THUHRILTU 8:9 - Pathien Lekhabu Inthieng (BSI)

⁹ Hi po po hi ka hmu tah a; nisa hnuoia sin po pohaia chun ka lungril chu ka hmang tah a; mi pakhatin mi dang chungah ama le ama ân suknatna ding elin thuneina a nei hun chu a nei a nih.

THUHRILTU 8:9 ပူးပေါင်းရင်းမြစ်များ

THUHRILTU 5:8

Mi rimsi chu nêksâwra a um a, rambunga thawluina chun rorêlna le indikna chu lâk hmang i hmu chun, chu thila chun makti naw rawh, hotu insâng chu a nêka insâng lem chun a enthlit zing sih a, anni nêka insâng lem khawm chu an la um pei a nih.

THUHRILTU 5:13

Nisa hnuoia thil ṭha naw lung- zingthlâktak ka hmu a um a; chu chu, hausaknahai a neituin ama le ama insuknatna ding chaua a kawl hi a nih;

THUHRILTU 7:25

Ka ngha kîr a, ka lungril chun, hre ding le, zawng ding le, varna zawng suok dingin le; rîtlona hi invêtna a nih ti hre ding le, invêtna chu intlâwkna a nih ti hre dingin ka thlîr vêl a.

THUHRILTU 3:10

Chutaka an buoipui ngei ding mihriem nauhai kuoma chun Pathien chun sin dinga a pêk chu ka hmuh a.

THUHRILTU 1:14

Nisa hnuoia sin thawa um tahai po po chu ka hmu tah a; chun, ngai ta, thil po po chu teplo el, lungril sâwlna el a nih.

DÂN PAHNINA 2:30

Nisienlakhawm, Hesbon lal Sihon chun a rama chun a mîn fe thlengtir phal nawh a; LALPA in Pathien chun vawisûna anga in kuta a pêk theina ding cheuin a lungril a sukngarpêk a, a suklulul a nih.

FESUOKNA 14:28

Tui chu a kîr nâwk a, sakawr tawlailîrhai, sakawr chung chuong mihai le, Pharao sipai ruol, an hnunga hung hnawttuhai ngei chu ân khum ta vawng a, pakhat khawm hlain an um ta nawh a.

2 LALHAI 25:7

Chun, Zedekia naupasalhai chu a mithmu ngeiah an that a, Zedekia mithai chu an khel dawk a, kawl an inbun a, Babulonah an fepui tah a.

THUHRILTU 3:16

Chu nawa khawm chun nisa hnuoia hin, rorêlna umnaa chun, rîtlona khawm a um a; felna umna hmuna chun rîtlona khawm a um ka hmuh a.

THUHRILTU 4:1

Chun, ka thlîr a, nisa hnuoia nêksâwrna thawa umhai po po chu ka hmuh a; chun, nêksâwra umhai mitthlihai chu ka hmu bawk a; thlamuontu hrim an nei nawh; nêk- sâwrtuhai tienga chun thilthaw- theina a um a, nisienlakhawm, anni chun thlamuontu hrim an nei nawh.

THUHRILTU 7:7

Matheilovin, nêksâwrna chun mi var chu a sukvêt a, Thamna chun lungril a suksiet.

THUHRILTU 5:7

Mang tamtak le, thu tamtakhaia chun teplo tamtak a um a; nang ruok chun Pathien ṭi rawh.