THILTHAWHAI 9:4 - Pathien Lekhabu Inthieng (BSI)

⁴ Chun, hnuoiah a tluh a, a kuomah, “Saula, Saula, nangin iengdinga i mi suknawmna am a na?” tiin rawl a hriet a.

THILTHAWHAI 9:4 ပူးပေါင်းရင်းမြစ်များ

INṬANNA 16:8

Chun, a kuomah, “Hagar, Sarai suoknu, khawlaia inthawka hunga khawlaia fe ding am i nih a?” a ta. Ama chun, “Ka pi Sarai kuoma inthawkin ka tlânhmang a nih,” a ta.

INṬANNA 22:11

Nisienlakhawm, LALPA vântir- koin vâna inthawkin ama chu a zuk ko a, “Abraham, Abraham,” a zuk tih a; ama chun, “Hitaka hi ka um,” a ta.

INṬANNA 3:9

Chun, LALPA Pathien chun mihriem chu a ko a, a kuomah, “Khâwlai am i um a?” a ta.

FESUOKNA 3:4

LALPA chun chu en dinga a va hnai a hmu chun, chîmbuk laia inthawk chun Pathienin ama chu a hung ko a, “Mosie, Mosie,” a tih a.

ISAI 6:8

Chun, “Tu am tir ka ta, tu am ei ta dingin fêng a ta?” tiin LALPA râwl chu ka hriet a.

ISAI 63:9

An lunginzîngna po poa chun ama chu a lunginzîng ve hlak a, vân- tirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl tah a; tienlai ni po poa chun anni chu a puokin anni chu a pawm hlak a.

ZEKARIA 2:8

LALPA chun hieng hin a ti sih a: A ropuina ding ang peiin ama chun nangni suksetu cheu hnamhai kuom- a chun a mi tir a; nangni tâwktu cheu chun ama mit nautê a tâwk a ni sih a:

NAMBAR 16:45

“Hieng mipuihaia inthawk hin insiekieng ro, ka hung sukbohmang thut theina dingin,” tiin. Chun, anni chu an bawkkhup a.

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

LUKA 10:41

Chun, Lalpain, “Martha, Martha, thil tamtak i ngaituoa i buoi a ni hi,

JOHAN 18:6

Isûn, “Kei hi ka nih,” a ti phing- leh, hnungtieng an intâwl a, hnuoiah an tlu tâwl a.

JOHAN 20:16

Isûn a kuomah, “Mari,” a tih a. Ama chu a nghah a, a kuomah, Hebrai ṭawngin, “Rabboni,” a ta; (chu chu Inchûktirtu tina a nih.)

JOHAN 21:15

Chun, zingbu an fâk zoin, Isûn Simon Peter kuomah, “Simon, Johan naupa, hienghai nêk hin nangin kei i mi hmangai lem am?” a ta. Ama chun a kuomah, “Aw, Lalpa, ka ngaina che ti I hriet,” a ta. Ama chun a kuom- ah, “Ka berâmtehai châwm rawh,” a ta.

THILTHAWHAI 5:10

Chun, kârloin a ke bula chun a tlu nghâl tah a, a thi ve tah a; chun, tlangvâlhai chu an hung lût a, ama chu a thisain an hung hmuh a, an zâwn dawk a, a pasal kâwla chun an phûm tah a.

THILTHAWHAI 9:5

Chun, ama chun, “Tû am i na, Lalpa?” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:22

Chuongchun, Pathien ṭhatzie le a ṭiumzie chu ngaituo rawh; a tluhai ta ding chun ṭi a um a nih; nanga ta ding ruok chun a ṭha a nih, a ṭhatnaa i um zing chun; chuong a ni naw chun, nang khawm sât thlâkin um vêng i tih.

1 KORINTH 12:12

Taksa hi pakhat a na, pêng tamtak a nei a, taksa pênghai po po chu tam hai sienkhawm taksa pum- khat an ni sih a; Krista chu chuong ang bawk chu a nih.

1 KORINTH 4:7

Nang tûin am a sukdanglam chuong cheh a? Dawng naw chu ieng am i nei leh? I dawng a ni si chun iengdinga i dawng ni lo anga i uongpui am a na?

EPHESI 5:30

Kristain kohran a châwma a duot ang hin; a taksa pênghai ei ni sih a.