THUHRILTU 7:5 - Pathien Lekhabu Inthieng (BSI)

⁵ Mi invêthai hlasak ngai nêk chun, Mi var kâwkna ngaithlâk a ṭha lem.

THUHRILTU 7:5 ပူးပေါင်းရင်းမြစ်များ

INPÂKNA HLABU 141:5

Mi fel chun mi vaw raw se, lunginsietna nîng a tih; Mi kâwk raw se, lua hriek nâl ang nîng a tih. Ka luin nuom naw naw raw se, An rîtlonahai leiin ka ṭawngṭai pei ding a ni sih a.

THUPUONGSUO 3:19

Ka hmangai taphawt chu ka kâwkin ka thunun hlak; chuongchun, ṭhahnem ngai la sim rawh.

THUVARHAI 13:18

Tlâksamna le inzakna chu inchûktirna sêlkaltu kuoma chun um an ta, Kâwkna pawisatu ruok chu chawimawi nîng a tih.

THUVARHAI 27:6

Ruol isukhliemnahai chu ring a um a, Hmêlma fâwpnahai ruok chu ringhla a um.

THUVARHAI 17:10

Kâwkna hi hrietna nei mia chun a lût thûk lem, Invêt vawi za khat vuok nêk hmanin.

THUVARHAI 13:13

Tukhawm thu hmusittu chun ama chungah sietna ân tlun hlak a, Thupêk ṭitu ruok chu lâwmman pêkin um a tih.

THUVARHAI 9:8

Hmusittu chu kâwk naw rawh, chuong naw chun, theida rawi a ti che. Mi var chu kâwk la, ama chun hmangai a ti che.

INPÂKNA HLABU 69:12

Kul kawtkhâra ṭhunghai chun ka chungchâng thu an hril a, Zu inrui hmanghai hla ka ni hi.

THUVARHAI 6:23

Thupêk chu khâwnvar a na, inchûktirna chu var a ni sih a; Inchûktirna thununnahai chu hringna lampui a nih;

THUVARHAI 25:12

Rângkachak inthieng ṭhi le, rângkachak nabê ang el hi, Na thuawi chunga hriltu var chu a nih.

THUHRILTU 7:4

Mi var lungril chu lusûn inah a um a; Mi invêt lungril ruok chu hlim hlapna inah a um.

THUHRILTU 9:17

Mi var thu damtereka hril khawm chu invêthai laia rorêltu khêk nêk chun hriet a ni lem a.

THUHRILTU 12:11

Mi var thuhai chu hmawl a hmawra thilzum um ang a na, chun, Berâm vêngtu pakhata inthawka pêk thuvar lâk khâwmhai chu thîrkil vuok det tlat ang chu a nih.