ṬAP HLA 2:9 - Pathien Lekhabu Inthieng (BSI)

⁹ A dâi kawtkhârhai chu hnuoiah an tlumhmang a; a kalna thîrhai chu a suktliekin a suksiet tah a; A lal le hotuhai chu dân um nawnaa hnamhai laia chun an um a; Anih, a zâwlneihai khawma LALPAA inthawka thilhmulâwk an hmu ta nawh.

ṬAP HLA 2:9 ပူးပေါင်းရင်းမြစ်များ

2 LALHAI 25:7

Chun, Zedekia naupasalhai chu a mithmu ngeiah an that a, Zedekia mithai chu an khel dawk a, kawl an inbun a, Babulonah an fepui tah a.

2 CHANCHIN SUINA 15:3

Chuongchun, hun sâwttak el chu Israel ram chu Pathien indiktak bo, inchûktirtu thiempu le dân boin an lo um tah a;

NEHEMIA 1:3

Ka kuoma chun, “Sala intâng suok tah, chu rama dama la umhai chu chan setak le hrilsietin an um a; chun, Jerusalem kul chu a chim rem rum tah a, a kawtkhârhai khawm a kâng a,” an tih a.

INPÂKNA HLABU 74:9

Kan inchiknahai chu kan hmu ta nawh a, Zâwlnei hrim hrim an um ta nawh a, A sâwt dingzie hre hrim hrim khawm keini lai an um nawh.

ISAI 24:12

Khawpuia chun rausanna mâk- sanin a um a, a kul kawtkhâr chu vuok sietin a um tah.

JEREMIA 14:14

chun, LALPA chun ka kuomah a hril a, “Zâwlneihai chun ka hmingin thukhêlhai an hril a; anni chu ka tir nawh a, thu khawm ka pêk nawh a, an kuoma khawm thu ka hril bawk nawh; in kuoma chun thil hmulâwk indik nawhai, khawhri zâwl thuhai, thil iengkhawm ni lo, an lungrila thukhêl chu an hril lem hlak a.

JEREMIA 23:16

Sipaihai LALPA chun hieng hin a tih: “In kuoma thuhriltu zâwlneihai thuhai chu ngai naw unla, anni chun teplo mei mei an inchûktir cheu a nih, an lungrila thil hmulâwk chu an hril a, LALPA baua inthawka mi chu ni loin.

JEREMIA 39:2

chun, Zedekia inlal kum sâwm- pakhatna, thla lina, chu thla ni kuo ni chun chu khawpuia chun suksietna chu a um tah a.

JEREMIA 39:8

Chun, Kaldaihai chun lal in le mihai inhai chu meiin an rawh a, Jerusalem kulbanghai chu an sukchim tah a.

JEREMIA 51:30

Babulon mi thilthawtheihai chun indo chu an ṭhul a, an kulahai chun an um zing a; an thilthawtheina khawm a thlâwn a, nuhmeihai ang el an ni tah a; a chêngna hmunhai chu meia rawin a um a, ân huonna thîr- hai khawm chu sukthliekin a um tah a.

JEREMIA 52:14

Chun, Kaldai sipaihai vêngtu pâwlhai la umhai po po chun Jerusalem kulbang chu a vêlin an sukchim tah a.

ṬAP HLA 1:3

Sukrinumna le sal nina nasatak- ah Juda chu salin a fe tah a, Awi naw mihai laia chun a khawsa a, châwl hrim a hmu nawh; Ama sukrimsituhai po po chun hmun inchêptakah an nangchîng a.

ṬAP HLA 4:15

“Fe hmang ro, thieng nawhai,” tiin mihaiin an khêk khum a, “Tir hmang ro, Tir hmang ro, Tâwk naw ro”, tiin. Tlânsie le invai an hung ni tah a, Hnamhai lai chun mihaiin, Eini lai um ta naw raw hai se, an tih a.

ṬAP HLA 4:20

Ei hnârkuo thuok, LALPA hrieknâl chu, an khursûnga chun an lâk a; “Ama hlim hnuoia chun hnamhai laia chun chêng ei tih,” ei tih a.

EZEKIEL 12:13

Chun, ka lên khawm chu a chunga chun dêngkhum ka ta, ka chânga chun âwk a tih; chun, Kaldai- hai ram Babulona chun ṭhuoi ka ta; chutaka chun thi ding ni sien khawm, hmu chu hmu naw ni.

EZEKIEL 17:20

Chun, a chunga chun ka lên chu keiphar ka ta, ka chânga chun ama chu âwk a ta, ama chu Babulonah hung ṭhuoi ka ta, chutaka chun a bawsietna, ka chunga a lo bawsietna chu a kuomah phût ka tih.

EZEKIEL 7:26

Sietna chunga siet nâwk zuolna hung tlung a ta, thuthang chunga chun thuthang um a ta; chun, zâwlnei thilhmulâwkhai chu zawng an ta, nisienlakhawm, thiempua inthawkin dân le, mi hluihaia inthawkin thu- râwn chu bohmang tâng a tih.

HOSEA 11:6

A khawpuihaia chun kâwlhnâm inletin um a ta, A kulhai chu sukbohmang a tih, Anni thu lo râwn ang ngeiin sukbohmang a tih.

HOSEA 3:4

Israel thlahai chu ni tamtak laltak le mi lien le, inthawina le lung- phun inser, thiempu zakuo amanih, milimhai amanih, nei loin an um ding a ni sih a.

AMOS 1:5

Damaska khaw kawtkhâr thîr chu suktliek ka ta, Aven ruoma in- thawka a hluotuhai le Eden ina inthawka lal hmawl chawituhai chu sukbo ka ta; chun, Suria mihai chu Kir ramah salah um an tih,” LALPA- IN a tih.

DÂN PAHNINA 28:36

“Nangni le in lal leh, in pi le pu chena in hriet ngai naw hnam kuom- ah LALPA chun ṭhuoi a ti cheu a, chutaka chun thing le lunga siem pathien dang rawng chu bâwl in tih.

DÂN PAHNINA 28:63

A thawṭha ding cheu le a sukpung ding cheua LALPA chu a thafân ang khan a sukbohmang ding cheu le a sukse ding cheuin LALPA chu thafân a ta, in va hluo ding in va lûtna rama inthawk chun sawn hmang nîng in tih.

1 SAMUEL 28:6

Chun, Saula chun LALPA a hang rawn khawmin LALPA chun mangin amanih, Urimin amanih, zâwlneiin amani khawm a dawn hrim hrim nawh a.