THILTHAWHAI 27:5 - Pathien Lekhabu Inthieng (BSI)

⁵ Chun, Kilikia ram le Pamphulia ram dep tuisuoriet kan khêl hnungin, Lukia rama Mura khuo kan tlung a.

THILTHAWHAI 27:5 ပူးပေါင်းရင်းမြစ်များ

THILTHAWHAI 6:9

Nisienlakhawm, Sal suokhai, Kurinia mi dâm, Alexandra khuoa mi dâm, inkhâwmna an tia mi ṭhenkhat leh, Kiliki rama mi dâm, Asia ram mi inkhâwmna ina mi ṭhenkhathai an hung inthawk a, Stephan chu an hung sêl a.

THILTHAWHAI 13:13

Chun, Paula chu a rawihai le chun, Paphos khuoa inthawk chun lawngin an feh a. Pamphulia rama Perga an tlung a; chun, Johan khan anni chu a mâksan a, Jerusalemah a kîr nâwk tah a.

GALATI 1:21

Chu hnunga chun Suria le Kiliki ramahai ka hung tah a.

THILTHAWHAI 22:3

chun, ama chun, “Juda mi ka nih, Kiliki ram Tarsa khuoa pieng ka nih; nisienlakhawm, hi khuoa hin Gamaliel ke bula inchûka inṭhang lien ka nih, ei thlatuhai Dân khermeitak chu inchûka um hlak ka nih, vawisûna nangni ang tak hin, Pathien ta dinga ṭhahnem bawk hlak ka nih.

THILTHAWHAI 21:39

Paula chun, “Juda mi, Kiliki rama Tarsa khuoa mi ka nih, khaw namêna um ka ni nawh; mi lunginsiet la, mi po po kuomah thu mîn hriltir rawh,” a ta.

THILTHAWHAI 15:41

Chun, kohranhai chu sukdet peiin Suria le Kilikia ram a fang suok tah a.

THILTHAWHAI 15:38

Pamphulia ramah anni a kîr san a, sinthawnaa an kuoma a fe ve ta naw lei khan.

THILTHAWHAI 15:23

Chun, hieng ang hin an ziek a, an kutah an inphur a; “Tirkohai le unauhai laia upahaiin Antiokeia dâm, Suria rama dâm le Kilikia rama Jentail unau umhai chibai an bûk.

THILTHAWHAI 2:10

Phrugia rama um dâm, Pamphulia rama um dâm, Aigupta rama um dâm, Kurini kâwl vêla Libu rama um ei na,