THILTHAWHAI 9:41 - Pathien Lekhabu Inthieng (BSI)

⁴¹ Chun, Peter chun a kut a pêk a, a keitho tah a; chun, mi inthienghai le hmeithaihai chu a ko a, damin a khîkhmuh a.

THILTHAWHAI 9:41 ပူးပေါင်းရင်းမြစ်များ

INṬANNA 45:26

A kuomah, “Josef kha a la dam a, Aigupta ram po po rorêltu a nih,” tiin an hril a. Chun, a lung chu a chau sul a, an thu hril chu a awi si nawh a.

1 LALHAI 17:23

Elija chun naupang chu a ṭhuoi a, pindana inthawk chun in sûngah a fe thlâkpui a, a nu a pêk tah a; Elija chun, “En ta, i naupa hi a dam nâwk tah,” a ta.

2 LALHAI 6:7

Chun, ama chun, “La raw le,” a ta. Chuongchun, a hei ban a, a lâk tah a.

JOB LEKHABU (THE BOOK OF JOB) 29:13

A malsâwmna bohmang ṭêp khawm chu ka kuomah a hungin, Hmeithai lungril chu hlima hlasak dingin kân umtir hlak.

INPÂKNA HLABU 146:9

LALPA chun mikhuolhai chu a vawng ṭha hlak a, Pa neilo le hmeithai chu a chel zing hlak a; Mi rilohai lampui ruok chu a sukletling hlak.

MARKA 1:31

chun, ama chun, a kut a va chel a, a keitho tah a. Chuongchun, a khawsik chu a bo tah a, an rawng a bâwlpêk tah a.

LUKA 7:12

Chun, kul kawtkhâr kâwl a tlungin, ngai ta, mithi an hung zâwn dawk a, a nu naupa nei sun a na, ama hlak hmeithai a ni sih a; an khuohai tamtak chu a kuomah an um a.

LUKA 7:15

Chun, mithi chu a ṭhung dawk a, a hung ṭawng tah a. Chun, Isûn a nu kuomah a pêk tah a.

THILTHAWHAI 20:12

Chun, tleirawl chu damin an ṭhuoi a, thlamuong namênin an thlamuong ta nawh a.

THILTHAWHAI 3:7

A kut changtieng a chel a, a keitho tah a. Chun, kârloin a kehai le a kemit ruhai chu a hung hrât nghâl tah a.

THILTHAWHAI 6:1

Chun, chuong laia inchûktirhai an pung an pung lai chun, an ni tin thil sema chun an hmeithaihai an ngaisak naw leiin Juda, Grik ṭawng hmanghai chu Juda, Hebrai ṭawng hmanghai chungah an lo chier tah a.

THILTHAWHAI 9:13

Chun, Anania chun, “Lalpa, chu mipa chu Jerusalema i mi inthieng- hai chunga a suksuol tamzie thu mi tamtak baua inthawkin ka hriet a nih.

THILTHAWHAI 9:32

Chun, Peterin khawvêl a fang malamin, Ludda khuoa mi inthieng umhai kuomah a zu fe bawk a.

1 TIMOTHE 5:3

Hmeithai, hmeithai taktakhai chu chawimawi rawh.

1 TIMOTHE 5:5

Hmeithai taktak mâkhât chaua um chun Pathien chungah beiseina a nei tlat a, a sûn a zânin hni le ṭawng- ṭaiin a um rawp hlak.