THUVARHAI 15:32 - Pathien Lekhabu Inthieng (BSI)

³² Inchûktirna sêlkaltu chun ama lungril ngei kha a hmusit a nih; Amiruokchu, kâwkna ngaitu chun hrietthiemna a nei hlak.

THUVARHAI 15:32 ပူးပေါင်းရင်းမြစ်များ

THUPUONGSUO 3:19

Ka hmangai taphawt chu ka kâwkin ka thunun hlak; chuongchun, ṭhahnem ngai la sim rawh.

THUVARHAI 1:7

LALPA ṭina chu hrietna bul a nih: Amiruokchu, invêt chun varna le inchûktirna chu an hmu- sit a.

ISAI 1:5

Iengdinga hel zuol deu deu a, vuoka la um rawp ding am in nih a? Lu chu a pumin a nah a, lungril khawm chu a pumin a châu tah.

THUVARHAI 18:15

Mi var lungril chun hrietna a nei a, Mi var na chun thiemna a zawng bawk.

JAKOB 1:22

Nisienlakhawm, mâni inhlêm a, thu ngaituhai chau ni loin, thu zâwmtuhai lo ni lem ro.

JEREMIA 5:3

Aw LALPA, i mit chun thudik chu a hmu a ni naw am a nih? Anni chu i vuok a, amiruokchu, an lungngai nawh a; anni chu i fâk zo a, anachu, sukdikna chu an dangkîr sih a, an hmêlhai chu lungpui nêka ngarin an siem a, hungkîr chu an nuom naw a nih.

THUVARHAI 29:1

Kâwka um rawpa, rîng sukngar hlak chu, Kârloin se dar a ta, sukdam nâwkna um naw nih.

THUVARHAI 17:16

Hrietthiemna a nei naw chun, Varna inchâwkna man ding invêt kuta chun ieng dingin am um a ta?

THUVARHAI 15:21

Mi lungril bo ta ding chun invêtna hi hlimum a na, Mi hrietthiemna nei mi ruok chun a fena chu a suktlûn hlak.

THUVARHAI 15:14

Mi hrietthiemna neitu lungril chun hrietna a zawng hlak a, Invêthai bau ruok chu invêtnain ân châwm.

INPÂKNA HLABU 50:17

Thunun i theidah a, Ka thuhai hi i hnungtieng i dehâwn pei sih a.

DÂN PAHNINA 21:20

An khaw upahai kuoma chun, ‘Hi kan naupa hi kâwmâwtak le hel hmangtak a na, kan thu khawm a awi nuom nawh a, insukthâm nuom mi le inrui hmang mi a na,’ an ti ding a nih.

DÂN PAHNINA 21:18

“Miin naupasal kâwmâwtak, hel hmangtak el nei sienla, a nu le pa thu awi loin, an thununna pawm naw sienla,

HEBRAIHAI 12:15

Nguntakin en ro, chuong naw chun, Pathien lunginsietna tling zo naw mi tû amanih um a ta, khâkna zung ieng amanih hung indera suk- buoi cheuin, chu chun mi tamtak chu sukthieng loin um an ta,

THUVARHAI 13:18

Tlâksamna le inzakna chu inchûktirna sêlkaltu kuoma chun um an ta, Kâwkna pawisatu ruok chu chawimawi nîng a tih.

THUVARHAI 15:5

Mi invêt chun a pa inchûktirna chu a hmusit a, Kâwkna ngaisaktu ruok chun varna a chang hlak.

THUVARHAI 15:31

Hringna sukdikna ngaithlâkna neitu chu, Mi var lai chun chêng a tih.

THUVARHAI 15:33

LALPA ṭîna chu varna inchûktirna a nih; Chun, inzakaina hmaa chun inngaitlâwmna a fezie.

THUHRILTU 7:5

Mi invêthai hlasak ngai nêk chun, Mi var kâwkna ngaithlâk a ṭha lem.

ISAI 3:9

An hmêl put dân hrim chun anni chu a hêk fâwm a; an suolna chu Sodom ang elin an inlangtir a, an ip nawh. An hringna chung chu a rik de! thil ṭha nawin an inthung fâwm pei sih a.

THUVARHAI 10:17

Sukdikna pawisatu chu hring- na lampuiah a um a nih, Kâwkna nghatsantu ruok chun a suksuol hlak.

THUVARHAI 19:20

Thurâwn chu ngai la, inchûktirna chu pawm rawh, I hihnung tâwp tienga i hung var theina dingin.