhlona maw chu phur an tih.

MIKA 6:6

Ieng lêm LALPA hmaa chun hung ka ta, Pathien chunghnung hmaa chun kûn ka ta? Pumraw- hmang thilinhlânhai, bâwngte kum khat mihai leh a hmaa chun ka hung ding am a nih?

MIKA 6:7

LALPA chu berâmchal sâng tamtak amanih, hriek vadung sîng- haia dâm chun a lungawi ding am a nih? Ka bawsietna leiin ka nau lutîr chu ka pêkin, ka thlarau suolna leiin ka taksa ra chu ka pêk ding am a nih?

HAGGAI 2:14

Chun, Haggai chun a dawn a, “Hi mipui hi chuong ang chie chu an na, hi hnam hi ka hmaa chun chuong ang chie chu an nih,” sipaihai LALPA chun a tih; “An kut sinthaw tinrêng khawm chuong ang chu a na, an thil- inhlâna chun thieng lo a um a nih.

MALAKI 1:10

Nangni laia mi pakhat bêk, ka mâichâma a thlâwna mei a sêm nawna dinga kawtkhârhai khâr hlak chu um unla chu aw! sipaihai LALPA chun a tih, nangnia hin lâwmna hrim ka nei naw a nih; in kuta thilin- hlân hrim hrim khawm lâwm naw ningah.

JOHAN 4:24

Pathien chu Thlarau a nih; ama chibai bûktuhaiin thlarau le titak- takin chibai an bûk ding a nih,” a ta.