THILTHAWHAI 18:4 - Pathien Lekhabu Inthieng (BSI)

⁴ Châwlni po leh inkhâwmna inah ṭhahnemngaitakin thu a hril hlak a, Judahai le Grikhai chu thlêmthlûk a tum hlak a.

THILTHAWHAI 18:4 ပူးပေါင်းရင်းမြစ်များ

INṬANNA 9:27

Pathienin Japheth chu suklien sienla, Sem puon inhaiah um raw se; Kanaan chu a siehlawah um raw se,” a ti bawk a.

2 CHANCHIN SUINA 32:11

Hezekia hin, Assuria lal kuta inthawk chun LALPA ei Pathien chun mi sansuok a tih, tiin dangchâr le ṭâma inthitir el ding cheuin a thlêm- thlûk cheu a ni naw am a nih?

LUKA 16:31

Chun, ama chun a kuomah, ‘Mosie le zâwlneihai thu an awi naw chun, mithi laia mi tho nâwk sienla khawm awi chuong naw ni hai,’ a tih a,” a ta.

LUKA 4:16

Chun, a seilienna khuo Nazareth chu a hung tlung a; Châwl- nia a thaw dân pângngaiin inkhâwm- na inah a lût a, tiem dingin a ngîr a.

JOHAN 7:35

Chun, Judahai an inbiek a, “Ei hmu naw dingin hi mipa hi khâwlai am a fe ding a ni leh? Grikhai laia Inpêmdarhai laia fein Grikhai chu ân chûktir ding am nîng a ti?

THILTHAWHAI 13:14

Nisienlakhawm, anni chu Pergaa inthawkin an fe pei a, Pisidia rama Antiokei an tlung a; chun, Châwlniin inkhâwmna inah an lût a, an ṭhung a.

THILTHAWHAI 14:1

Chun, Ikonioma chun Judahai inkhâwmna inah an lût rêl a, thu an hril hlak a, chuongchun, Grik le Juda tamtak khawmin an ring ta rau a.

THILTHAWHAI 17:11

Chutaka mihai chu Thes- salonika mihai nêk chun an lo ṭha lem a, chuongchun, lungril lâwmtakin thu chu an pawm a, an thu hril chu ân dik le ân dik naw hrietna dingin ni tin Pathien Lekhaah an zawng hlak a.

THILTHAWHAI 17:17

Chuongchun, inkhâwmna inah Judahai le Pathien ngaisakhai a sêl hlak a, dâwr hmuna dâm khawm, chutaka hung um taphawthai chu ni tin a lo sêl bawk hlak a.

THILTHAWHAI 18:13

“Hi mipa hrep hin Dân naw anga Pathien be dingin mi a thlêm- thlûk hlak a nih,” an ta.

THILTHAWHAI 18:19

Chun, Ephesi chu an tlung a, chutaka chun anni chu a mâksan tah a; ama ruok chu inkhâwmna inah a lût a, Judahai kuomah ṭhahnem- ngaitakin thu a hril hrih a.

THILTHAWHAI 19:26

Hitaka Ephesi chaua hin ni loin Asia ram khawvêl po po deu thawa khawm, hi Paula hin, ‘Kuta siem pathienhai hi Pathien an ni nawh,’ tiin mi tamtak a thlêmthlûk a, ân kaitir zo tah ti nangni ngeiin in hmuin in hriet bawk a.

THILTHAWHAI 19:8

Chun, Paula chu inkhâwmna inah a lût hlak a, thla thum lai huoitakin thu a hril a, Pathien ram kawng thua chun a sêl a, mi a thlêmthlûk hlak a.

THILTHAWHAI 26:28

Chun, Agrippa chun Paula kuomah, “Sâwtnawtê chau mi thlêm a, Kristiena mi siem i tum a ni hi,” a ta.

THILTHAWHAI 28:23

Chun, ni an tiem a, chu ni chun a tlung inah mi tamtak a kuomah an hung a, zîngkâra inthawkin zântieng chenin an kuomah chu thu chu a hrilfie a, Pathien ram thu ân hriettir a, Mosie Dân Lekhabu thu le Zâwlneihai Lekhabu thuin Isu tieng anni a thlêm a thlêm a.

THILTHAWHAI 9:20

Inkhâwmna inhaia chun Isu chu Pathien Naupa a nizie thu a khêkpui nghâl tah a.

2 KORINTH 5:11

Chuongchun, Lalpa ṭina châng hrein, mihriemhai chu kan thlêm hlak a, Pathien kuoma ruok chun inlangtirin kan um a; nangni sie le ṭha hrietnaa khawm inlangtira kan um ka beisei.