THUVARHAI 13:25 - Pathien Lekhabu Inthieng (BSI)

²⁵ Mi fel chun a lungrila a dittâwkin a fâk hlak a, Mi khawhlo phîng ruok chu tlasam a tih.

THUVARHAI 13:25 ပူးပေါင်းရင်းမြစ်များ

INPÂKNA HLABU 34:10

Sakeibaknei vânglaihai chu an tlasamin an phîng a ṭâm hlak a: LALPA zawngtuhai ruok chun thil ṭha hrim hrim tlasam naw ni hai.

THUVARHAI 10:3

Mi fel hringna chu a ṭâm LALPA chun phal naw nih a, Mi khawhlo thilchâk chu a hnawt hmang.

HEBRAIHAI 13:5

In lungril putzie chu tangka ngainatna ṭhang naw ni raw se, in thil nei sunhaia chun lungawi ro; ama ngeiin, “Iengtika khawm thlâthlam naw tawp ka ti cheh a, mâksan ngai naw bawk ka ti che,” a ti sih a.

1 TIMOTHE 4:8

Taksa insawizawina hi ṭhahnem chu a ṭhahnem ve bawk a, Pathien ngaisakna ruok hin chu, hringna tuta umsa le la hung um ding pêk tiemna a nei leiin kawng tinrêngah a ṭhahnem a nih.

THUVARHAI 6:11

Chuongchun, inru angin i pasietna chu hung a ta, I tlâksamna chu mi râlthuoma inthuom angin hung a tih.

DÂN PAHNINA 32:24

Phîngṭamin inrâwp an ta, meipui le sietna namên loin kâng hmang an tih; An chungah ramsa hahai tir ka ta. Pilvuta invâk mihai tûr leh.

2 THESSALONIKA 3:10

In kuoma kan um lai khawm khan hi thu hi kan pêk cheu kha, “Tukhawmin sin a thaw nuom naw chun, fâk khawm fa naw raw se,” ti hi.

THUVARHAI 24:34

Chuong ang chun, i pasietna chu inru angin hung a ta, I tlâksamna chu mi inrâlthuom angin hung a tih.

INPÂKNA HLABU 37:16

Mi fel thil tlâwmte nei chu, Mi rilo thil nei hnêr hnûr nêk chun a ṭha lem dai a nih.

INPÂKNA HLABU 37:3

LALPA chu ring la, thil ṭha thaw rawh, Hi rama hin um la, ringumna chu hnawt pei rawh.

DÂN PAHNINA 28:48

nangni thaw dinga LALPAIN a la hung tir ding in hmêlmahai rawng chu, phîngṭâm pum dâm, dangchâr pum dâm, saruok pum dâm, thil ieng- kim tlasam pum dâmin la bâwl in tih; an sukbohmang hmakhat cheu chun in rîngah thîr rîngkawl inbâttir an tih.

LUKA 15:14

Chun, a sukthâm vawng phing- leh, chu khuoa chun ṭâm nasatak a hung tla a; fâk ding a hung tlasam tah a.

INPÂKNA HLABU 103:5

I bau chu thil ṭhain a sukkhawp hlak a; chuongchun, i tleirâwlna chu mupui anga siemtharin a um nâwk hlak.

INPÂKNA HLABU 132:15

A fâk ding chu malsâwm rei rui ka ta, A mi rimsihai chu beiin sukkhawp ka tih.

THUVARHAI 13:18

Tlâksamna le inzakna chu inchûktirna sêlkaltu kuoma chun um an ta, Kâwkna pawisatu ruok chu chawimawi nîng a tih.