THUVARHAI 1:5 - Pathien Lekhabu Inthieng (BSI)

⁵ Mi var chun a hriet a, thiemnaa chun a belsa theina ding le, Hrietthiemna nei mi chun rorêlna ṭhahai chu a changna dingin;

THUVARHAI 1:5 ပူးပေါင်းရင်းမြစ်များ

2 CHANCHIN SUINA 25:16

Chun, ama le an inbiek zing lai chun lal chun a kuomah, “Lal thurawnpuituah kan siem che am a nih? Fîmkhur rawh; iengdingin am thatin um i ta?” a ta. Chuongchun, zâwlnei chun, “Ka thurâwn chu i pawisa nawh a, hi thil hi i thaw leiin, Pathien chun suksiet a tum che a nih ti ka hriet a nih,” a ta, a to tah a.

JOB LEKHABU (THE BOOK OF JOB) 34:10

Chuleiin, nangni hrietthiemna neihai, mi lo ngai ta u, Rîtlona thâwng a tih ti hi Pathiena inthawka hlatak a ni ding a na, Suolna thâwng a tih ti hi, Iengkimthawtheia inthawka hlatak a ni ding a nih.

JOB LEKHABU (THE BOOK OF JOB) 34:16

“Tuhin, hrietthiemna i nei chun chu, hi hi lo ngai la, Ka thuhai ri chu lo ngai raw khai.

JOB LEKHABU (THE BOOK OF JOB) 34:2

“Nangni mi varhai, ka thuhai hi lo ngai ta u; Nangni hrietna neituhai, keia tieng in na lo sit ta u.

JOB LEKHABU (THE BOOK OF JOB) 34:34

Mi, hrietthiemna nei mihai chun ka kuoma hieng hin tîng an ta, Anih, mi var tinhai kei mi lo ngai hlakhai chun;

THUVARHAI 12:1

Inchûktirna ngainatu chun hrietna a ngaina a, Kâwkna theidatu ruok chu intlaw a nih.

THUVARHAI 14:6

Hmusittu chun varna a zawng hlak a, a hmu ngai nawh, Hrietthiemna neitu ta ding ruok chun thiemna chu a awlsam hlak.

THUVARHAI 18:15

Mi var lungril chun hrietna a nei a, Mi var na chun thiemna a zawng bawk.

THUVARHAI 19:25

Hmusittu chu vaw la, mi mâwl chun var inchûk a tih, Hrietthiemna nei mi chu kâwk la, hrethiem a tih.

THUVARHAI 21:11

Hmusittu chu hrem a ni pha chun, mi mâwl chu sukvar a na, Mi var chu inchûktir a ni pha chun, hrietna a hmu hlak.

THUVARHAI 8:33

Inchûktirna chu ngai unla, var unla, Dit naw hrim hrim naw ro.

THUVARHAI 9:8

Hmusittu chu kâwk naw rawh, chuong naw chun, theida rawi a ti che. Mi var chu kâwk la, ama chun hmangai a ti che.

THUVARHAI 9:9

Mi var kuoma chun inchûktirna pe la, ama chu hung var nâwk sawt a ta, Mi fel chu inchûktir la, ama chu thiemnaa chun hung pung a tih.

THUHRILTU 9:11

Ka thlîr nâwk a, nisa hnuoia chun intlânsiekna chu a hrâthai ta ding chau a ni nawh a, indona chu a hrâthai ta ding chau a ni nawh a, bei chu mi varhai ta ding chau a ni nawh a, hausakna chu hrietthiem- na nei mihai ta ding chau a ni nawh a, ditsakna chu themthiemhai ta ding chau a ni nawh; amiruokchu, hun le remchâng chu an rênga kuomah a tlung seng a ni lem ti ka hmu a.

1 KORINTH 10:15

Mi varhai kuoma hril angin ka hril a nih; ka thu hril hi ngaituo ro.

DÂN PAHNINA 4:6

Chuongchun, pawm unla zâwm ro; chu tak chu, hieng dân po po hi hre a, ‘Hi hnam ropuitak hi mi vartak le thil hre mi tak an ni phawt el,’ titu hnamhai mithmua chun in varna le thil hre mi in nina nîng a tih.