THILTHAWHAI 1:11 - Pathien Lekhabu Inthieng (BSI)

¹¹ Chuonghai chun, “Galili rama mihai, iengdinga vân tieng nghaa in ngir am? Hi Isu in kuoma inthawka vân tienga ṭhuoia um hi, vâna a hang fe in hmu ang bawk hin ama ngei hi hung nâwk a tih,” an ta.

THILTHAWHAI 1:11 ပူးပေါင်းရင်းမြစ်များ

MATTHAI 16:27

Mihriem Naupa hi a vântir- kohai leh, a Pa ropuinaa inthuomin a hung ding a ni sih a; chu pha chun mi tin an thilthaw ang peiin thung seng a tih.

MATTHAI 16:28

Titakzetin ka hril cheu hi, hitaka ngîr a ṭhen hi, Mihriem Naupa a rama a hung an hmu hmakhat chun, thina intem tawp lo ding an um,” a tih a.

MATTHAI 24:30

Chu phâ chun Mihriem Naupa inchikna chu vânah inlang a ta, chun, hnuoia um chi tinin an âwmhai chum an ta, Mihriem Naupa hi thil- thawtheina le ropuina nasatak leh vân sûm chunga hung hmûng an tih.

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

MARKA 13:26

Chu phâ le chun Mihriem Naupa hi thilthawtheina nasatak leh sûm laia hung hmûng an tih.

MARKA 14:70

Chun, a nakie deu chun a kâwla ngîrhai chun Peter kuomah, “Anni laia mi i ni ngei hi maw, Galili rama mi i ni sih a,” an tih a.

MARKA 16:19

Chuongchun, Lal Isu chu an kuoma thu a hril zo chun vâna zuk ṭhuoiin a um tah a, Pathien changtieng a hang ṭhung tah a.

LUKA 21:27

Chu pha chun Mihriem Naupa hi thilthawtheina leh, ropuina nasa- tak leh sûm laia hung hmûng an tih.

LUKA 24:5

chun, an ṭih a, an hmaia hnuoi an sik el lai chun, anni chun an kuomah, “Iengdinga mithi laia mi dâm in zawng am?

JOHAN 14:3

Chun, in ta dinga hmun ka hang siem chun hung kîr nâwk ka ta, ka kuomah lâng ka ti cheu; ka umnaah nangni khawm in um theina dingin.

THILTHAWHAI 1:2

Thlarau Inthieng ṭhangpuia a tirko thlanghai kuoma thu a tiem zoa, vân tienga ṭhuoia a um ni chena thu kha.

THILTHAWHAI 1:22

Johan Baptisma chena in- thawka ei kuoma inthawka vâna ṭhuoia a um ni chen kha - hieng a mi pâwl hlakhai laia mi pakhat, a thonâwkna mi hrietpuitu dingin a um ding a nih,” a ta.

THILTHAWHAI 1:9

Chun, chuong thu chu a hril zoin an hmu zing pumin, vân tienga ṭhuoiin a um a; chun, sûmin an hmu phâk nawah a ṭhuoi hmang tah a.

THILTHAWHAI 13:31

Chun, Galili rama inthawka Jerusalema ama ruola hang fe vehai kuoma chun ni sâwt tak sûngin ân lâr hlak a; chuong mihai chu tuhin mi kuoma a thu hretuhai an nih.

THILTHAWHAI 2:7

Chun, an rêng chun an lunginzîng a, mak an ti hleh a; “En ta u, hieng a ṭawnghai po po hi Galili rama mi an ni naw am a nih?

THILTHAWHAI 3:12

Peterin chu chu a hmu chun, mihai chu a biek a, “Nangni Israel mihai, hieng hi iengdinga mak in ti am a na? Keini thilthawtheina le Pathien kan ngaisak leia ama hi kan inlâwntir ang el chun iengdinga in mi en zing am?

THILTHAWHAI 3:21

Amiruokchu, iengkim siem ṭhat hun a tlung hmakhat chu vânin ama chu a la kawl hri ding a nih; chu siem ṭhat ding thu chu Pathienin leihnuoi insieng tira inthawk a zâwlnei inthieng umhai bauin a hril ta kha.

1 THESSALONIKA 1:10

a Naupa mithi laia inthawka a ikeitho, lunginsenna hung tlung dinga inthawka a mi sansuoktu Isu kha vâna inthawka hung lo nghâk dinga in nghatsanzie khawm kha an inhriettir bawk hlak a nih.

1 THESSALONIKA 4:16

Lalpa ngei chu khêkri leh, vântirko chunghnungtak râwl leh, Pathien tawtawrâwt ri leh, vâna inthawkin a hung ṭum ding a ni sih a; chun, Kristaa thi tahai chu tho hmasâng an tih.

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang loin vawi hninaah hung inlang nâwk a tih.

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.