THUVARHAI 13:3 - Pathien Lekhabu Inthieng (BSI)

³ A bau vêng ṭhatu chun a hringna a kawl ṭha a, A hmûrhai ka lientu ruok chun suksietna tuok a tih.

THUVARHAI 13:3 ပူးပေါင်းရင်းမြစ်များ

INPÂKNA HLABU 141:3

Aw LALPA, ka bau bula hin vêngtu inhungtir la, Ka hmûr kawtkhâr hi vêng rawh.

INPÂKNA HLABU 34:13

I lei chu suola inthawkin vêngṭha la, I hmûr chu hlêmna thu hril lo dingin.

INPÂKNA HLABU 39:1

Ka lei hin thil ka suksuol nawna dingin, Ka umdânhai hi vêng ṭhang ka ta; Mi rilohai ka hmaha an um sûng po, Ka bau hi hmûrkhitnain khit ka tih, ka tih a.

THUVARHAI 10:14

Mi var chun hrietna a siekhâwl a, Mi invêt bau ruok chu sietna zing a nih.

THUVARHAI 10:19

Thu um khâwm ṭeu laia hin bawsietna a bo nawh a; A hmûr vêngṭhatu ruok chun vartakin a thaw a nih.

THUVARHAI 10:8

Lungrila var chun thupêkhai pawm a ta, Hmûr khêlinhlip ruok chu sukhnuoi nîng a tih.

THUVARHAI 12:13

Hmûrhai bawsietnaa chun mi rilo châng chu a um a, Mi fel ruok chu buoinaa in- thawk chun hung suok a tih.

THUVARHAI 13:4

Mi thabo lungril chun a châk hlaka chu, iengkhawm a nei nawh, Mi taima lungril ruok chu sukthâu nîng a tih.

THUVARHAI 14:3

Mi invêt baua chun chapona hmawl a um a, Mi var hmûrhai ruok chun hla lem a tih.

THUVARHAI 18:21

Thina le hringna hi lei thilthawtheinaa um an na, Achu hmangaitu chun chutaka inthawka ra chu fâng a tih.

THUVARHAI 18:7

Mi invêt bau chu ama sietna a na, A hmûrhai chu a lungril ta dinga châng a nih.

THUVARHAI 20:19

Mi bautam invâk vêltu chun thurûkhai a phuong a, Chuleiin, a bau ka lientu chu va pâwl naw rawh.

THUVARHAI 21:23

Tukhawm a lei le a bau vêng ṭha chun, Buoinahaia inthawkin a lungril chu a vêng ṭha a nih.

JAKOB 1:26

Tûkhawm sakhaw ngaisak nia inringa, a lei vêng ṭha si loa, mâni lungrila inhlêm lemtu chu, chu mi sakhaw biek dân chu iengkhawm a ni nawh.

RORELTUHAI 16:11

“Hruihruol thar la hmang hlek loin mi khuop hai sienla, chuong- chun, hrât ta naw ning a, mi dang ang el bawk nîng ka tih,” a tih a.

RORELTUHAI 16:17

Chuongchun, a lungril po po chu a hril ta vawng a, a kuomah, “Ka lua hin bakmêt chem hrim ruoi a la ni ngai nawh a, ka nu sula ka um laia inthawka Pathien ta dinga Nazarit mia hung um ka nih a, tuhin hung invaw ta lang chu ka hrâtna chu bo vawng el a tih; chuongchun, hung hrât nâwng ka ta, mi dang ang bawk hung ni el ka tih,” a tih a.