52 Chun, închûktirhai chu lâwmna le Thlarau Inthiengin an sip tâwl a.
“Lâwm unla, nasatakin hlim ro; vânah in lâwmman a um râwn sih a; chuong ang bawkin in hmaa zâwlnei umhai khawm an suknawmna hlak kha.
Chuongchun, inchûktirhai chun, an thei tâwk sengin, Judai rama unau umhai kuoma chun sawmdâwlna ding thawn an tum a.
Chun, an chungah a chuong seng a, an rêngin Thlarau Inthiengin an sip ta vawng a, Thlarauin ân ṭawngtir ang peiin ṭawng danghaiin an lo ṭawng tah a.
Ni tin lungril hmunkhatin Pathien biekina chun ṭhahnem- ngaitakin an um hlak a, an in tieng khawm bei an khawi a, hlimtak le lungawitakin bu an fâk hlak a.
Chun, an ṭawngṭai zo chun an umna in chu a hung inhnîng a, an rêngin Thlarau Inthiengin an hung sip a, huoitakin Pathien thu an hril tah a.
Chuongchun, rorêltuhai laia inthawk chun an suok a, chu hming leia muolphona tuor tlâka ruot an ni leiin an lâwm hleh a.
Pathien ram chu dâwn le fâk tieng thu a ni si nawh a; felna dâm, inremna dâm, Thlarau Inthienga lâwmna dâm a ni lem ie.
Thlarau Inthieng thilthawthei- na zâra beiseina in hau theina dingin Beiseina Pathien chun ring leia lâwmna le inremna tinrêngin suksip raw se cheu.
Chu chau chu ni loin, ei rimsiknaa khawm lâwmin ei um a nih, rimsikna chun selna a siem a,
khânga rinuma fiena nasatak puma an hlimna a liem le an rimsikna nasatak chu an tiktlaina nasataka ân chang tâkzie kha.
Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,
Chun, thu chu rinum tuor pumin Thlarau Inthienga lâwmin in lo pawm a, keini le Lalpa inchûktuhai in lo nih.
Ka unauhai, thlêmna tinrêng in tuok hnungin lâwmna ruokah ngai ro,
Krista tuornahaia tuorpuituhai in ni zie ang peiin lâwm lem ro; chuongchun, a ropuina a hung inlang pha chun nangni khawm hlimtakin lâwm thei in tih.