THILTHAWHAI 21:3 - Pathien Lekhabu Inthieng (BSI)

³ Chun, Kupra thlierkâr kan hmuh a, vawitieng panin kan khêl a, Suria ram tieng kan fe pei a, Turaa chun khawmuolah kan suok phawt a; chu- taka chun lawnga thuomhnaw thak suok ding a nih a.

THILTHAWHAI 21:3 ပူးပေါင်းရင်းမြစ်များ

2 SAMUEL 8:6

Chuongchun, David chun Suria rama Damaskaa chun sipaihai a sieh a; chuongchun, Suria mihai chu David siehlawhai an hung ni tah a, thilpêkhai an hung pêk hlak a. Chun, LALPAIN David chu a fena tieng ta- phawta chun ân hnetir pei a.

INPÂKNA HLABU 45:12

Tura naunu chu thilpêk chawi- in chutaka chun um a ta, Mi laia hausahai ngei chun i ditsakna hung ngên an tih.

INPÂKNA HLABU 87:4

A mi hretuhai lai an ṭhang ve ti, Rahab le Babulon chungchâng thu hril ka tih; Philistin le Tura hi, Ethiopia le hin, en ta u; Hi mi hi chutaka pieng chu a nih.

ISAI 7:2

Chun, David sûnghai chu, “Suria chu Ephraim leh an ṭhang hmunkhat tah,” tiin an hril a. Chuongchun, a lungril le a khuoletuihai lungril chu, ramhnuoi thinghai thliin a sukhnîng suou suou ang hin, sukhnîngin a hung um tah a.

MATTHAI 11:21

“Korazin, i chung a rik! Bethsaida, i chung a rik! Nangnia thilmak thawa umhai kha, Tura le Sidona thaw ni sienla, saiip puon sila vut laia ṭhungin um tâng an tih.

MATTHAI 4:24

Chun, Suria ram po poah a chanchin ân thang tah a; chuong- chun, mi damnaw po po, damnawna le natna tinrênga nahai, khawhri imanhai, hringawl invawihai, zeng- hai a kuomah an hung ṭhuoi a, a lo sukdam tâwl a.

LUKA 10:13

“Korazin i chung a rik! Bethsaida, i chung a rik! Nangnia thil maktak thawa umhai kha Tura le Sidona thaw ni sienla, saiip puon sila vut laia ṭhungin sim dai tâng an tih.

LUKA 2:2

Chu chu Suria rama Kurini Bawrsâp a ni laia hming ziek hmasa tak chu a nih.

THILTHAWHAI 11:19

Chun, Stephan leia an suk- nawmnata indarhai kha, Phoiniki ram dâm, Kupra thlierkâr dâm, Antiokei dâm chenin an feh a, Juda- hai kuoma chau naw chu tu kuoma khawm thu an hril nawh a.

THILTHAWHAI 12:20

Herod chu, Tura le Sidon khuoa mihai chunga chun a lungninaw bêk bêk a. Anni chun, Blasta, lal khum vêngtu chu, an ruolah an siem a, inthuruolin a kuomah an hung a, an khuo tiengin lal khuo tienga pûr inchaw hlak an ni leiin inrem an ngên a.

THILTHAWHAI 13:4

Chuongchun, Thlarau Inthieng tir suok chun an fe tah a, Selukai khuoah an fe thlah a, chutaka in- thawkin Kupra thlierkârah lâwngin an feh a.

THILTHAWHAI 15:23

Chun, hieng ang hin an ziek a, an kutah an inphur a; “Tirkohai le unauhai laia upahaiin Antiokeia dâm, Suria rama dâm le Kilikia rama Jentail unau umhai chibai an bûk.

THILTHAWHAI 15:39

Chuongchun, nasatakin an lo insêl tah a, an inṭheh a, Barnaba chun, Marka chu a kuomah a ṭhuoi a, Kupra thlierkâr tieng lawngin a fe tah a.

THILTHAWHAI 15:41

Chun, kohranhai chu sukdet peiin Suria le Kilikia ram a fang suok tah a.

THILTHAWHAI 18:18

Chun, chu hnunga chun, Paula chu ni sâwttak a la châm zing a; chu zoa chun, unauhai chu ṭawng- bauṭhain a ṭheh a, chutaka inthawk chu Suria ram tieng lawngin a fe tah a, a kuomah Priskilla le Akuila chu an fe ve bawk a; Paulain thutiem a nei leiin Kenkrieiah a lu a vâw zet a.

THILTHAWHAI 21:16

Kaisaria mi inchûktir tuhai amanih kan kuomah an fe veh a, anni chun a hming Mnason, inchûktir hmasa pâwl, Kupra thlierkâra mi pakhat, kan tlung-in dingpa chu an ṭhuoi veh a.

THILTHAWHAI 21:2

chun, Phoiniki ram kai ding lawng pakhat kan hmuh a, kan chuong a, kan fe pei tah a.

THILTHAWHAI 21:7

Chun, Turaa inthawka lawnga kan fe zo chun Ptolemai kan tlung a, unauhai chibai kan bûk a, an kuomah ni khat kan châm a.

THILTHAWHAI 27:4

Chun, chutaka inthawkin, tuisuo- rietah kan fe nâwk a, thliin a ni naw tieng a mi nam leiin Kupra thlierkâr phên thli inupna tieng kan zâm a.

THILTHAWHAI 4:36

Chun, Josef, tirkohaiin Barna- ba an ti chu, (chu hming umzie chu “Thlamuongna nau,” tina a nih), Levi chi, Kupra thlierkâra mi a na,

RORELTUHAI 10:6

Israel mipui chun LALPA mit- hmua thil suol chu an lo thaw nâwk tah a, Baalhai le Astaroth, Suria mi- hai pathienhai, Zidon mihai pathien- hai, Moab mihai pathienhai, Ammon mihai pathienhai, Philistin mihai pathienhai rawng an lo bâwl tah a; chuongchun, LALPA chu an nghat- san a, a rawng an bâwl ta nawh a.