THUHRILTU 6:3 - Pathien Lekhabu Inthieng (BSI)

³ Miin nau za nei sienla, kum tamtak dam sienla, a kum nihai chu tam hle sienla, amiruokchu, a lungril chu thil ṭhain a tlai nawh a; chu nawa khawm phûmna a hlaw bawk si naw chun, ama nêk chun a hun nawh a pieng khawm chu a ṭha lem a nih ka ti a nih;

THUHRILTU 6:3 ပူးပေါင်းရင်းမြစ်များ

INṬANNA 33:5

Esau chu a hang dâk a, nuhmeihai le naupanghai chu a hmuh a, “I ṭhuoihai hi tuhai am an nih a?” a tih a. Ama chun, “Pathienin lunginsiettaka i siehlaw kuoma a pêk naupanghai an ni hi,” a tih a.

INṬANNA 47:9

Jakob chun Pharao kuomah, “Ka khuol inzin kum chen chu kum za le sâwmthum a nih a, ka dam sûng kumhai hi a tlâwmin a rimsikthlâk a nih, a mi thlatuhai an khuol inzin laia an dam sûng kum khawm a zât ve bawk nawh,” a tih a.

2 LALHAI 10:1

Ahab chun Samaria chun nau- pasal sâwmsari a nei a. Chun, Jehu chun Samaria Jezreel khaw hotu, upahai kuoma le Ahab nauhai lo enkawl tleituhai kuoma chun lekha a thawn a.

2 LALHAI 9:35

Chun, phûm dingin an va feh a; nisienlakhawm, a luru dâm, a ke bâwr dâm, a kutpha bâwr dâm ngawt naw chu an va hmu ta nawh a.

1 CHANCHIN SUINA 28:5

chun, ka naupasalhai po laiah (LALPA chun naupasal tamtak a mi pêk sih a), Israel chunga LALPA rama lalṭhungphaa ṭhung dingin ka naupa Solomon chu a thlang tah a.

2 CHANCHIN SUINA 11:21

Chun, Rehoboam chun a nu- hmeihai le a thaikêmhai po po nêkin Absalom naunu Maaka chu a hmangai lem a, (nuhmei chu sâwm- pariet a nei a, thaikêm sâwmruk leh; chun, naupasal sâwmhni pariet le naunuhmei sâwmruk a nei bawk sih a).

ESTHER 5:11

Chuongchun, Haman chun an kuoma chun, a hausaknahai ropuizie dâm, a nauhai tamzie dâm, lalin ama chu ân kaisângtirna thilhai po po dâm, lal siehlawhai le lalhai chunga ama a siechungzie dâm chu a hril tah a.

ESTHER 7:10

Chun, lal chun, “Chutaka chun ama kha khai hlum ro,” a ta. Chuong- chun, Mordekai ta dinga khaihlumna a buotsaia chun Haman chu an khai hlum tah a. Chun, lal lunginsen chu a hung dam tah a.

JOB LEKHABU (THE BOOK OF JOB) 3:11

Sula chun iengdinga ka lo thi naw am a na? Phîng sûnga inthawka ka hung suokin iengdinga thlarau chu lo inthla el naw am ka na?

JOB LEKHABU (THE BOOK OF JOB) 3:16

Annawleh, pieng hun loa thupa um ang ka ni ta ding, Nautê, var hrim hrim hmu ngailohai ang hi.

INPÂKNA HLABU 58:8

Kawngkawrawi, intui a, bo el hlak ang hi ni sienla: A hun nawha nuhmei nau nei, nisa hmêl hrim hrim hmu lo ang hi ni raw se.

THUVARHAI 17:6

Nauhai nauhai chu mi upahai lallukhum an na, Chun, nauhai ropuina chu an pahai chu an nih.

THUHRILTU 4:3

anih, chuhai ve ve nêk chun, nisa hnuoia thawa um sin rilo la hmulo le, la um ngailo ni chu a ṭha lem a nih.

THUHRILTU 6:4

teploah a hung a, inthima chun a fê hmang a, a hming chu inthimnain ân khum a:

JEREMIA 22:19

Sabengtung phûm angin phûm an ta, Jerusalem dai kawtkhârhai khêla hnûka kei dawkin.

JEREMIA 36:30

Chuleiin, Juda ram lal Jehoia- kim chungthua chun LALPA chun hieng hin a tih: David lalṭhungpha chunga ṭhung ding tukhawm nei naw nih a; chun, a taksa thi chu sûnah lumah, zânah zildeiah peihâwn nîng a tih.

JEREMIA 8:2

nisa dâm, thla dâm, vâna umhai po po, an hmangaia a rawng an lo bâwlhai, an zawnga an biekhai hmaa chun keidar an tih; lâk khâwm ni naw ni haia, phûm khawm ni bawk naw ni hai, hnuoia êkdûra ṭhang ding ni lem an tih.

MATTHAI 26:24

Mihriem Naupa hi a chanchin an ziek angtak khan a fe ding a nih, nisienlakhawm, Mihriem Naupa inman- tirtu ding mipa chung chu a rik! chu mihriem chu insieng naw sien la, a ta dingin ṭha lem a tih,” tiin a dawn a.