ṬAP HLA 4:20 - Pathien Lekhabu Inthieng (BSI)

²⁰ Ei hnârkuo thuok, LALPA hrieknâl chu, an khursûnga chun an lâk a; “Ama hlim hnuoia chun hnamhai laia chun chêng ei tih,” ei tih a.

ṬAP HLA 4:20 ပူးပေါင်းရင်းမြစ်များ

INṬANNA 2:7

Chun, LALPA Pathienin hnuoia pilvutin mihriem a siem a, a hnâra chun hringna thuok chu ân thuok lût a; chuongchun, mihriem chu mi hring a hung ni tah a.

INṬANNA 44:30

Chuongchun, Bawipu hi kan laia ṭhang loa, i siehlaw ka pa kuom ka hang tlung chun, a hringna chu Bawipu hringna le hin ân zawm tlat leiin hieng ang hi nîng a tih:

2 SAMUEL 1:14

Chun, David chun a kuomah, “LALPA hrieknâl sukbohmang dinga a chunga kutthlâk chu iengtiziea ṭi lo am i nih a?” a ta.

2 SAMUEL 1:21

Nangni Gilboa tlânghai, In chungah dâidâw le ruo khawm tla naw raw se; thil inhlân ding khawm insuo bawk naw ro. Chutaka chun mi thilthawthei phaw chu tirdakumtakin an pei sih a; Saula phaw, hrieknâl lo mi phaw ang elin.

2 SAMUEL 18:3

Nisienlakhawm, mipuihai chun, “Fe ve lo e, keini rawi hi chu tlân hmang ta ang ni inla khawm, pawi ti naw ni hai a; chun, a chenve lai rau khawm hi va thi inla khawm an ûksak bar âwm nawh a, nang chu keinirawi sîng tlukin i hlu sih a, chuleiin, khawpuia inthawka mi ṭhangpui dinga inzosa zinga i lo um chu a ṭha lem a nih,” an ta.

2 SAMUEL 19:21

Nisienlakhawm, Zeruia naupa Abisai chun a dawn a, “LALPA hriek- nâl chu ṭawngsie ân phur leiin Simei hi sukhlum ding a ni naw ding am a nih?” a ta.

2 CHANCHIN SUINA 35:25

Chun, Jeremia khawm chun Josia chu a sûn a; vawisûn ni chen hin, hlasaktu pasal le hlasaktu nuhmeihai khawm chun Josia an sûnna hla chu an lân sam a; Israel rama chun thupêkhaiah an siem a, chuong chu, ngai ta, sûnnaa chun ziek an nih.

ISAI 32:2

Mi pakhat chu thlipuia inthawka inbîkna hmun ang le, ruopuia in- thawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

JEREMIA 39:5

Nisienlakhawm, Kaldai sipaihai chun anni chu an hnawt a, Zedekia chu Jeriko phairuoma chun an hnawt phâk a, chun, ama chu an man chun, Hamath rama Riblaa Babulon lal Nebukadnezzar kuomah an hung ṭhuoi a, ama chun a chungah ro a rêlthlûk a.

JEREMIA 52:8

Nisienlakhawm, Kaldai sipaihai chun lal chu an hnawt tah a, Jeriko phairuoma chun Zedekia chu an va hnawt phâk tah a; chuongchun, a sipaihai po po chun ama chu an indar san tah a.

JEREMIA 52:9

Chun, lal chu an man a, Hamath rama Riblaa chun Babulon lal kuoma chun an ṭhuoi tah a; chun, ama chun a chungthu a lo rêlthlûk tah a.

ṬAP HLA 2:9

A dâi kawtkhârhai chu hnuoiah an tlumhmang a; a kalna thîrhai chu a suktliekin a suksiet tah a; A lal le hotuhai chu dân um nawnaa hnamhai laia chun an um a; Anih, a zâwlneihai khawma LALPAA inthawka thilhmulâwk an hmu ta nawh.

EZEKIEL 12:13

Chun, ka lên khawm chu a chunga chun dêngkhum ka ta, ka chânga chun âwk a tih; chun, Kaldai- hai ram Babulona chun ṭhuoi ka ta; chutaka chun thi ding ni sien khawm, hmu chu hmu naw ni.

EZEKIEL 17:18

Thuthlung chu bawsein, in- khâmna chu a lo pêk tah a, amiruok- chu, hieng thilhai po po hi a la thaw ta rawp sih a; pumpel naw hrim hrim a tih.

EZEKIEL 31:17

Kâwlhnâma thata lo um tahai kuomah, ama ruolin hremhmuna chun an fe thla ve a; anih, a bân lo ni taha, hnamhai laia a buk hlim hnuoia lo chêng tahai chu.

DANIEL 4:12

A hnahai chu a mawiin a rahai chu a tam êm êm a, amaa chun mi po po ta dingin fâkding a um a; ramsahai chu a hnuoia chun an inzârhlieh a, chunglêng vatehai khawm chu a kâuhaia chun an chêng a, mi po po chu amaa châwmin an um a.

HOSEA 13:10

I khawpui po poa sanhim theitu ding che, I lal chu tuhin khâwlai am a um a? Lal le hotuhai mi pe rawh, i itihai, I rorêltuhai chu khâwlai am an um a?

RORELTUHAI 9:15

Hling chun thinghai kuoma chun, ‘In lal dinga hriek mi nâl takzet in ni chun ka hlima hin hung inbi ta unla, in ni naw ruok chun hlinga inthawka mei hung suokin, Lebanon tlânga sidar thinghai chu kâng zo vawng raw se,’ a tih a.

1 SAMUEL 12:3

Hitaka hin ka um a, LALPA hmaa le a hrieknâl hmaa hin mi sêl ro le? Tu bâwngchal am ka lâkpêk hlak a? Tu sabengtung am ka lâkpêk hlak a? Tu am ka hlêm ta hlak a? Tu am ka suknawmna hlak a? Ka mit sukdel dingin tu kuoma inthawkin am thamna ka lâk hlak a? Thung nâwk vawng ka ti cheu,” a ta.

1 SAMUEL 12:5

Chun, ama chun an kuomah, “Ka kuta hin âwm naw ieng khawm in hmu nawh ti vawisûn hin LALPA chu nangni laia hretu a nih; a hriek nâl khawm chu hretu a nih,” a ta. Chun, anni chun, “Ama chu hretu a nih,” an ta.

1 SAMUEL 16:6

Chun, an hung chun, Eliab chu a lo en a, “LALPA hrieknâl chu a hmaa um hi a ni ngei el,” a ta.

1 SAMUEL 24:10

Ngai ta, vawisûn hin LALPAIN pûka hin ka kuta a hung inhlânzie che hi i mit ngeiin i hmuh a; ṭhenkhat chun sukhlum ding chein an mi tir a; nisienlakhawm, ka hla cheh a; ka lalpa chunga hin ka kut hrim hrim inlet naw ning, LALPA hrieknâl a ni sih a, ka tih a.

1 SAMUEL 24:6

Chuongchun, a mihai kuoma chun, “LALPA hrieknâl a nih ti hre zing sih a, a chunga kut thlâk a, LALPA hrieknâl ka lalpa chunga hi thil ka thaw hi a âwm naw tawp el a,” a ta.

1 SAMUEL 26:16

I thilthaw dân hi a ṭha naw a nih. LALPA hringna sâlin ka hril a nih, LALPA hrieknâl i pu chu i vêng ṭhat naw leiin thi el tlâk i nih. Lal lu thluona fei le tuiûm um kha khâw- lai am a um tah hang en ta hman,” a ta.

1 SAMUEL 26:9

Nisienlakhawm, David chun Abisai kuomah, “Sukbohmang naw rawh, LALPA hrieknâl chunga kut thlâka thiem chang thei tu am um an ta?” a ta.