THILTHAWHAI 5:14 - Pathien Lekhabu Inthieng (BSI)

¹⁴ Chun, a ring tharhai nuhmei le pasal tamtakin Lalpa kuoma chun an hung belsa nâwk zuol hlak a.

THILTHAWHAI 5:14 ပူးပေါင်းရင်းမြစ်များ

THILTHAWHAI 2:47

Pathien an inpâk a, mi po po lâwmzâwngin an um hlak. Chun, sandama hung um pei taphawthai chu, Lalpain ni tin an kuomah ân ṭhangsatir pei hlak.

GALATI 3:28

Chutaka chun Juda mi an um thei nawh a, Grik mi khawm an um thei bawk nawh; suok an um thei nawh a, suoknaw khawm an um thei bawk nawh; nuhmei le pasal khawm an um thei nawh; Krista Isua chun in rêngin pumkhat in ni sih a.

THILTHAWHAI 22:4

Hi Lama mihai hi sukhlum rau khawpin ka suknawmna hlak a, a nuhmei a pasalin ka khuop a, intângna inah kân khumtir hlak a.

THILTHAWHAI 9:42

Chun, chu chu Joppa khuo po po chun an hriet ta vawng a; mi tamtakin Lalpa chu an ring tah a.

THILTHAWHAI 9:35

Chun, Ludda khuo le Saron phaia um po pohai chun Ainia chu an hmuh a, Lalpa tieng an ngha tâwl tah a.

THILTHAWHAI 9:31

Chuongchun, kohranhai chu Judai ram vêla dâm, Galili ram vêla dâm, Samari ram vêla dâm chun an det deu deu a, muongtakin an um tah a; chun, Lalpa ṭi dêkin, Thlarau Inthieng ithlamuongin an um a, an hung pung ta deu deu a.

THILTHAWHAI 9:2

Thiempu Laltak kuomah a fe a, Damaskaa inkhâwmna in po poa mihai kuoma pêk dingin lekha a hnih a, chu Lama mi chu tukhawm a hmu chun, nuhmei khawm, pasal khawm, Jerusalema khuop puma hung ṭhuoi theina dingin.

THILTHAWHAI 8:12

Nisienlakhawm, anni chun Pathien ram chanchin ṭha le Isu Krista hming Chanchin Ṭha Philip hril chu an âwi phingleh, a nuhmei a pasalin baptisma an chang tah a.

THILTHAWHAI 8:3

Saula ruok chun kohranhai chu a suknawmna bêk bêk a, in tinah a lût a, a nuhmei a pasalin a hnûk dawk a, intângna inah a khum hlak.

THILTHAWHAI 6:7

Chun, Pathien thu chu a hung indar a; Jerusalema inchûktirhai an pung ta bêk bêk a; thiempu laia khawm mi tamtak chu ringna awi mi an ni tah a.

THILTHAWHAI 4:4

Nisienlakhawm, thu ngaihai a ṭhen tamtakin an awi a; an tam tieng chu patling ruok khawm sâng nga lai an tling a.

THILTHAWHAI 2:41

Chun, a thu zâwm taphawt chun baptisma an chang tah a; chu nia chun mi sâng thum lai belsain an um a.

ISAI 45:24

Miin, ‘LALPAA chau felna le hrâtna a um,’ tiin, ka chungthu la hril an tih; ama kuoma mi ngei hung an ta, a chunga lungninawhai po po chu muolphotakin um tâng an tih.

NEHEMIA 8:2

Chuongchun, thla sarina, ni khat niin thiempu Ezra chun pung- khâwmhai nutling, patling le a hrethiem thei chin po po hmaa chun Dân chu a hung chawi a.

EZRA 10:1

Ezra chu a ṭawngṭai a, thupha a chawi a, Pathien in tuola bawkkhupa a ṭap a ṭap sûng chun, pasal le nuhmei le naupang mipui nasatak el Israel mihai laia mi chu an hung inkhâwm ta ṭeu el a; mipuihai chu nasatakin an ṭap an ṭap el sih a.

2 SAMUEL 6:19

Chun, mipui po po, Israel mi pumpuihai chu a nuhmei a pasalin mi tin el chu bei hlawm khat le sa tlin khat le grêp ra emṭâwl bâwr khat a sem seng a. Chuongchun, mi po po chu mâni in tieng an fe ta seng a.

FESUOKNA 35:22

Lungrila pêk nuomna nei po po, pasal le nuhmei khawm, an hung a; puon kilnahai, hnâra khaimi kuol- hai, hmingnamna kutsebihai, bân- bunhai, rângkachak incheina chihai po po an hung chawi a; mi tinin LALPA ta dingin rângkachak thilpêk an inhlân tah a.

THILTHAWHAI 11:24

Barnaba chu mi ṭhatak, Thlarau Inthieng le ringnaa sip a nih. Chun, mi tamtakin Lalpa kuomah an belsa tah a.

2 KORINTH 6:15

Belier le Krista khawmin ieng am inngeina an nei a? Annawleh, awinaw le awitu chun ieng am chan hmunkhat an nei a?