THUVARHAI 1:23 - Pathien Lekhabu Inthieng (BSI)

²³ Ka kâwknaa hin nghakîr unla, Ngai ta u, in kuoma chun ka thlarau chu hung buok ka ta, Ka thuhai chu in kuomah inhriettir ka ti cheu.

THUVARHAI 1:23 ပူးပေါင်းရင်းမြစ်များ

INPÂKNA HLABU 145:1

Aw Laltak, ka Pathien, chawimawi ka ti cheh a, I hming hi kumkhawtluongin inpâk ka tih.

THUVARHAI 1:25

Ka thurâwn chu iengkhawm loah in siem a, Ka kâwkna a ieng khawm chu in ngai naw leiin,

THUVARHAI 1:30

Ka thurâwn a ieng ieng khawm an zâwm nawh a, Ka kâwkna po po chu an hmusit a,

THUVARHAI 10:17

Sukdikna pawisatu chu hring- na lampuiah a um a nih, Kâwkna nghatsantu ruok chun a suksuol hlak.

THUVARHAI 12:1

Inchûktirna ngainatu chun hrietna a ngaina a, Kâwkna theidatu ruok chu intlaw a nih.

THUVARHAI 29:1

Kâwka um rawpa, rîng sukngar hlak chu, Kârloin se dar a ta, sukdam nâwkna um naw nih.

THUVARHAI 6:23

Thupêk chu khâwnvar a na, inchûktirna chu var a ni sih a; Inchûktirna thununnahai chu hringna lampui a nih;

ISAI 32:15

Chung tienga thlarau chu ei chunga bura a um a, thlalêr chu hnuoi ṭhatak hmuna ân chang a, hnuoi ṭhatak hmun chu rampuia ngaia a um hmakhat chun.

ISAI 45:8

Vânhai, chungtienga inthawk khan infarthlâktir ro, vân dumhai khan felna hung buok thla raw hai se, sandamna an inder dawktir theina dingin hnuoi inhawng sienla, felna leh mâwng hmunkhat raw se; kei LALPA hin chu chu ka siem a nih.

JEREMIA 3:14

Hung kîr ro, hnungtawl thlahai, LALPA chun a tih; in pasal ka ni sih a, chun, khawpuia pakhat le, pa- hnama pahni lâng ka ti cheu a, Ziona chun hung ṭhuoi ka ti cheu;

EZEKIEL 33:11

An kuoma chun, ‘Ka hring zing angin, Lalpa PATHIEN chun hieng hin a tih; mi rilo thinaa chun lâwmna ka nei nawh a; mi rilo chu a um dân a bânsan a, a hring ruok chun lâwmna ka nei a; hung kîr ro, in lampui suola inthawk chun hung kîr ro; aw Israel sûngkuo, iengdingin am thîng in ta?’ ti rawh.

HOSEA 14:1

Aw Israel, LALPA i Pathien tienga chun kîr nâwk rawh, I rîtlona lei ngei chun i tlu ta hi.

JOEL 2:27

Chun, Israelhai lai hin ka um ti le, LALPA in Pathien ka na, tu dang khawm an um nawh ti hrieng in tih; ka mihai chu muolpho nâwk ta naw ni hai.

JOEL 2:28

“Chu hnunga chun mi po po chungah ka thlarau buok ka ta; chuongchun, in naupasalhaiin, in naunuhmeihaiin ka thu hril an ta, in tarhaiin mangah mang an ta, in tlangvâlhaiin inlârnahai hmûng an ta:

JOEL 3:1

“Ngai ta u, chuong niahai le chuong pha chun, Juda le Jerusa- lem sala an um chu ka ṭhuoikîr nâwk pha chun,

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

LUKA 11:13

Chuongchun, nangni mi suol hmanin in nauhai thil ṭha pêk na- châng in hriet chun, in Pa vâna mi chun a hnituhai chu Thlarau Inthieng a va pêk âwm ngei deh e!” a ta.

JOHAN 7:39

(Chuong thu chu ama ring- tuhaiin Thlarau an nei dingzie thu a hrilna a nih; Thlarau chu pêk a la ni hri nawh, Isu chu chawimawia a la um hri naw leiin.)

THILTHAWHAI 26:20

a tîrin Damaskaa mihai kuomah, chu hnunga chun Jerusa- lema mihai kuoma dâm, Juda ram tina mihai kuoma dâm, Jentailhai kuoma dâm khawm sim hming inbûk tlâka thil thawa, sima, Pathien tieng an nghatna dingin ka hril lem hlak a nih.

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,