THUHRILTU 7:8 - Pathien Lekhabu Inthieng (BSI)

⁸ Thil chu a ṭanna nêkin a tâwp chu a ṭha lem a; Lungrila zaidawthei mi chu lungrila chapo nêkin a ṭha lem.

THUHRILTU 7:8 ပူးပေါင်းရင်းမြစ်များ

HEBRAIHAI 10:36

Pathien dit zâwng in thaw hnungin thiltiem chu in hmu theina dingin selna in ngai a nih.

THUVARHAI 14:29

Mi lunginsen intaktak chu hrietthiemna nasatak nei a nih, Lungril ṭuonrang ruok chun invêtna chu a chawimawi a nih.

1 PETER 1:13

Chuleiin, in lungril dier keiin, ngaiven unla, Isu Krista inlâr pha chun lunginsietna a hung chawipêk ding cheu chu beidawng loin beisei tlat ro;

JAKOB 5:11

Ngai ta u! tuortuhai chu hamṭha ei tih a, Job selzie chu in hriet a, Lalpain a tâwpa a thaw zie khawm kha in hmu bawk a; Lalpa chu lunginsietnain a sipzie le za a ngai theizie khawm kha.

JAKOB 5:8

Nangni khawm seltakin um ro; in lungril sukdet ro; Lalpa hungna chu a hnai ta sih a.

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

LUKA 21:19

In selnain in hringna sanhim in tih.

THUVARHAI 16:32

Mi lunginsen intaktak chu mi thilthawtheitak nêkin a ṭha lem a, A lungril thunun theitu chu khawpui latu nêkin a ṭha lem.

THUVARHAI 15:18

Mi nunsie chun inhalna a chawktho a, Mi lunginsen intak ruok chun inhalna a sukre.

LUKA 16:25

“Nisienlakhawm, Abrahamin, ‘Ka naupa, i dam lai khan thil ṭha i hmuh a, chuong ang bawkin Lazarin thil ṭha naw a hmu kha hre zing ta la; nisienlakhawm, ama chu tuhin hitaka hin thlamuongtakin a um a, nang chu i na a ni kha.

THUVARHAI 28:25

Lungrila huomhap mi chun inkhingna a chawktho a; LALPA chunga a ringna innghattu ruok chu sukthâu nîng a tih.

THUVARHAI 13:10

Chaponaa chun inkhingna a suok a, Thurâwn ṭhataka ruok chun varna a um.

EPHESI 4:2

inngaitlâwmna le thuhnuoirawl- na po po neia, hmangainaa indâwtuo puma dâwtheina neia,

THUHRILTU 7:1

Hming ṭhat chu hriek hlutak nêkin a ṭha lem a; Mi a thi ni chu a pieng ni nêkin a ṭha lem bawk.