ṬAP HLA 4:2 - Pathien Lekhabu Inthieng (BSI)

² Zion naupa hlutakhai rângkachak inthieng le hrilkhi theihai chu, Iem a tiha bêlhemtu kuta siem, pil bêlhai ang chaua ngainat an ni el chu!

ṬAP HLA 4:2 ပူးပေါင်းရင်းမြစ်များ

ISAI 30:14

Chuongchun, bêlhemtu bêl chu an suknawi ang hin, hla um dêr loa kawinawiin, a hlek laia, behâr thuka mei lâkna ding amanih, tuikhura tui thâlna ding amani khawm um lo khawpin, sukkawi nawi a tih,” tiin.

ISAI 51:18

A naupasal neihai po po lai chun ama ṭhuoitu ding tukhawm an um nawh a; a naupasal châwm lienhai po po lai chun a kuta chel tukhawm an um bawk nawh.

JEREMIA 19:1

LALPA chun hieng hin a tih, “Fe la, bêl hemtu pil bêl inchaw la, chun, mipuihai laia upahai le, thiempuhai laia upahai ṭhuoi la.

JEREMIA 19:11

an kuoma chun, Sipaihai LALPA chun hieng hin a ti a nih: Hieng ang bawk hin, bêl hemtu bûr chu miin siem ṭhat nâwk thei ni ta loa a suksiet ang hin hi khawpui le hi hnam hi ka suksiet ding a nih; chuongchun, inphûmna ding um naw khawp rauin Tophetha chun inphûm an tih.

JEREMIA 22:28

Hi Konia hi bêl kawi hmusitum am a nih? Ama hi bêl amaa ditna um hlek lo am a nih? Iengdinga pei suoka, ama le a chihai, an ihriet naw rama chu pei suoka um am an na?

ṬAP HLA 2:21

Mi a naupang le upa khawm chu kawtthlêra chun hnuoiah an zâl a; Ka nunghâkhai le ka tlangvâlhai chu kâwlhnâmah an tluh a; I lunginsenna nia chun anni chu i sukhlum a, Anni chu i that a, i lunginsiet nawh a,

ṬAP HLA 5:12

Lal nauhai chu an kut ngeiin an khâi hlum a; Upahai hmâi inzâna hrim a um nawh.

HOSEA 8:8

Israelhai chu lem zoin an um a nih, Bêl, a sûnga lâwmna um lo angin tuhin hnam dang laia chun an um a nih.

ZEKARIA 9:13

Ka thalngul dingin Juda chu ka kuoi a, Ephraim chu a thalah ka siem a; Aw Zion, i naupasalhai chu i nau- pasalhai chunga ngei chun ka chawktho ding a nih; aw Grik, mi hrâttak kâwlhnâm angin siem ka ti che.

2 KORINTH 4:7

Nisienlakhawm, thilthawtheina nasatzie chu keini kuoma inthawk ni loin, Pathien ta a ni thei lemna dingin, chu ro chu pil bêlahai kan kawl a nih.

2 TIMOTHE 2:20

Nisienlakhawm, in ropuia hin bûr le bêl rângkachak le tangkaruoa siem chau a um nawh a, thing le bepila siem khawm a um hlak a; ṭhenkhathai ngaihlut ding a um bawk a, ṭhenkhathai chu ngaihlut naw ding a um bawk.