THILTHAWHAI 2:4 - Pathien Lekhabu Inthieng (BSI)

⁴ Chun, an chungah a chuong seng a, an rêngin Thlarau Inthiengin an sip ta vawng a, Thlarauin ân ṭawngtir ang peiin ṭawng danghaiin an lo ṭawng tah a.

THILTHAWHAI 2:4 ပူးပေါင်းရင်းမြစ်များ

2 SAMUEL 23:2

LALPA thlarau chun keima mi hmangin a hril a, A thu chu ka leiah a um a.

ISAI 28:11

Anih, nisienlakhawm, hmûr danglam put mi hmangin, ṭawng dangin hieng mihai kuoma hin thu hril lem tâng a tih:

ISAI 59:21

“Kei chu hi hi a nih an kuoma ka thuthlung chu: ka thlarau i chunga um le, ka thu i baua ka siehai chun, tuta inthawka chatuon chen khawmin i bau chu suoksan naw ni hai a, i thlahai thla nâwk sâwng bau khawm suoksan bawk naw ni hai,” LALPAIN a tih.

JEREMIA 6:11

Chuleiin, LALPA lunginsenna chun ka sip a; insûm zing chu ka nghawk a nih; kawtthlêra chun nau- panghai laia chun bunthla la, tlang- vâl inkhâwmhai laia le chun; pasal chu a nuhmei le chun lâk nîng an ta, mi upatak le tartak khawm.

EZEKIEL 3:11

Chun, fe la, an sal intângnaa chun, i mihai thlahai kuoma chun fe la, an kuomah thu hril la, anni chu hril rawh; an ngai khawmin, an ngaisak naw khawma, ‘Lalpa Pathien chun hieng hin a tih,’ ti rawh,” tiin.

MIKA 3:8

Nisienlakhawm, Jakobhai kuom- a an bawsietna inhriettir dingin le, Israelhai kuoma an suolna inhriettir dingin LALPA thlarau leia thil- thawtheina dâm, rorêlna dâm le hrâtna dâm chun ka sip takzet a nih.

MATTHAI 10:19

Nisienlakhawm, an inmantir pha cheu khawm, ‘Iengtin am, ieng thu am ka hril ding?’ tiin lungkham naw ro; in hril ding chu a hun taka chun ân hriettir ding cheu a ni sih a.

MARKA 16:17

Chun, hieng inchiknahai hin a awituhai chu zui pei a tih: Ka hmingin khawhrihai hnawt dawk an ta, ṭawng tharhaiin ṭawng an tih.

LUKA 1:15

Lalpa ngaiin mi lien nîng a ta, uoin le zu hrim hrim dâwn naw ni; a nu phing sûnga inthawkin Thlarau Inthiengin hung sip a tih,

LUKA 1:41

Chun, Elizabethin Mari chibai bûk chu a hriet phingleh, a phîng sûnga naute chu a châng a; chun, Elizabeth chu Thlarau Inthiengin a sip tah a;

LUKA 1:67

Chun, a pa Zakaria chu Thlarau Inthiengin a sip a, a hrillâwk a,

LUKA 12:12

chu pha taka chun, ieng am in hril ding ti Thlarau Inthieng chun hril a ti cheu,” a ta.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni sih a.

LUKA 4:1

Chun, Isu chu Thlarau Inthiengin a sip a, Jordan vadunga inthawk- in a kîr nâwk a, thlalêrah ni sâwmli Thlarau ṭhuoia umin Diebol thlêmin a um a.

JOHAN 14:26

Chun, Thlamuongtu, Thlarau Inthieng, Pain ka hminga a hung tir ding khan, ama chun iengkim inchûktir a ti cheu a, in kuoma ka hril po po kha inhriet suoktir nâwk a ti cheu.

JOHAN 20:22

Chun, chuong thu chu a hril zoin, an chungah ân thuok a, an kuomah, “Thlarau Inthieng nei ro,

THILTHAWHAI 1:5

“Johan khan tuiin a baptis hlak a, nisienlakhawm, ni sâwtnawtêah Thlarau Inthiengin baptisma chang in tih,” a ta.

THILTHAWHAI 1:8

Nisienlakhawm, Thlarau In- thieng chu in chungah a hung tlung pha leh thilthawtheina la nei in tih; chuongchun, Jerusalema dâm, Judai le Samari ram khaw tina dâm, kâwlkawdawng chenin ka thu hretuhai nîng in tih,” a ta.

THILTHAWHAI 10:46

ṭawng hrietnawhaia thu hrilin, Pathien inpâkin an hriet sih a.

THILTHAWHAI 10:47

Chun, Peterin a biek a, “Hieng mihai, eini anga Thlarau Inthieng hmuhai hi baptisma an chang nawna dingin miin tui hmang an khap thei am a nih?” a ta.

THILTHAWHAI 11:15

Chun, thu ka hang hril hlimin Thlarau Inthieng ei chunga a hung tlung tir lai ang khan an chungah a hung tlung tah a.

THILTHAWHAI 11:24

Barnaba chu mi ṭhatak, Thlarau Inthieng le ringnaa sip a nih. Chun, mi tamtakin Lalpa kuomah an belsa tah a.

THILTHAWHAI 13:52

Chun, închûktirhai chu lâwmna le Thlarau Inthiengin an sip tâwl a.

THILTHAWHAI 13:9

Chuongchun, Saula, (Paula an ti bawk chu), Thlarau Inthiengin a sip a, ama chu a en zing a,

THILTHAWHAI 15:8

Chun, lungril hretu Pathienin eini a mi pêk ang bawk khan, Thlarau Inthieng an kuoma pe vein, an chungah a lâwm ti ân hriettir a;

THILTHAWHAI 19:6

Chun, Paulain an chungah a kut ân nghat a, Thlarau Inthieng chu an chungah a hung tlung tah a; chuong- chun ṭawng hrietnaw haiin thu an hril a, Pathien thu khawm an hril tah a.

THILTHAWHAI 2:11

ṭhenkhat Rom khaw mikhuol — Judahai le an saphunhai leh-ei na, ṭhenkhat Kret thlierkâra mi le Arab rama mi ei ni sih a; nisienlakhawm, Pathien thilthaw ropuihai an hril mâni ṭawng sengin ei hriet si hi!” an ta.

THILTHAWHAI 2:3

Chun, leihai ama le ama insemin, mei angin an kuomah a hung inlâr ta a.

THILTHAWHAI 4:31

Chun, an ṭawngṭai zo chun an umna in chu a hung inhnîng a, an rêngin Thlarau Inthiengin an hung sip a, huoitakin Pathien thu an hril tah a.

THILTHAWHAI 4:8

Chuongchun, Peter chu Thlarau Inthiengin a sip a, an kuomah, “Mi po po hotuhai, upahai,

THILTHAWHAI 6:3

Chuongchun, unauhai, nangni laia varna le Thlaraua sip mi hming ṭha ruok pasari thlang ro; anni chu hieng thil rêltu ding hin siem ei tih.

THILTHAWHAI 6:5

Chuong thu chun mipui po po chu a suklâwm a; chuongchun, Stephan, ringna le Thlarau Inthienga sip le, Philip, Prokor, Nikanor, Timon, Parmena le Nikol Judahai saphun Antiokei mi leh an thlang a.

THILTHAWHAI 6:8

Chun, Stephan chu zaidamna le thilthawtheinain a sip a, mi lai thilmak le inchikna ropuitak a thaw hlak a.

THILTHAWHAI 7:55

Nisienlakhawm, ama chu Thla- rau Inthienga sip a na, vân tieng a en tlat a, Pathien ropuizie le Pathien changtienga Isu ngir a hmuh a,

THILTHAWHAI 8:17

Chun, an chungah an kut an innghat a, Thlarau Inthieng an hmu tah a.

THILTHAWHAI 9:17

Chun, Anania chu a va feh a, ina chun a lût a; a chungah kut ân nghat a, “Unau Saula, i mit varna ding le Thlarau Inthieng sipa i um theina dingin, Lalpa, i hungna lampuia i kuoma inlâr Isu khan a mi hung tir a nih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:13

Thlarau Inthieng thilthawthei- na zâra beiseina in hau theina dingin Beiseina Pathien chun ring leia lâwmna le inremna tinrêngin suksip raw se cheu.

1 KORINTH 12:10

mi dang kuomah thilmak thaw- theina pêk a nih; mi dang kuomah thuhril theina pêk a nih; mi dang kuomah thlarauhai hriet dik theina pêk a nih; chun, mi dang kuomah ṭawng hrietlo chi dang danghaia thuhril theina pêk a nih; mi dang kuomah ṭawng hrietlohai hrilfie theina pêk a ni sih a;

1 KORINTH 13:1

Mihriem ṭawnghai le vântirko ṭawnghaiin thu hril lang khawm, hmangaina ka nei si naw chun dâr inri mei mei amanih, dârbenthek inri mei mei amanih lo nîng ka tih.

1 KORINTH 13:8

Hmangaina hi iengtik khawm bo naw nih a; amiruokchu, thuhrilna dâm hi um sienla khawm sukbân la nîng a tih; ṭawng hrietlohai dâm hi um sien khawm la mâng a tih, hrietna hi um sienkhawm sukbân la nîng a tih.

1 KORINTH 14:18

Nangni po po nêka ṭawng hrietloa thu ka hril rawn lem leiin, Pathien kuomah lawmthu ka hril a;

1 KORINTH 14:5

Chun, in rênga ṭawng hrietlohaia thu in hril ka nuompêk cheu; nisien- lakhawm, thu in hril ka nuompêk nâwk zuol cheu a nih; kohranin insiemṭhatna an hmu theina dingin a hrilfie nâwk nghâl naw chun, thu hriltu chu ṭawng hrietloa thu hriltu nêk chun a ropui lem hrim hrim a nih.

EPHESI 3:19

Krista hmangaina hriet phâk lo hriet theina nei a, Pathien famkimna tinrênga suksipa in um theina dingin.

EPHESI 5:18

Chun, uoin inruiin um naw ro, chutaka chun insûm nawna a um sih a; Thlaraua sipin um lem ro.

EPHESI 6:18

ieng huna khawm Thlaraua ṭawngṭaiin, chu kawnga chun mi inthieng po pohai ta dingin ṭhahnem- ngai tak le hni tlatin ngaiven ro:

1 PETER 1:12

Chuong thu chun mani rawng inbâwl loin, nangni rawng an bâwl lem ti an kuomah inhriettir a ni tah. Chuong thu chu vâna inthawka tirsuok Thlarau Inthieng ṭhangpuiin, Chanchin Ṭha hriltu cheu khan tuhin an hril cheu a, chuong thil chu vântirkohaiin bi an nuom hlak a nih.

2 PETER 1:21

Thu hrillâwk hrim hrim hi mihriem thua suok a ni ngai si nawh a, mihaiin Thlarau Inthieng tirin, Pathien kuoma inthawkin an hril lem hlak a nih.

1 SAMUEL 1:14

Chuongchun, Eli chun a kuomah, “Ieng chen am inrui zinga i um ding a na? I uoin chu sie hmang raw khai,” a ta.

1 SAMUEL 10:10

Chuongchun, tlâng chu an hang tlung chun, ngai ta, zâwlneihai chun an intuokpui a; chun LALPA thlarau nasatakin a hung tlung a; thu an hril duol duolnaa chun a ṭhang ve tah a.