ṬAP HLA 4:16 - Pathien Lekhabu Inthieng (BSI)

¹⁶ LALPA lunginsenna chun anni chu a ṭheh a, ngaisak nâwk ta naw ni; Thiempu mi nina chu an inza nawh a, upahai khawm an ditsak bawk nawh.

ṬAP HLA 4:16 ပူးပေါင်းရင်းမြစ်များ

INṬANNA 49:7

An lunginsenṭeuna chu ṭawngsephurin um raw se, a ṭium sih a. An lung puom hlena chu ṭawngsephurin um raw se,a nunrâwng sih a. Jakobrawihai lai chun anni chu thedar ka ta, Israelrawihai lai chun anni chu sukdar ka tih.

2 CHANCHIN SUINA 36:17

Chuleichun, an chunga chun Kaldai lal a hung tir a, anni chun hmun inthienghaia chun an tlang- vâlhai dâm kâwlhnâmin an that a, tlangvâl amanih, nunghâkhai ama- nih, upa amanih, tar amani chunga khawm lunginsietna an nei nawh a, chuongchun, an rêng chun a kutah a pêk a.

INPÂKNA HLABU 106:27

An chi thla dinghai chu hnam tin lai a sukthlûk a, Ram tina a sukdarna dingin.

INPÂKNA HLABU 106:44

Chuong sa khawm chun, ama chun an khêkri chu a hriet chun, An lunginzîng chu a ngaisak a.

ISAI 24:2

Chun, vântlâng chunga a um angin, thiempu chunga khawm um a ta, suokpa chunga a um angin a pu chunga khawm um a tih; suoknu chunga a um angin a pi chungah um a ta; inchawtu chunga a um angin a zawrtu chunga khawm um a tih; inpûktirtu chunga a um angin a pûktu chunga khawm um a tih; a pung hnawta inpûktirtu chunga a um angin a kuoma a pung petu chunga khawm um a tih.

ISAI 47:6

Ka mihai chungah ka lunginsen a, ka rochan chu ka sukpawrcheh a, i kutah pêng ka ti cheh a, nang chun an chungah lunginsietna hrim hrim în langtir naw a, tarhai chung chena khawm i rîngkawl riktak chu în nghat a.

JEREMIA 15:4

Chun, anni chu, Juda lal Hezekia naupa Manasse Jerusalema a thil- thawhai lei khan, hnuoi chunga lalram po pohai laia chun hmatieng hnungtienga hnawtlêng dingin inumtir ka tih.

JEREMIA 24:9

anni chu thil ṭha nawa hnung- tieng hmatienga sukṭita um dingin hnuoia lalram po pohai lai chun pe suok ka tih; ṭawngsekawk le, thuvara le hrânghla le inkhâmna ni dingin, anni ka hnawt suokna ding hmun po poahai chun pe suok ka tih.

JEREMIA 52:24

Chun, vêngtu pâwl hotu chun thiempu laltak Seraia le, a dawttu Zephania le, kawtkhâr vêngtu pathum a ṭhuoi a;

ṬAP HLA 2:20

En ta, Aw LALPA, ngai ta, hienga an kuoma i thawnahai hi! Nuhmeihai chun an rîla ra, nau- panghai, kuta tâwma umhai chu, an fâk el ding maw? LALPA hmun inthienga chun zâwlnei le thiempu chu that an ni el ding maw?

ṬAP HLA 2:6

A biekbûk chu huon ang elin, a lâk hmang luipêk a; Ân khâwmna hmun chu a suksiet bawk a; LALPA chun Zionah, inkhâwmpui hunbi neihai le châwlnihai chu theinghila um dingin a siem a, A lunginsenna nasatna chun a thiempu le lal chu a hmusit tah a.

ṬAP HLA 5:12

Lal nauhai chu an kut ngeiin an khâi hlum a; Upahai hmâi inzâna hrim a um nawh.

EZEKIEL 5:10

Chuongchun, i sûnga chun pa- hai chun naupahai chu fâng an ta, naupahai chun an pahai chu fa bawk an tih; chun, nangmaa chun rorêl chu hung sukthlûng ka ta, nangmaa la mahlahai po po khawm chu thedar vawng ka tih.

DÂN PAHNINA 28:25

LALPAIN in hmêlmahai hmaa chun suktlâwm a ti cheu a; anni thaw dingin lampui pakhatah suok in ta, lampui pasariah tlânsieng in tih; khawvêl hnam tin laia chun kil tin kil tangah invâk in tih.

DÂN PAHNINA 32:26

‘Sukdar vawng ka ta, Mihriem laia anni hriet zingna chu sukbohmang dai ka tih,’ lo ti hiel tâng ka tih.

HEBRAIHAI 8:9

An thlatuhai Aigupta rama ṭhuoi suok dinga, An kuta ka chel nia, Ka thuthlung ang kha ni loin; Ka thuthlunga chun an um zing si nawh a, Chuongchun, anni chu ka ngaisak ta naw a nih, Lalpain a tih.