THUVARHAI 11:24 - Pathien Lekhabu Inthieng (BSI)

²⁴ Semdar raka pung deu deu si a um a, Mamaw tâwk bâk inro tlata tlasam si a um bawk a.

THUVARHAI 11:24 ပူးပေါင်းရင်းမြစ်များ

THUVARHAI 19:17

Mi pasie lunginsiettu chun LALPA ân pûktir a na, A thil thaw ṭha chu ama chun pe nâwk a tih.

LUKA 6:38

Pe ro, chuongchun pêkin um in tih, ṭhahnemngaitaka inkhia, nam- dêna, sâwi muka, liem zar zara, in mal chungah pêk nîng in tih. In inkhîna ngai bawkin inkhipêk in ni ding a ni sih a,” a ta.

DÂN PAHNINA 15:10

In pêk ngei ngei ding a nih, chun, in pêk pha khawm in lungril ân hmûr dêr ding a ni nawh, chuong ang thil lei chun a nih LALPA in Pathienin in thil thaw po poa le in kutsuok po poah mal a sâwm ding cheu chu.

INPÂKNA HLABU 112:9

A semdar a, pasiehai kuomah a pêk a, A felna chu kumkhuoa um ding a nih; A ki chawimawinaa chawimawiin um a tih.

THUHRILTU 11:6

Zingkâr chun i thlaichi chu thlâk la, zântienga khawm i kut chu la kîr naw rawh; a ieng lem am a hung hlawtling ding, a hi am a nih a kha am a nih, an pahni ve vein angkhat an ni ding am khawm i hriet si nawh a.

HAGGAI 1:6

In tu ṭeu a, tlâwmte chau in lâk lût a, in fâka chu khawp lêm in nei nawh a; in dâwna chu in khawp si nawh; in inthuom a, tukhawm in lum si nawh; chuongchun, hlawhai hlaw- tu khawm chu ip mawng inâwnga thlâk el dingin a hlaw a nih,” tiin.

THUVARHAI 11:18

Mi khawhlo chun hlaw hmusit- umtakhai chu a hlawh a, Felna tutu ruok chun lâwmman indiktak chu a hmuh.

THUVARHAI 28:8

Sum duâmna le hlâwkna dinga a thuomhnaw sukpungtu chun, Mi pase chunga lunginsietna neitu ta dingin a khâwlkhâwm a nih.

THUVARHAI 11:23

Mi fel dit zâwng chu thil ṭha chau a nih, Mi rilo beiseina chu lungsenna chau a nih.

THUVARHAI 11:25

Mi tiktlai chu sukthâu nîng a ta, Tui buoktu chu, ama ngei khawm tui buokkhum nîng a tih.

THUVARHAI 13:7

Ama le ama insukhausa a, iengkhawm nei silo a um a, Ama le ama insukpase a, hau- sakna nasatak nei a um bawk.

THUVARHAI 28:27

Mi pase kuoma petu chu tlasam ngai naw nih a, A mithai insimsan el hlaktu ruok chun ṭawngsie tamtak phur a tih.

2 CHANCHIN SUINA 31:10

Zadok sûngkuoa mi, thiempu laltak Azaria chun a dawn a, “Mipui haiin LALPA ina an thilpêkhai an hung chawi china chun kan fâkin a huntâwk kan nei tah a; a chuong tamtak hman kan nei rau a; LALPA chun a mihai chu mal a sâwm sih a, hi siekhâwm nasatak hi kan fâk mahla chu a ni hi,” an ta.

MALAKI 3:8

Mihriemin Pathien chu ân rûk- pêk ding am a nih? Nangni chun in mi lân rûkpêk rawp el hi. Nisienla- khawm, nangni chun, ‘Ieng âm kan inrûkpêk che a?’ in ta. Sâwma pakhat pêkhaia le thilinhlânhaia hin a nih.