ṬAP HLA 4:11 - Pathien Lekhabu Inthieng (BSI)

¹¹ LALPA chun a ṭiumna chu a hung sukpuitling a, a lunginsenna ṭium chu a hung bunthlâk a; Ziona chun mei a sukchawk a, a lungphûmhai kâng hmangtu chu.

ṬAP HLA 4:11 ပူးပေါင်းရင်းမြစ်များ

ISAI 51:20

I naupasalhai chu an châu a, sakêl lêna a âwk angin kawtthlêr tâwp tienga chun an zâl phung a, LALPA lunginsenna le i Pathien kâwkna chun an sip tah a nih.

JEREMIA 13:14

Anni chu inbawtuotir ka ta, pahai le an naupasalhai ngei chu inbawtuong an tih, LALPA chun a tih; lunginsiet naw ning a, hla naw ning a, hmangaina khawm nei naw ning a, anni chu ka sukbohmang nawna dingin, iengkhawmin mi dâl naw ni.

JEREMIA 17:27

Amiruokchu, châwlni chu in- sera, châwlnia Jerusalem dâi kawt- khârhaia phur phura lût lo dinga ka thu in ngai naw chun, chutaka dâi kawtkhâra chun mei sêm ka ta, Jerusalem in ropuihai chu kâng- hmang a ta, sukmit ni ngai hrim hrim naw ni.

JEREMIA 21:14

in thilthaw ra ang peiin ka hrem ding cheu a nih, LALPA chun a tih; a rampui hnuoia chun mei sêm ka ta, a sîra um po pohai chu kâng hmang vawng a tih.

JEREMIA 36:7

An hnina chu LALPA hmaa pein, mi tin chu mâni um dân suola inthawk chun an hung kîr rawi mawh: hi mihai chunga lunginsenna le ṭitumna LALPAIN a hril chu a nasa hle sih a,” tiin.

JEREMIA 7:20

Chuleiin, Lalpa PATHIEN chun hieng hin a tih: Ngai ta, ka lungin- senna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thing- hai chunga le, hnuoia rahai chunga chun; chun, kâng a ta, ṭhel ni ngai naw ni.

ṬAP HLA 2:1

Zion naunu chu LALPA chun a lunginsena iengtizie a sûmpuia ân khum am a na! Israel mawina chu vâna inthawkin hnuoiah a hung pei thlâk a; A lunginsen nia chun a ke innghatna khawm chu a hriet zing ta nawh.

ṬAP HLA 2:17

LALPA chun thaw a itum chu a thaw tah a; Tienlai nihaia thu a pêk thuhai chu a hung sukpuitling tah a; A pei thlâk tah a, a lunginsiet nawh a; Hmêlmahai chu lâwmin a siem tah a; I hmêlmahai ki chu a chawimawi ta a ni hi.

ṬAP HLA 2:3

Lunginsenna ṭiumtakin Israel ki po po chu a sât thlâk a; Hmêlma hmaa inthawkin a kut changtieng chu a keitîm a; Meichawk angin Jakob chu, arêng arama kâng hmangin a raw tah a.

ṬAP HLA 2:4

Hmêlma angin a thalngul chu a kuoi a, hmêlma angin a kut changtiengin a ngîr a, Zion naunu puon ina mita hmu inhâwkumhai po po chu a that vawng a; A lunginsenna chu mei angin a bunthlâk a,

ṬAP HLA 2:8

LALPA chun Zion naunu kul chu suksiet a tum tah a; Rînin ân khi vawng tah a, suksietnaa inthawk chun a kut keitîm ta naw ni; Kul le a daihai chu ân sûntir a, an ngui hmunkhat ve ve a.

ṬAP HLA 4:22

Aw Zion naunu, i suolna hremna chu a famkim ta a nih; Sal ninaa chun hrên zing ta naw ni cheh a, Aw Edom naunu, i rîtlona chu hung hrem a ta; I suolnahai chu hmusuok a tih.

EZEKIEL 22:31

Chuleiin, ka lunginsenna chu an chunga chun ka bunthlâk a, ka lunginsenna mei chun anni chu ka kâng hmang tah a; an lampuihai chu anni lu chunga ngei chun ka hung intlungtir tah a, Lalpa PATHIEN chun a tih,” tiin.

EZEKIEL 36:18

Chuleiin, ram chunga an lo bunthlâk thisen chunga chun ka lunginsenna chu ka bunthlâk a; an milimhaia an lo sukpawrche ta leiin;

EZEKIEL 6:12

Hlataka umhai chu hripuiin thîng an ta; a hnaia umhai chu kâwl- hnâmah tlûng an ta, chun, umhmuna uma inhuol khuma um chu ṭâmin thîng a tih: chuong ang chun ka lungsenna chu an chunga chun ka sukpuitling ding a nih.

DANIEL 9:12

Kan chungah thil ṭha naw chu intlungtirin, keini le kan rorêltuhai, kan chunga rorêltuhai chungah a thu a hrilhai chu a hung sukdet tah a; Jerusalem khaw chunga thaw a ni ta ang hin vân hnuoi po po khâwlai khawm thaw a ni ngai si nawh a.

LEVI DÂN 26:28

lunginsentakin nangni kal zâwngin um ka ta; in suol leiin a let sariin hrem bawk ka ti cheu.

ZEPHANIA 2:2

thupêk chu lâk suok a ni hma hin, busi anga ni chu a liem el hma hin, in chunga LALPA lunginsenna ṭiumtak a hung tlung hma ngei hin, in chunga LALPA lunginsenna a hung tlung ni hma ngei hin.

ZEKARIA 1:6

Amiruokchu, ka thuhai le ka thuruothai, ka siehlaw zâwlneihai thu ka ipêkhai chu, chuonghai chun in thlatuhai chu an hnawtphâk tah ni lo am a nih? Anni chu an ngha kîr a, ‘ei thilthawhai ang pei le, ei um dân ang peia sipaihai LALPAIN ei chunga thaw dinga a ngaituo angtakin, chuong angtak chun ei chungah a thaw a ni hi,’ an tih a,” tiin.

LUKA 21:22

Chuong ni chu phuba lâk ni a nih, thu an ziek po po a hung tlung theina dingin.