THUHRILTU 1:9 - Pathien Lekhabu Inthieng (BSI)

⁹ Thil ni tasa kha, thil la hung ni ding chu a na; Thaw tasa kha la thaw ding chu a nih: Nisa hnuoia hin thil tharlâm hrim a um nawh.

THUHRILTU 1:9 ပူးပေါင်းရင်းမြစ်များ

THUHRILTU 1:10

Miin, “En ta, hi hi a thar a nih” an ti ding thil hrim a um am a nih? Einihai hmaa lo um ta dai ruok an nih;

THUHRILTU 2:12

Chun,invêtna le intlâwkna le varna chu hmu dingin kân her a; mi lal hung thlâktu khawm chun ieng am a thaw thei chuong a? a hmaapa thaw tasa bawk chau chu a nih.

THUHRILTU 3:15

Thil hung umhai chu um ta hnung dai kha a na, la hung ding khawm chu ni ta hnung dai kha a nih: thil fe liem ta hnung kha Pathien chun a hung lâk kîr nâwk pei a nih.

THUHRILTU 6:10

Ieng po khawm lo um ta kha a hming sâwttaka sak tah a nih a; chun, mihriem chu ieng am a na ti khawm hriet a ni sa tah a, ama nêka thilthawthei lem chu a khing zo nawh;

THUHRILTU 7:10

“Tulai hun nêk hin tienlai nihai kha ieng ieng leia ṭha lem am a nih a?” ti naw rawh, Chu thil în dawnna chu varnaa inthawk a ni si nawh a.

ISAI 43:19

Ngai ta u, thil thar ka thaw ding a nih; tuta inthawk hin mâwng a tih; chu chu in hriet naw ding am a nih? Thlalêra meu khawm lampui siem ka ta, ram ṭâwla chun vadunghai siem bawk ka tih.

JEREMIA 31:22

Aw nang naunu hnungtawl, ieng chen am hitieng sawtieng i fe lawn ding a na? Hnuoia chun LALPA chun thil thar a siemsuok a, “Nuhmeiin pasal a hum ta lem,” ti hi.

2 PETER 2:1

Nisienlakhawm, mihai lai chun zâwlnei tehlêmhai khawm an hung suok kha, chuong ang bawkin nangni lai khawm inchûktirtu tehlêmhai la hung um an tih, anni chun anni inchawtu Lalpa meu chu inphatsanin, mi sukse thei ringna tumhai inrûkin la hung lûtpui an ta, mâni chungah kârloa bohmangna intlungtir an tih.

THUPUONGSUO 21:1

Chun, vân thar le hnuoi thar ka hmuh a; vân hmasa le hnuoi hmasa chu a bohmang tah a, tuisuoriet khawm a um ta naw a nih.

THUPUONGSUO 21:5

Chun, lalṭhungphaa ṭhung chun, “Ngai ta, thil iengkim ka siem thar ie,” a ta. Chun, “Ziek rawh, hieng thu hi ring a umin â n dik sih a,” a ti bawk a.