THILTHAWHAI 13:5 - Pathien Lekhabu Inthieng (BSI)

⁵ Chun, Salamis khuoa an um laiin, Juda inkhâwmna inahai Pathien thu an hril hlak; Johan khawm kha an rawng bâwl dingin an ṭhuoi veh a.

THILTHAWHAI 13:5 ပူးပေါင်းရင်းမြစ်များ

1 LALHAI 19:21

Chun, ama a va zui chu a kîr a, sebâwng tuok khat a khal chu a that a, a sa chu sebâwng thuomhnawhai chun a suong a, mihai kuomah a sem a, an fâk tah a. Chuongchun, a tho a, Elija chu a zui a, a rawng a bâwlpêk tah a.

1 LALHAI 19:3

Chuongchun, a ṭih a, a tho a, a tlânse tah a, Judai rama Beer-seba khuo a va tlung a, chutaka chun a siehlaw chu a mâksan a.

2 LALHAI 3:11

Nisienlakhawm, Jehosaphat chun, “Hitaka hin LALPA zâwlnei, ama hmanga LALPA thu ei indawn theina ding chu an um naw am a nih?” a ta. Chun, Israel lal siehlawhai laia mi pakhat chun, “Saphat naupa, Elisa, Elija kut tuia buok hlaktu chu hitaka hin a um,” tiin, a dawn a.

FESUOKNA 24:13

Mosie le a rawngbâwltu Josua chu an tho a, Mosie chu Pathien tlânga chun a hang fe tah a.

MATTHAI 20:26

Nisienlakhawm, nangni laia chu chuong ang chu ni naw ni, tukhawm nangni laia mi lien ni nuom phawt chu in rawngbâwltuin a um ding a nih,

THILTHAWHAI 12:12

Chun, ân ngaituo zo chun, Johan, Marka an ti, chu mipa nu Mari ina chun a va feh a; chutaka chun ṭawngṭaiin mi tamtak an lo um khâwm a.

THILTHAWHAI 12:25

Chun, Barnaba le Saula chun, rawng chu an bâwl zo chun, Jerusalema inthawk chun an kîr nâwk tah a, Johan, Marka an ti chu an kuomah an ṭhuoi veh a.

THILTHAWHAI 13:14

Nisienlakhawm, anni chu Pergaa inthawkin an fe pei a, Pisidia rama Antiokei an tlung a; chun, Châwlniin inkhâwmna inah an lût a, an ṭhung a.

THILTHAWHAI 13:46

Chun, Paula le Barnaba chun huoitakin an hril dawk a, “Pathien thu hi nangni kuoma hril hmasak hrim ding a nih; nisienlakhawm, in lo dang kîr a, chatuona hring tlâk loa in inruot ta hnung chu, hre ro, Jentailhai kuom tieng ngha ta vêng kan tih.

THILTHAWHAI 14:1

Chun, Ikonioma chun Judahai inkhâwmna inah an lût rêl a, thu an hril hlak a, chuongchun, Grik le Juda tamtak khawmin an ring ta rau a.

THILTHAWHAI 15:37

Chun, Barnaba chun Johan, (Marka an ti chu), an kuoma ṭhuoi ve a tum a, Paula ruok chun, ama chu an kuoma ṭhuoi chu ṭha a ti nawh a.

THILTHAWHAI 17:17

Chuongchun, inkhâwmna inah Judahai le Pathien ngaisakhai a sêl hlak a, dâwr hmuna dâm khawm, chutaka hung um taphawthai chu ni tin a lo sêl bawk hlak a.

THILTHAWHAI 18:4

Châwlni po leh inkhâwmna inah ṭhahnemngaitakin thu a hril hlak a, Judahai le Grikhai chu thlêmthlûk a tum hlak a.

THILTHAWHAI 19:22

Chuongchun, a ṭhangpuitu pahni, Timothe le Erasta chu, Make- doniaah ân fetir zet a, ama ruok chu Asia ramah a um hrih a.

THILTHAWHAI 19:29

Chuongchun, a khuoin an buoi tah a, Gaia le Aristarka, Makedonia rama mi, Paula hnungzuituhai chu an man a, inthuruolin ennuom siemna inah an tlânpui a.

THILTHAWHAI 19:8

Chun, Paula chu inkhâwmna inah a lût hlak a, thla thum lai huoitakin thu a hril a, Pathien ram kawng thua chun a sêl a, mi a thlêmthlûk hlak a.

THILTHAWHAI 9:20

Inkhâwmna inhaia chun Isu chu Pathien Naupa a nizie thu a khêkpui nghâl tah a.

KOLOSSA 4:10

Aristarka ka întângpuipa hin chibai a bûk cheu; Marka, Barnaba tupa khawm hin chibai a bûk cheu (ama chungchâng thua thupêkhai in hmu kha, in kuomah a hung chun lo lâwm ro).

2 TIMOTHE 4:11

Marka kha fiel la, hung ṭhuoi ve rawh; ama chu rawngbâwl tieng ka ta dingin a ṭangkai sih a.