THILTHAWHAI 11:12 - Pathien Lekhabu Inthieng (BSI)

¹² “Chun, Thlarauin lunghimaw- na nei loa anni zui dingin a mi tir a. Hieng unau parukhai khawm hin an mi zui veh a, mi ina chun kan lût a.

THILTHAWHAI 11:12 ပူးပေါင်းရင်းမြစ်များ

THILTHAWHAI 8:29

Chun, Thlarau chun Philip kuomah, “Saw tawlailîr saw va hnai la, va pâwl rawh,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:22

chu chu Pathien felna, Isu Krista ringna leia ama awitu taphawt kuoma suklanga um chu a nih; a danglamna hrim a um nawh a.

2 THESSALONIKA 2:2

“Lalpa Ni chu a tlung zing tah,” tina thlarau leiin amanih, thu leiin amanih, kan kuoma inthawka lekha- thawn ang leiin amanih, in lungril inhnîng el nawna ding le in buoi bawk nawna dingin kan ngên cheu a nih.

THILTHAWHAI 10:23

Chuongchun, mihai chu a ko lût a, ân riek tir tah a. A zînga chun Peter chu a tho a, an kuomah a feh a, Joppa khuoa mi unau tuhai amani khawm anni leh an fe veh a.

THILTHAWHAI 15:9

chun, anni le eini thlier bîk loin, ringnain an lungril a sukthieng tah a.

THILTHAWHAI 10:45

Chun, Sertanhai laia ringtuhai Peter hung zuituhai chun Thlarau Inthieng pêk chu Jentailhai chunga khawm buok a ni leiin mak an ti hleh a;

JOHAN 16:13

Nisienlakhawm, ama Thlarau indiktak chu a hung tlung pha chun, thutak po poa chun ṭhuoi lût a ti cheu a, ama phuok fâwmin thu a hril âwm si nawh a, thu a idawng taphawt chu hril lem a tih; thil hung tlung dinghai khawm inhriettir a ti cheu.

MATTHAI 1:20

Nisienlakhawm, chuong thu chu a ngaituo laiin, ngai ta, a mangah Lalpa vântirko a kuomah a hung inlâr a, “Josef, nang David naupa, Mari chu nuhmeia nei ṭi naw rawh; a nau vawn chu Thlarau Inthienga inthawk a nih i sawnnaw.

THUPUONGSUO 22:17

Thlarau le mo chun, “Hung rawh,” an tih a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.

THILTHAWHAI 15:7

Chun, an insêl rak hnungin Peter a tho a, an kuomah, “Unauhai, Jentailhaiin keia baua Chanchin Ṭha thu hrea awi dingin, Pathienin inhmaa nangni laia inthawka a mi ruotzie kha in hriet.

THILTHAWHAI 13:4

Chuongchun, Thlarau Inthieng tir suok chun an fe tah a, Selukai khuoah an fe thlah a, chutaka in- thawkin Kupra thlierkârah lâwngin an feh a.

THILTHAWHAI 13:2

Chun, Lalpa rawng an bâwl a, bu an nghei laiin, Thlarau Inthiengin, “Barnaba le Saula hi anni ka ruot ang san thaw dingin mi suktumpêk ro,” a ta.

THILTHAWHAI 1:15

Chun, chu ni chun unauhai lai Peter a ngîr a, (an rêng chun za le sâwmhni lai an nih),

THILTHAWHAI 11:13

Chun, ama chun kan kuomah, a ina vântirko ngîr a hmuzie le, vântirko chun a kuomah, ‘Joppa khuoah mi tir la, Simon, Peter an ti chu, hung inṭhuoitir rawh;

THILTHAWHAI 28:15

Chun, unauhaiin kan chanchin an hriet phingleh chutaka inthawk chun Appia Dâwr le Khuolbûk pathum chenah mi tuok dingin an hung a; anni chu a hmu chun Pathien kuomah Paulain lâwmthu a hril a, ân sukhuoi tah a.